თამაში

იდეა: 2 სხვადასხვა ავტორის მიერ დაწერილი ლექსები ერთნაირი შინაარსით, ემოციით, სიტყვებით, განწყობითა და იდეით.

სათაური: “თავი დამანებეთ”

სტროფების რაოდენობა: მინ. 3 მაქს. 4

ემოცია: ნეგატიური (მკვეთრად გამოხატული)

ფორმა: მიმართვა (მრავლობით რიცხვში)

მიმართვის ფორმა: თხოვნის გამომხატველი, ზომიერად კატეგრიული.

აუცილებლად გამოსაყენებელი სიტყვები:  “თავი დამანებეთ”, “თანაგრძნობა”, “ვედრება” “ზურგის შექცევა” “დეპრესია”, “ხელები”, “ყველა” “მარტო დარჩენის სურვილი”.

თემა: დეპრესია, სასოწარკვეთა, მარტო დარჩენის სურვილი.

დრო დასაწერად: 15 წთ.
დრო კორექტირებისთვის: 5 წთ.







თავი დამანებეთ! (მორის ჯერალდი)



თავი დამანებეთ, მინდა მარტო დავრჩე,
გვედრებთ, გამეცალეთ ყველა ქვეყნიერი,
ნუღარ გამიღრმავებთ ტკივილს, უკვე ნაჩვევს,
მეც ხომ მაქვს უფლება ვიყო ბედნიერი?!


თქვენს ჭუჭყიან ხელებს ნუღარ შემახოცავთ,
გავხდე თქვენნაირი  -  ნუღარ შეეცდებით!
უკანასკნელ გრძნობებს ნუღარ ჩამიხოცავთ,
ვეღარ ამომიშლით ნაწერს შემეცნებითს,


თუ ვერ შემიყვარეთ, მაშინ შემიძულეთ,
ამით ამოძირკვეთ გზა ნეიტრალური,
თქვენს წინ დავიჩოქო, ვეღარ მაიძულებთ,
თქვენთვის შეინახეთ თქვენი სიბრალული!


მჯერა არ შეიმჩნევთ ბორკილს დეპრესიის,
სიამაყის თრგუნვას შეწყვეტს თანაგრძნობა.
გვედრებთ კიდევ ერთხელ – ზურგი შემაქციეთ!
არ მსურს სიბრალული, აღარც თანადგომა...






თავი დამანებეთ! (არგონავტი)



სულში დემონები დეპრესიის ლავას ხარშავენ,
ტანჯვა-წამებით მოთრეული თეთრი ფერები
ისევ ივერცხლება...
შავი ღრუბელი ნათელ, მზიან დღეებს აშავებს
ფიქრებს ოცნებისთვის არ სცალიათ,
აღარც ეცლებათ.


და ცხოვრებისგან ისევ ვდგავარ დღეს ზურგეშექცევით,
გგმობთ და მივდივარ, ნუღარაფერს წამომაძახებთ.
ხედავთ, ჟანგიან მარწუხებში ისევ ვექცევით?!
დროა ხელები შემომხვიოთ, იმედებო,
ერთად ჩავძაღლდეთ!


ჩემი არსებობა მინდა ყველას გადაგავიწყოთ,
გულში ჩავიხუტებ დღეს ნუგეშინსმცემელ -
ჩემს სიმარტოვეს.
ზურგი მაქციეთ და აღარ თანამიგრძნოთ!
ყველას გევედრებით, თავი დამანებეთ!
მარტო დამტოვეთ...