იცი,... ყოველივე წარმავალია
და ეს დღეებიც მიდის.
თან გაცნობაა, თან მოწონება,
სინათლე მოჩანს ბინდში.
თვალი თვალს ხვდება,
ტკბილია მზერა,
აღიარება მიჭირს.
სევდანარევი წარსულის ფიქრში,
მომავალი დგას ჩრდილში.
იცი,... ყოველი დღე მშვენიერია,
თან ეს დღეებიც მიდის.
თან სიყვარული წამომეწია
გრძნობებს ახვევია ნისლი.
სიტყვა სიტყვას ჭრის,
ენა ჩუმდება,
თვალები ასახავენ ტკივილს.
რადგან ყოველივე წარმავალია,
ჩვენი სიყვარულიც მიდის.