ქაბულის ცაზე დანაჩეხი მოჩანს ხედები,
  მზე შუბისტარზე შურისგების გამო ააცვეს.
  ნაჰაშიშარზე შარუშიში მოჯაჰედები
  ომს დარაჯობენ მშვიდობისგან უკვე გაძარცულს.
  შურისძიებამ გაუტენა გული შარიათს,
  ჭროღა თვალები მოეწკურა ბებერ ეფენდის.
  გადაერიათ იარაღი კაცებს შარიანს,
  სისხლის ყივილით,სისხლის ტბებით, სისხლთან შეხებით.
  ქვიშის საათი უნდო წუთებს ცრის ჩამომარცვლით,
  უდაბნოს თავზე მოახვიეს მიზნად მირაჟი.
  ქაბულის ზეცას ინისფერი ჩადრი მოაცვეს
  და აზიური მაჯისცემა დგება ყირაზე...
  ომს დარაჯობენ შარუშიში მოჯაჰედები,
  ცა ისევე სდუმს, როგორც ადრე, ანდა არასდროს.
  მოდის მშვიდობა იდაყვამდე მოჭრილ ხელებით
  და ომის ღმერთებს უკანასკნელ ტყვიას სთავაზობს...


საოცრებაა!!

ეს ლექსი სულ მახსოვს :)

მართლა დამბურძგლველი ლექსია!

ეს ერთადერთი ლექსია, რომელზეც ყოველი წაკითხვისას კანი მებურძგლება, ჩემი "ბურგძლომერი" კი ყველაზე უტყუარი შემფასებელია...

ნაჰაშიშარზე შარუშიში მოჯაჰედები_ არადა ეს ფრაზა გამოვარჩიე სხვებსგან, იმდენად კოხტად ჩამეკითხა და უეცრად დებორას კომენტარი... რომელმაც, ვერანაირი გავლენა მოახდინა ჩემზე... ასე თუ ისე, პოეტურობა არ აკლია ლექსს, შეიძლება ითქვას კრიტიკულ-პუბლიცისტიკური ნაწარმოებიაო პოეტურად გადმოცემული...

აჰა, ხომ გითხარი? ისევ აქ ვარ :)

  ქვიშის სათი უნდო წუთებს ცრის ჩამომარცვლით,


სათი, აქ ა აკლია თუ ასეა გათვალისწინებული?



მადლობა ამ ლექსისთვის :)




პატივისცემით,
განდი.
არწივი.

  ომს დარაჯობენ შარუშიში მოჯაჰედები,
  ცა ისევე სდუმს, როგორც ადრე, ანდა არასდროს.
  მოდის მშვიდობა იდაყვამდე მოჭრილ ხელებით
  და ომის ღმერთებს უკანასკნელ ტყვიას სთავაზობს...

+1000000

555555555:)

მოდის მშვიდობა იდაყვამდე მოჭრილ ხელებით
  და ომის ღმერთებს უკანასკნელ ტყვიას სთავაზობს...

5555555

მერაბ  კოსტავას  აქვს  ჯერ  კიდევ  ავღანეთში  საბჭოური  ინტერვენციის  დროინდელი  დიდებული  ლექსი  ამ  თემაზე.
მას  შემდეგ  ასეთი  ძლიერი  ლექსი  არ  წამიკითხავს...

გმადლობ, დებორა ლექსის ასეთი ღრმა და საფუძვლიანი ანალიზისთვის. რაც შეეხება შ-ების თავმოყრის გამო "ტექსტის ენის გასატეზად" ქცევის საშიშროებას, ვისაც გასატეხი აქვს, გაიტეხოს და თუ ამ ლექსში ევფონიური პლანის დაზიანების მეტი შესამჩნევი არაფერია, ეს წამკითხველის პრობლემაა და არა ლექსის ავტორის. მე ხომ პოეზიაში ახლა "ავიდგი" ენა და ცოტა "მაშიშინეთ", სანამ ენას გავიტეხ...

      ყველა წავიკითხე,რაც აქ დევს. ეს - მათ შორის საუკეთესოა.ერთი შენიშვნა მაქვს ტექნიკურ მხარესთან დაკავშირებით.ნაჰაშიშარი - ფორმა თავისთავად საინტერესოა,მაგრამ შ-ების თავმოყრა  მის ირგვლივ  ალიტერაციის ეფექტს კი არ იძლევა, ლექსის ევფონიურ პლანს აზიანებს და  ტექსტი ენის გასატეხს უფრო ემსგავსება.  მინიმუმ ,ნაჰაშიშარზე შარუშიში  მაინც - გასამიჯნავია.

მოგესალმები, თანანა:)

ლექსის ჩანაფიქრი მართლაც შესანიშნავია და განხორციელება არანაკლები :)


მშვიდობიანი დღე :)





პატივისცემით,
განდი.
არწივი.

ბატონო მაჰათმა, დიდი მადლობა ასეთი ღრმა და საფუძვლიანი ანალიზისთვის. ჩემს ლექსს "ტერორიზმის ეტიმოლოგია" სწორედ იმიტომ დავარქვი, რომ ამ ცოდვა-მადლის განუკითხაობის სათავე მაინტერესებდა. სათავე კი იმ პერიოდში ძევს, რომელიც თქვენ ასე საფუძვლიანად შეგიფასებიათ. მე მოჯაჰედის, იგივე (წმინდა ომის ჯარისკაცის) ტყავის მორგება და მისი ფსიქოლოგია მაინტერესებდა, რადგან ბებერი აღმოსავლეთის პროკრუსტეს "დემოკრატიულ" სარეცელზე მოჭრა რბილად რომ ვთქვა, უგუნურებად მიმაჩნია, თუმცა, ამ უგუნურებას საკმაოდ შორსმიმავალი პრაგმატული მოსაზრებები უდევს საფუძვლად. აღმოსავლურ სიბრძნეს დოლარზე გამოსახულმა ყოვლისმომცველმა თვალმა დაადგა თვალი და აზიური ჩადრი უშლის ხელს დემოკრატიული ჰიპნოზისთვის... ამიტომაც ამ ჩადრის ჩამოგლეჯაა საჭირო, რის ფასად? - ამას ალბათ, მოჯაჰედები გრძნობდნენ ჩვენზე უკეთ. ერთი სიტყვით, მე ამ ლექსში აზიური ვაჟკაცობისა და კიდევ იმისა ვთქვი, ჩვენ რომ ფეხზე გვკიდია ცალობით თუ ბითუმად...

უკაცრავად, უზუსტობა გამეპარა ტექსტში, ცოტა დრო მაქვს ურაკზე ყოფნისთვის  და არ გადავხედე კომენტარს გამოქვეყნებამდე, :D

ასე უნდა ყოფილიყო ეს ნაწილი , :

მეორეს მხრივ, ალბათ საკამათოა ჰქვია თუ არა ჯიჰადი დღევანდელ პერიოდში თალიბანის  მიერ წარმოებულ პარტიზანულ ომს , ამერიკელი, კოალიციური ჯარების და მშვიდობიანი ავღანელი  მოქალაქეების მიმართ,



მშვიდობიანი ღამე :)




პატივისცემით,
განდი.
არწივი.

მოგესალმებით :)

ყველას მოგვეხსენება, რომ მედალს ორი მხარე აქვს,, რა თქმა უნდა  ლექსი უმაღლეს დონეზეა შესრულებული, ჩემი დიდი მოწონება ავტორს, კარგად მოარგო გასაღები აღმოსავლურ კარიბჭეს,, ,


მეორეს მხრივ, ალბათ საკამათოა ჰქვია თუ არა ჯიჰადი დღევანდელ პერიოდში თალიბანის  მიერ წარმოებულ პარტიზანულ ომს , ამერიკელი, კოალიციური ჯარების და მშვიდობიანი ავღანელი  მოქალაქეების მიერ,,

რომ ავიღოთ საბჭოების  შეჭრა ავღანეთში, შეგვიძლია ვთქვათ, რომ მაშინ უფრო გამართლება ქონდა იმ ბრძოლას რასაც მოჯაჰედები აწარმოებდნენ დამპყრობლების წინააღმდეგ , კარგი მაგალითია, მასუდის  (მეტსახელად "პანჯშირელი ვეფხვი") როგორც ეროვნული გმირის როლი მოჯაჰედურ ომში. (მოგვიანებით მასუდი მოკლეს თალიბებმა). იმ პერიოდში მოჯაჰედებს ქონდათ იდეა, რომლისკენ სწრაფვა ასულდგმულებდა ომში ჩაბმულ , საკუთარი სამშობლოს დასაცავად თავგანწირულ მებრძოლებს. (ავღანელები ერთ-ერთ ყველაზე ამტან და ვაჟკაც მეომრებად ითვლებიან, ისტორიიდან ცნობილია მრავალი ფაქტი მათი სიჯიუტის შესახებ),

მეორეს მხრივ, გასაგებია, რომ ავღანეთის ტერიტორია იყო გადაქცეული ორი გიგანტი სახელმწიფოს, ამერიკისა და  საბჭოთა კავშირის საცედელ პოლიგინად, საჭიდაო არენად. (როგორადაც სამწუხარო არ უნდა იყოს ეს ფაქტი),, 


დღევანდელი გადასახედიდან თუ  მივუდგებით საკითხს, მას შემდეგ რაც თალიბები გააძევეს ავღანეთიდან (2001 წელს), ბრძოლის ტაქტიკა შეიცვალა და მოჯაჰედები (წმინდა ომის ჯარისკაცები) ნაკლებად ეწოდება დღევანდელ  მებრძოლებს რომლებიც ტერორისტულ აქტებს ანხორციელებენ. ამერიკელების შესვლამდე ამ ტერიტორიებზე,  თალიბანის რეჟიმი ავღანეთში ოფიციალურად ხორციელდებოდა. სამწუხაროდ ცუდის მეტი არაფერი არ მოუტანია ამ რეჟიმს საკუთარი ხალხისთვის. მათი მოქალაქეების ჩაგვრა დიდხანს არ გაგერძელდებოდა. სამხრეთელი ავღანელები განსაკუთრებით ლოიალური იყვნენ  თალიბანის რეჟიმის მიმართ, (სწორედ სამხრეთ რეგიონი ითვლება თალიბანის სამშობლოდ, სადაც ჯერ კიდევ საბჭოებს გააფთრებული ბრძოლები ქონდათ მოჯაჰედების წინააღმდეგ)  რასაც ვერ ვიტყვით ჩრდილო დასახლებებს, დედაქალაქს ქაბულს და მის შემოგარენს. მათ არც თუ მთლად გულზე ეხატებოდათ თალიბანის რეჟიმი, რომელმაც სასტიკი რბევა, შიში და ქაოსი მოიტანა.

ამიტომ, ცოტა მიჭირს ტერორისტებს მოჯაჰედები ვუწოდო, რადგან ტერორისტი ტერორისტია, სიტყვა მოჯაჰედი სულ სხვა ფუნქციის მატარებელი.



კიდევ ერთხელ ჩემი სალამი და პატივისცემა ლექსის ავტორს :)







კეთილი სურვილებით,
მაჰათმა განდი.
არწივი.

სისხლის ყივილით,სისხლის ტბებით, სისხლთან შეხებით.


ცა ისევე სდუმს, როგორც ადრე, ანდა არასდროს.


ბრავო...555

აი ეგ უკვე უმაგრესია... უბრალოდ კარგია, ანუ კარგი ყველაზე...

P.S. მეზიზღება ამერიკა, რუსეთი და ყველა იმპერიალისტი ქვეყანა...
მე მინდა თავისუფალი აზია და დამოუკიდებელი ინგუშეთი... ეგ აქ რა შუაშია მგარამ მაინც

ვგიჟდები ამ ლექსზე !

პეზიას რომ სქესი არა აქვს, ამაში ამ ლექსის დაწერის შემდეგ დავრწმუნდი. ამდენი დაჩმორებული და განაზებული კაცის შემხედვარე ჩემს ქვეცნონიერში მთვლემარე კაცურმა საწყისმა "ვახ, ჩემიო" ამომბღავლა და ეს ქუსლიდან ტყვიის მსროლელი ლექსი დამაწერინა... პ.ს. ისე, სექსუალურ ორიენტაციაში არც დალტონიზმი მჭირს და არც ფერები მერევა ერთმანეთში, ღვთის წყალობით!

მე არ ვიცი ამ ლექსების ავტორი ვინაა-ქალი თუ მამაკაცი,
მაგრამ იმ ვაჟკაცური სულის მატარებელი ნამდვილად არის,
როგორსაც ყველა ქართველში ვინატრებდი.

მაგაროოოოოოოოოოოოოოოოოოოოოოოოო55555555555555555555555555

ჩემო ლუბა, შენმა "აღმოსავლეთმა" მომცა უდიდესი მუხტიც და შთაგონებაც. შენმა ლექსმა ასე "იალა" ჩემში. პოეტი პოეტისთვის კარგი ზიარჭურჭელია. გენაცვალე მაგ იმპულსების ფრქვევაში!...

5
ეს ლექსიც მიყვარს და მისი დაწერის ისტორიაც :)

ავღანეთში დემოკრატიის დამყარების მსურველი იმ ესკიმოსს მაგონებს, კონგოს მცხოვრებს ინსტრუქტაჟს რომ უტარებს, როგორ მოიქცეს ის პაპანაქება სიცხეში... თუმცა, ეს ლექსი არცთუ ბებერ აღმოსავლეთზეა მხოლოდ...

კარგგია . . ..

დავბრუნდებითქო და დავბრუნდი. სამწუხაროდ მოლოდინი გამართლდა, მეტად დაბალი ქულები აქვს... სამწუხაროა

მოდის მშვიდობა იდაყვამდე მოჭრილ ხელებით
  და ომის ღმერთებს უკანასკნელ ტყვიას სთავაზობს...
ძლიერია :)

მართლაც მაგარი ლექსია, შინაარსობრივადაც და წყობითაც!    ბრავო  თამარ!

ილტოსპირელო, როგორ მივხვდი რას ფიქრობდა ბატონი ბაკაკო ჩემი ლექსის სათაურთან დაკავშირებით? "დამნაშავე მსოფლიოში ვცხოვრობთ"-თუნდაც მხოლოდ ამ ფრაზით...

კი მართლა ძლიერი ლექსია

ხო აქ კიდევ დავბრუნდები მოგვიანებით მიზეზთა გამო :)

უძლიერესი ლექსია
თამამად ვიტყვი კაი ხანია ამ საიტზე (და არამარტო) ესე ლექსი არ მომწონებია

ლექსში მაგარი მიგნებებია...აზიური სული... -მე ეს მომეწონა

ქაბულის ცაზე დანაჩეხი მოჩანს ხედები,
  მზე შუბისტარზე შურისგების გამო ააცვეს.
  ნაჰაშიშარზე შარუშიში მოჯაჰედები
  ომს დარაჯობენ მშვიდობისგან უკვე გაძარცულს.
  შურისძიებამ გაუტენა გული შარიათს,
  ჭროღა თვალები მოეწკურა ბებერ ეფენდის.
                                                                                  უმაგრესია...555555555

ამ ლექსის სათაური კი როგორც მე მესმის ისე თუა ჩაფიქრებული, უმაგრესი მიგნებაა.

                                                                                                      ბატონი ბაკაკო.

ბატონო ბაკაკო, თქვენ სწორად შეგინიშნავთ, ამ ლექსის სათაურში სწორედ ის ჩანაფიქრია, თქვენ რომ იგულისხმეთ. რა კარგია, რომ რა შინაარსიც ჩავდე, ზუსტად ისე აღიქვა მკითხველმა. გმადლობ.
                                                                                                            თანანა.


ამ დიალოგმა, ცოტა არ იყოს, დამაბნია:

როგორ გაიგო თანანამ რა იფიქრა ბატონმა ბაკაკომ მისი ლექსის სათაურთან დაკავშირებით?!.

ცხადია, ლექსი მეც მომეწონა!

კარგი ლექსია!
ფინალური ფრაზა კი უძლიერესია და თან ძალიან მეცნობა.
სხვაგანაც წამიკითხავს, ალბათ...

''საათი'' ჩაასწორეთ.

ვახ ,ახალი კარგი ავტორი?
მომწონა!

55555555

ვიცი ეს ლექსი! ავტორზე რომ არ ვილაპარაკო... :D
უძალიანმაგრესია  თამარ!
++ :)

რაღაც ძალიან მომეწონა...

ნაჰაშიშარზე შარუშიში მოჯაჰედები...

ეს სიტყვები ხომ საერთოდ....მოქმედებს რაღაცნაირად....

მოდის მშვიდობა იდაყვამდე მოჭრილ ხელებით
  და ომის ღმერთებს უკანასკნელ ტყვიას სთავაზობს...

ძალიან მომეწონა ! 

ბატონო ბაკაკო, თქვენ სწორად შეგინიშნავთ, ამ ლექსის სათაურში სწორედ ის ჩანაფიქრია, თქვენ რომ იგულისხმეთ. რა კარგია, რომ რა შინაარსიც ჩავდე, ზუსტად ისე აღიქვა მკითხველმა. გმადლობ.

მაგარი ლექსია.. ნაღდად.. ავტორი კი.. მაინტერესებს.. :)

ეს ავტორი ადრეც შვნიშნე...
კარგი ავტორია ნამდვილად!

ამ ლექსის სათაური კი როგორც მე მესმის ისე თუა ჩაფიქრებული, უმაგრესი მიგნებაა.

სიწმინდეები ყველას აქვს! და თავის დროზე ბიძინა ჩოლოყაშვილი ტერორისტი იყო ვიღაცეებისთვის...

ტერორიზმი - ეს ახალი ტერმინია თავისუფლებისათვის მებრძოლთა ვიღაც მართლა უღირს ადამიანებთან გასათანაბრებლად.

დამნაშავე მსოფლიოში ვცხოვრობთ...

უძლიერესი ლექსია!

მომეწონა ძალიან :)

ბედის ირონიაა,რომ მოჯაჰედებსაც თავისი სიწმინდეები აქვთ და
სამართლიანობისა და სარწმუნოებისათვის იბრძვიან  :(  :(

..

:)

ძალიან კარგია.. ლექსი.. :)

გმადლობ..

ნიკა, გავითვალისწინე თქვენი მახვილი თვალი და ყური...ახლა მე მგონი, ყველაფერი  ზუსტად ჩაჯდა.

"შურის ტყვიებმა" გააფუჭა ცოტა და აქ - "სისხლის დანახვით, სისხლის ყივილით, სისხლთან შეხებით" - დარღვეულია რიტმი..

ძლიერი ლექსია..