ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ამ შაირ-კაფიების  წამომწყები ბობო იყო იმ საღამოს, მაგრამ მერე ჩვენ ძალიან დაუკრეფავებში გადავედით და ბობომ მიგვატოვა - თავში ქვა გიხლიათო 
შემონახული მქონდა და ახლა, მონაწილეების ნებართვის გარეშე ვდებ შაირებს რიგირთობის მიხედვით, წინაპირობა და საუბრები ამოღებულია.

ბაკური:
ბობო-მიხო აბა ერთად
დავამშვიდოთ ნეკერაო -
რითმა თუკი არ გამოსდის
არა უშავს, მერე რაო

ნეკერა:
ბაკურ, პატარა გოგო ვარ
ჯერ გაზრდა უნდა მაცალოთ,
ჩემი ლექსიც და რითმებიც
სულ ყველა თქვენ გენაცვალოთ

ბაკური:
პატარა გოგოვ ნეტავი
ლატარიაში მერგე რად?
ბობო, აქედან რომ გავალ
პრიზად წავიყვან ნეკერას.

ბაკური:
სადა ხარ ბობო- ბატონო?
სთქვი შენი ოთხსტროფედები
თორემ ხომ ხედავ სიცილით
გვეტკინა უკვე ფერდები.

ნეკერა:
ბაკურ კარგად შეინახე
ეგ ლატარიის ბილეთი,
გზაზე არავინ წაგართვას
ხალხში ტრაბახობ მილეთის.

ბობო:
ზეცაში ჩვენი სახლია,
მიწად დარდების ზღვა არი...
ჭურში ჯდომა - ხომ კარგია,
გოდორში მაინც სხვა არი.

ბაკური:
ნეკერ სტუმრად სხვის გვერდზე ვართ
ტეხავს - აქ არ გამაცოფო
თორემ მერე შენც შეგრცხვება
დაბრუნდება როცა ბობო.

ნეკერა:
"ბაკური დაბერებულა"
ასე გავარდა ხმებიო,
ამბობენ ვეღარ ცოფდები
და უღონობით ხმებიო.

ბაკური:
ნეკერ, არ გირჩევ გამოცდას...
ისე კი - არა მიშავსო!
ერთი რითმა თუ არ ვარგა,
ზა ტო მეორე გლიჯავსო.

ნეკერა:
გამოცდა-კოლოკვიუმებს
დიდი ხანია გამოვცდი,
ტყუილად ნუღარ მაშინებ
სადღა გაქვს თავი გამოცდის.

ბაკური:
გოგო, გაფრთხილებ იცოდე
სულზე ნუ მითვლი მაზოლებს...
ახლაც კარგი ხარ... და მაინც -
საშემოდგომოს გაყოლებ!

ბაკური:
აქ რომ ლაღობს და დუელობს
ნეტავ ეს გოგო ვისია?
გოგოვ, გაიწი - შეცვლაზე
შემოდის მიხო ბიძია!

ნეკერა:
ორი "ბიძიას" შაირში
რა სილამაზე ყრიაო?
ეგ რა მითხარი, გავცოფდი
შენთვის ვარ ახლა ტყვიაო.

ბაკური:
ნეკერას ნახეთ - გვიბღვირა,
განა გაბუტა ტუჩები...
ბობო, შემოდი თუ არა
მეც გავიხადე ბუცები.

ნეკერა:
ბაკურს შეუდგა მემგონი
შიშისგან უკვე ქარები,
ხან ბობოს უთმობს, ხან გეკოს,
ეგრე გაფრთხობენ ქალები?

გეკო:
შეხეთ ამ ჩვენს სვანიძის ბიჭს
ლექს - შაირი აურია,
ნეკერ მაგას ნუ ენდობით,
ყველაფერი ფარული აქ...

ბაკური:
ჩემს დასაფრთობად რომ მოხვალთ
სადმე ბუჩქს ამოეფარეთ..
ბობო, მე რა ვქნა? ქალები
კრიფავენ დაუკრეფავებს.

ბაკური:
ფარულობა ძმაო ჩემო
მხოლოდ რიდის გამო იყო
რადგან ეგრე ძაან გინდა
გელა, რა ვქნა - ამოვიღო?

ნეკერა:
ქალს სითავხედეც უხდება
ხანდახან კაცის გაწვევაც,
ჰა, წითელ ბარათს გაჩვენებ
თუ თავის გინდა დაღწევა.

ბაკური:
ბობო, ჭკუას ნუ მარიგებ,
დადექი, გინდა გაიწი
წინასწარ რომ ახმაურდი
ვინ ვის დაჩაგრავს რა იცი?

გეკო:
ქალები გყავს იმდენი რომ,
აგერია სარჩევი?
შენი რა ოხრობად მინდა,
მე ჩემი მაქ სათრევი...

ბაკური:
ნეკერ, ბარათი მე მგონი
არ უნდა იყოს საჩვენო,
გეკომ მთხოვა და რა ვიცი -
ნეტავ შენც ხომ არ გაჩვენო?

გეკო:
რა გაქვს ასეთი გვაჩვენე,
აარა ვართ მაგის ხამია,
ხანდახან გამოიყენე,
არ დაგეჟანგოს ძამია..

ბაკური:
ბობო გინდა გეკო იყოს
გინდა კიდევ თოფი ფილთა
დაანებე ორს კი არა
ხუთს დავჯაბნი თუ მომინდა.

ნეკერა:
ბაკურ რაღა დროს ეგაა
უნდა მონახო სხვა სპორტი,
შამკეთებელთან წაიღე
დაგძველებია პასპორტი.

ბაკური:
გეკო, მადლობა ზრუნვისთვის
მოდი ამაღამ გაგატან
ვიცი რომ კარგად მოუვლი
კიდეც დაზეთავ ხანდახან.

ბაკური:
ნეკერ, შენც ზრუნავ, ვაიმე
რამ შეგაყვარა ასეო
რიგში ჩადექი, მე მგონი
იქნები მეათასეო.

ნეკერა:
ტრაბახი ვაჟკაცობაში
ჯერ არ ჩათვლილა ბაკურო,
ათასს ვერ მოერეოდი
ჰოროსკოპით არ ხარ კურო.

ბაკური:
ბობო, ამეებს მე მგონი
გადაეყლაპათ ენაო
სხვა რა იცი და დადექი
ტაში უკარი შენაო.
გეკო:
ბაკურ შაირში ნაღდი ვარ,
იცი შენ არ ვარ მკვეხარა,
კი წავიღებდი მაგრამა,
ბობო რომ გადაეფარა?

ბაკური:
ბევრს ვინმეს შევჭიდებივარ
კიდეც ნეკერას ნაირსო
და თუკი ვერ მოგერევი
გეჭიდავები მაინცო.

ბაკური:
გეკო, დაიცა შე კაცო
ბობო ხე არის? - კაცია
თუ გინდა და ვეღარ ხედავ,
ჰკარი ხელი და გაწიე!

ნეკერა:
ასე დაგიდგა სვანიძევ
საქმე, რომ ანგარიშობ ფრეს?
ბობო თვალი აგვარიდე
უცებ გავუხსნი ფიტნეს-წრეს.

გეკო:
კარგი დაგითმობ ნეკერას,
არ გიჭირს რითმის მიგნება,
ერთი ქალ კიდე გვიყურებს,
შემოიტყუო იქნება...

ბაკური:
ნეკერ შეხედა ტაბლოზე
რა ანგარიში ანთია...
თუმცა შენ წრეში თუ გინდა
ეგ კარგად ვერ დაგმართნია.

ბაკური:
რა ვქნა მე გეკო რა ვუყო
ნეტავ ვის რაღა ვურჩიო?
აგერ დამდგარა და ითხოვს
მალე გამიშვით კრუგშიო.


გეკო:
ასაკს ვერ გაუმკლავდები,
რაც გინდა ტრფობით იწვოდე,
ბაკურ ჩვენ აწი ძამია,
,,კრუგშიც"შევრცხვებით იცოდე...

ლექსო (პოეტი-007):
რა შაირობა აგიტყდათ,
რამ გაგამწარათ ამ ღამეს?
ისე დაგამყნობთ სამივეს,
თვალსაც ვერ დაახამხამებთ!

ბაკური:
რა გჭირთ რა ფიქრი გეტაკათ
ვშაირობთ განა ვატრაკებთ
დრო ეყოფოდა საფიქრად
მე მგონი კარგ მოჭადრაკეს.

ნეკერა:
ბაკურს ჰგონია დამჩაგრა
გამინახევრა რითმები,
მოხუცს და საწყალს არ ვჩაგრავ,
რომ მიცნობდეთ კი მიხვდებით...

ბაკური:
შემოგვივარდა მუქარით
პოეტი ნოლნოლშვიდიო
დავამყნობ-დავაყვავილებ
ბევრსაც შენნაირ იდიოტს.

ნეკერა:
ლექსო შენ ნუ ჩაერევი
ეს პაექრობა მშვიდია,
ამხელა ჯეიმს ბონდურ თავს
გვიყადრებ ნოლ-ნოლ-შვიდია?

ლექსო:
გელა ვანურად აჩმახებს,
ბაკო თბილისურს ქაქანებს,
გოგო, რას ერჩი მაგ ბებრებს
ახალგაზრდა ვარ აქანე!

ბაკური:
იქიდან რაც მე განახე
გეტყობა რაღაც დარჩა გულს?
ყოჩაღ თუ ეგრე იცოდებ
ყველა ჩემსავით დაჩაგრულს.

ბაკური:
ნოლნოლშვიდ, ვერ კი გიცანი
რა ჯეელობას შეჰხარი?
ემაგ ციფრებით ვერ გცნობ და
შვიდს მოაშორებ? - ეგ არი!

ლექსო:
ბაკურ და გეკო - დაწყნარდით!
ნუ მეჯიბრებით ამაში!
შაირი ხომ არ გგონიათ
რასადროდისზე თამაში?

ბაკური:
კარგი ნონლნოლშვიდ მაშინ ჩვენ
შეგეჯიბრებით იმაში
ისეთ თამაშებს მოგიწყობთ
თავი გეგონოს წვიმაში.

ნეკერა:
ყველა დაჩაგრულს არა და
ყველაზე ცოდოს- ვიცოდებ!

ლექსო შენ ნუ ჩაერევი,
ოჯახს მიხედე იცოდე!

ბაკური:
ნეტავი შენ კი არა და
ბალიშის პირი მეკერა
მაგას რომ ოჯახს უხსენებ...
ორი შვილი მყავს ნეკერა!

ნეკერა:
ხოდა ვიცოდი იცნობა
ოსტატი ჭრა კერვაშია,
შენ ორი გყავს, მაგას ნული,
ნეტავ მიზეზი რაშია?

ლექსო:
ბაკურ, რა გითხრა, ჯამბაზო?
რითმა გაქვს გემრიელია!
აი, გეკოს კი როგორც ჩანს,
ტყვიები გამოელია!


ნეკერა:
ლექსო გგონია მხეცი ხარ,
სიზმარშიც რითმა გაბოდებს,
გეკო ისეთ ლექსს გიმზადებს,
ახლავე უნდა გარბოდე.

ბაკური:
მე გული მიგრძნობს ნეკერა
რომ უკვე მაგარ შარშია
თუ ლექსოს მაგის შაირი
ჯერაც არ მოუხარშია?

ლექსო:
ოსტატი რაში იცნობა,
მაგას თუ ხვდები, ნეკერო,
ერთი წლით მომებარე და
ნახე, როგორი შევკერო!

ნეკერა:
ლექსო ორმაგმა თავდასხმამ
უეცრად დააშამათა,
შიშების გამოსალოცად
ხომ არ გავუშვათ შამანთან?

გეკო:
ლექსო შენ ნუ ნერვიულობ,
რითმას დაგიწყობ ,,ტაბაკად"
სხვა მიზანი მაქ, იქნება
ხელი წაუცდეს თაბაგარს...

ნეკერა:
ლექსო ტყუილად ირჯები,
შენ მოატყუებ ნეკერას?
საკუთრებას ვერ კერავ და
მობარებულზე შეკერავ?

ბაკური:
მე მგონი რომ პრაქტიკული
სახე ეძლევა კამათებს
ნეკერ დანებდი თუ ფიქრობ
რომ ეგ ვერ დაგაშამათებს.

ნეკერა:
პრაქტიკულ-პერსპექტიულებს
ამოეფარა ბიჭიო,
ჭადრაკის დაფას სხვას უწყობს
თვითონ არა აქვს ნიჭიო.

ნეკერა:
მგონი გაწყინა ძვირფასო,
ქებამ და წათამამებამ,
ლექსოს დაგებულ მახეზე
დიიიდი ბაკური დაება.

ბაკური:
გეკო მგონი რომ გაწუხებს
შენ სულ სხვა ჩანაფიქრები
ხელი კი არა შენ გინდა...
რაც გინდა თვითონ მიხვდები.

ბაკური:
ნეკერ გინდა რომ გამაბა
ხათრი არა გაქვს, არც რიდი,
მგონი ნანახი არ გაქვს და
რატომ წამოგცდა მანდ დიდი?

გეკო:
ეჰ ბაკურ, ძმაო, ბოლო დროს,
მართლა არ ვიცი რა მინდა,
ძლივს მივაღწიე ,,იქამდი"
რაღას დავიწყებ თავიდან?...


ლექსო:
შენთან შაირში, გოგონი,
არც დამჭირდება ვექილი,
უბრალოდ ჩემს საკერავზე
ნემსი მაქვს გადაგრეხილი!
დაჯექ და გამოასწორე,
კარგი ხილია ე ხილი!

ნეკერა:
მე სრულწლოვანი მეგონე,
შენ რა ფიქრები გქონია,
დიდ-პატარობის კომპლექსი
ახლა რა მოსაგონია?


ბაკური:
გეკო თუ მართლა არ იცი
ხელი არსაით წაიღო...
ახლა ზიხარ და იხსენებ
ნეტავ ,,იქამდი,, რა იყო?

ბაკური:
მე მხოლოდ შემოგთავაზე
შენ იძახოდი კიო და
გეთქვა შე ქალო ამ ჩემს ყ ...ს
თუკი კომპლექსი ქვიოდა.

გეკო:
ერთ გოგოს ამდენ ვაჟკაცი,
რად შეესიეთ ნეტავი.
ნეკერ არ შედრკე,არა ხარ,
არც ისე გაუბედავი...
თუმცა სიფრთხილე კი გმართებს,
მოდი, მხოლოდ მე მომენდე,
ლექსო ხო, მაგრამ ბაკური
,,კათარზისშია" ყოველდღე.

ლექსო:
ვინ ვის მახეზე დაება,
მაგას არა აქვს მნიშვნელი,
ნეკერას თავი ანებეთ,
ჩემია მაინც პირმშვენი!
გელაჯან, მერის მიხედე,
ოხრად არ დაგრჩეს ის შველი,
ბაკურ, ჩამოვა ლიკა და
მერე მე ვეღარ გიშველი!

ბაკური:
გეკო, ნეკრას ,,კომპლექსებს,,
გირჩევ არ შემოეჩვიო...
შენ რომ ხარ ისეთ ნირვანებს
კათარზისები გერჩიოს.

ნეკერა:
აჰა ნეკერას გაუჩნდა,
თავის რაინდი დამცველი,
ბაკურ შენ ვერ დამაფასე?
მაგის ვიქნები დამწველი.

ბაკური:
პოეტო ლიკა ვინ არის?
ქე დამავიწყდა უკვე და
რა იყო ტუდა აბრატნა
ბილეთებს ხომ არ უკვეთავ?

ნეკერა:
ლექსომ შაირით არჩია,
ბაკოს ცოლი და გელასი,
თავისი რამ დაავიწყა?
სინსილა გაწყდა ყველასი!

ბაკური:
ნეკერ დაწვი და დაადნე
ვაი დედაო - იძახოს
თუ რამე მოგრჩეს ეგება
ზამთრისთვის გადაინახო!

ლექსო:
ეჰ, რა ვქნა? ჩემს კაფიაშიც
გამოერია მინორი,
ტანად ყველაზე დიდი ვარ,
რად გამიკეთეთ იგნორი?


ბაკური:
ნეკერ მე მაგას ნისკარტი
რა ვქნა და როგორ ვუცვითო,
სხვის ცოლებს სადღაც ეძებენ
თვითონ კი სახლში უზითო.

ლექსო:
ნინო, სწორი ხარ, ავყევი
ბებრებს კაფიით ხმობაზე...
ეხ, მარი შემოახედა
ახლა ჩვენს შაირობაზე!

ბექა ახალაია:
კი ვატყობ შემოგელიათ,
ხალხო შაირის მადანი,
სჯობს ქარქაშებში  ჩააგოთ,
ხმალგადამტყდარი ვადანი.

ნეკერა:
ლექსო, ხოდა მას მიხედე,
ცხოვრება ერთი წამია,
არც ამათ უჭირთ შაირში,
შენც თავს მიხედე ძამია,
უცოლოც კარგად მიცნობდი
და ახლა რამ გადაგრია?

ბაკური:
ვახ, ცოლი რომ გაახსენდს
უნდა შაირი ნახოსო?
თურმე ცოდნია სახელი
ვითომ სახეზეც ახსოვსო?

ლექსო:
შევცდი და ამიყოლიეთ!
ვერ გამაჩერებთ აწიო!
რიტმი დაეცა, პლანკები
ისევ მე უნდა ავწიო!

ბაკური:
შემოგვემატა რა კაცი
არ იცის აქ რა ხდებაო -
რაც ჩვენ ვიშიშვლეთ ბექა-ჯან
ის არასოდეს ტყდებაო.

გეკო:
ლეკიაშვილის ვაჟკაცო,
ხმას ნუღა იღებ ჯობია,
თორ დაგეწყება იცოდე,
სულ მალე გეკოფობია.
ნეკერას რაით ჩემულობ?
(კომბალ ჩამომაქ ვანიდგინ)
შენ რომ რაიმეს თავ გქონდეს,
ჩემთან არ მოიყვანიდი...

ბაკური:
ლექსო რამდენი ხანია
დრო გაგივიდა მედოვი...
და იმის მერე შე კაცო
აწევ-დაწევით ერთობი?

ახალაია:
თქვენს ნაშიშვლებსა ბაკური,
უკვე მოედო ობია,
გადატყდომასა ძმის გულო,
გადაიღუნოს სჯობია.

ბაკური:
მაინც არ იშლის ეს კაცი
ამბობს - გამრიეთ მაქაცო,
მოდი და შემოეჭიდე
თუ გადაღუნავ ძმაკაცო!


ნეკერა:
ქალი ვარ, მაინც მეამა,
რომ გააჩაღეთ დუელი,
მაგრამ ლექსოს რომ იშორებ
გეკო შენ რა პრიზებს ელი?

ლექსო:
კომპიუტერი მიჭედავს,
თითებს დამაწყდა მყესები,
თეა თაბაგარს სცოდნია
მოკლე შაირის წესები,
ბექაც მოვიდა, ამიტომ
ორმაგად ავილესები,
ნეკერ, რა გიყო, თუ შენზე
ადრე არ მქონდა ლექსები?

ბაკური:
მაინც გეამა? ეგ როგორ?
განა მანდ რამე მწარ იყო?
მიდი ბოლომდე შეირგე
რას ატორმუზებ რა იყო?

ახალაია:
გადასაღუნად მოიხმე
შენ ვინმე თვალებნაბია,
მე კი ეს ჩემიც მეყოფა,
აქ რომ ტიალად მაბია.


ბაკური:
ჰო რა თქმა უნდა ძმობილო
ეგეთი არის ბუნება
ამიტომ აწი ნუ სწუხარ
ტყდება თუ გაიღუნება.

ნეკერა:
რომელ ერთს უნდა მოგწეროთ,
სამად გავიჭერ ქალიო,
ისეთ შაირებს გპასუხობთ
თავი მგონია მთვრალიო,
ბაკურჩიკ, აბა მითხარი,
აქ ტორმუზები სად იყო?

გეკო:
რა პრიზი უნდა ვითხოვო?
ბებერს ფიქრები მაწვალებს...
ლექსო,ბექა და ბაკურო,
კიდე რა ,,პრიზი" აქ ქალებს?

ლექსო:
ვახ გეკო! ეს რა დაწერე?
"ვანიდგინ" რაღა ჭირია?
კახეთში არც კი ვიცოდით,
ვანშიც თუ ჰყავდათ ვირია!


ბაკური:
ნეკერ სიმთვრალე სხვა არის,
შენ სულ სხვა რამე გჭირსაო...
ხომ ხედავ ესეც გაგიჟდა
და უკვე ეძებს ვირსაო.

ლექსო:
გეკო, დაწექი, დაღამდა!
რაღა დროს შაირებია?
ისე დაბერდი, ქალების
"პრიზიც" კი დაგვიწყებია!

ახალაია:
ბაკურ კი ვხედავ ძამია,
თარეშობ აქ შენს ნებაზე,
მე მაინც ვწუხვარ,რა გინდა,
ქართველთა გამრავლებაზე.

გეკო:
ვანში ბევრი გვყავს ვირები,
გამოგიკეთებ გუნებას,
მაგრამ ვირს ჩვენში ვიყენებთ,
რაცა აქ დანიშნულება...

ნეკერა:
კომპიუტერის ხმაურმა,
მამაჩემს ძილი დაუფრთხო,
მივდივარ გემშვიდობებით,
თქვენც დაიშალეთ ჭაბუკნო.

ყველა ერთმანეთს ჯობიხართ,
სიტყვა გაქვთ ყველას წყობილი,
რა ქნას ნეკერამ უყვარხართ
უცნობებიც და ცნობილნიც.

ბობოს საპრიზო ადგილი
მე ჩამიგდია ხელშია,
სამ კაცთან შაირობასა
წინდის ქსოვა არ მერჩია?

ბაკურ,ლექსო და გეკოო
ვიცი არ მიწყენთ არჩევანს,
ნინო მელივას ვუყვარვარ
მგონი გულგრილი არც მე ვარ!

ბაკური:
შენ ქართველები ამრავლე
ლექსოს უშოვეთ ვირიო
მე წავალ გავიშოტები
იქნებ დამნებდეს ძილიო

ლექსო:
ბაკურ, ვირებზე ნუ სწუხხარ,
არა მჭირს ზოოფილია,
კახელმა კაცმა პირველად
პორტალზე ვნახე ვირია!

გეკო:
კი დამავიწყდა "პრიზები",
ლექსო ტყუილს ხო არ არ ვიუბნებ..
შენთან რას მოვალ, ეგ ,,პრიზი"
შენ კომპიუტერს მიუგნე..

ახალაია:
შემოვიხედე გავოცდი,
ბობოსთან ნაღდი ომია,
კარგად იყავით წავედი,
ადრე ვარ ასადგომია.

ახალაია:
სიტყვებს დავადე სიტყვები,
როგორც აგურებს აგური.
კიდე აქა ხარ შე კაცო,
არ გაშოტილხარ ბაკური?


ახალაია:
საიტს შემოვრჩით მარტოკა,
მე და ლამაზი თეაო,
ახლა წავედი ნაღდადა,
თორემა უკვე დღეაო.