"- ბარბაცით შევდივარ ოთახში,
                                                                                სიგარეტი წითელ წერტილად ჩანს,
                                                                                                          გასისხლულივით,
                                                                                                                            ბნელა,
                                                                                                        ხელების ფათურით
                                                                                              ვპოულობ ვისკის ბოთლს.
                                                                                                        ერთი ყლუპი და...
                                                                                                                        მთბილა.
                                                                                  ერთი ყლუპიც და ისე მიყვარხარ,
                                                                                                          როგორც არასდროს,
                                                                                                კიდევ ერთი ყლუპი და...
                                                                            უკვე ერთად ვართ იისფერ სივრცეში,
                                                                                                                არ გამაღვიძო!
                                                                                              აღარ შეეხო ჩემს ოცნებას
                                                                                          მანიკურიანი ფრჩხილებით!"

სიკვდილის გზა - არ არის გამოსავალი,
ეს ჩემი გზაა, შენს გამო სავალი.
სიცოცხლე - ხიდი არაა გარდამავალი.
ეს გზაა, სადაც ვარ შენს გარდა მავალი.
სკნელი, ზესკნელი, უკანა სკნელი:
წავალ უკანა კარიდან, ვიქნები უკანასკნელი.


აღარ შეეხო-მეთქი!