ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

--;;


მარო:  მიხო, თავისუფალი სექსი რა არის?

მიხო: თავისუფალი სექსი ისაა, რომ მე, მაგალითად, შემიძლია მეზობლის ქალთან გადავიდე და გავატარო ღამე.

მარო: ე.ი. მეც შემიძლია, რომ მეზობლის კაცთან გავატარო ღამე?

მიხო: ეხლა შენ თავისუფალ სექსს ბოზობაში ნუ ურევ!!!

--[[]]


რამოდენიმე დღის წინ, თვალი გადავავლე  დემეტრიუსის მიერ ამ მოკლე პერიოდში გამოქვეყნებულ,  ინტერნეტიდან ამოკრეფილ სხვის სტატიას, კომენტარებიც წავიკითხე, თუმცა მაშინ არ მომეცა საშუალება საუბარში ჩაბმისა ჩემი დაკავებულობის გამო, და რადგან წაშლილია ეს თემა უკვე,  აქვე, ჩემს ახალ თემაში შევეცდები ვისაუბრო, ჩემი ხედვა გავაჟღერო.

ადრეც მინდოდა ამ თემაზე საუბარი, მაგრამ, ხან მეზარებოდა წერა, ხან დრო არ მქონდა, ხან რა და ხან რა, სწორედ რამოდენიმე დღის უკან გამოქვეყნებულმა სტატიამ მითხრა, მიდი განდი რაღას ელოდები დააბრეხვე რამეო :D  ხოდა აჰა, მეც ვაბრეხვებ :D

მინდა ერთი შეკითხვით დავიწყო საუბარი, ნუთუ მართლა გონია ვინმეს, რომ  საუბარია ხორცის პატარა ნაჭერზე, ? ჩემის აზრით, ამ საკითხის განხილვისას, ასეთი კუთხითა და სიტყვებით საუბარი უბრალოდ რომ ვთქვათ არაკვალიფიციურია, აგდებულად და სარკასტულად მიმაჩნია.

აშკარაა, რომ  საქმე უფრო ღრმა  და სერიოზულ საკითხთან გვაქვს რომელიც გადაჯაჭვულია ჩვენი ერის ფსიქო-ემოციურ ფაქტორებთან.

მე მგონი ღირდეს ჩვენი დროისა და ყურადღების დახარჯვა, გავეცნოთ ამ ნაწერს და დისკუსიაში ჩავებათ, გამოვთქვათ ჩვენი აზრი, რა ხდება და როგორ,,

ქალიშვილობის ინსტიტუტი ––
                                                ––      დღეს ადამიანთა ნაწილი აცხადებს, 21-ე საუკუნეში რა დროს ესაა, ქალიშვილობის ინსტიტუტის არსებობა სასაცილოაო, ჩამორჩენილი ვართ ცხოვრებასო, ამერიკაში და ევროპაში კარგა ხანია ეს საკითხები არ დგასო,, ნაწილი ადამიანებისა აცხადებს - ეს თემა განხილვას არ ექვემდებარება, ტაბუ - და მორჩა გათავდა , აღარ უნდა ამას ლაი ლაი,,

მინდა ცოტა ისტორიას გადავხედო,, წავიდეთ ამერიკაში , 1960-იანი წლები,, ეს ის პერიოდია რომელიც ისტორიაში შევიდა სახელით  'სექსუალური რევოლუცია",, , ვნახოთ რა წინაპირობები არსებობდა მაშინ, ამერიკაში ამ მოვნელების განვითარებისთვის, ვინ ითამაშა მოწინავე როლი ამ პროცესებში და რა მივიღეთ სანაცვლოდ,



ცოტა შეიძლება შორს წავიდე, მოვიტანო სხვადასხვა ფაქტები, ეს ყველაფერი მხოლოდ იმიტომ, რომ გავიგოთ არსი ამ მოძრაობისა თუ რევოლუციის მზაობისა და ჩატარების მიზნებისა. შევეცდები დეტალები მიმოვიხილო თუ რატომ დაიწყო ეს მოძრაობა ამერიკაში, რა საფუძვლები დაედო მას და საქართველოსთან მიმართებაში როგორ შეიძლება ანალოგი გავავლოთ, როგორი მსუყე ნიადაგია ჩვენთან, რომ მოხდეს  მსგავსი რევოლუცია. არის პროცესები მზად ამისათვის?  გვაძლევს ჩვენი მრწამსი თუ სხვა გვერდითი წინაპირობები, მსგავსი "თავისუფლების" განხორციელებას?,,




დღეს 21-ე საუკუნეა,,


და მერე,  რისი თქმა გინდა ამით განდი? ჩვენც ვიცით რომელი საუკუნეა, გმადლობ შეხსენებისთვის, რისი თქმა გინდა? თქვი თუ ამბობ და თუ არადა დაგვანებე თავი, შენი დრო ვის აქვს ნეტავ ვიცოდეთ, რომ დამდგარხარ აქ  და ცისტიკობ :) ,,

OK, ვაგრძელებ :)


რა არის ამერიკული  სექსუალური რევოლუცია?,,


მსოფლიოში მხოლოდ ერთადერთი  წამალია, რომელიც კარგად ცნობილია უბრალო სახელით "აბი" (The Pill). 1968 წელს ცნობილმა ჟურნალისტმა კაცობრიობისთვის "აბის" გამოგონების მნიშვნელობა გაათანაბრა ცეცხლის აღმოჩენის მნიშვნელობასთან. ოცდახუთი წლის მოგვიანებით, ბრიტანეთის გავლენიანმა ჟურნალმა "ეკონომისტმა" დაასახელა 'აბი" როგორც თანამედროვე მსოფლიო 7  საოცრებდან ერთ-ერთი.



სწორედ ეს შობადობის მაკონტროლებელი აბი,  იყო პირველი წამალი რომელიც გამოგონებული იქნა წმინდა სოციალური მიზნებისთვის ვიდრე თერაპევტიული დანიშნულებისთვის. თავდაპირველად, "აბის" გამომგონებელმა ფარმაცევტიულმა კომპანიამ G.D. Searle and Company ეჭვობდა რომ ჯანმრთელ ადამიანს შეეძლო მიეღო ეს აბი მხოლოდ ფეხმძიმობის ასაცილებლად. 1957 წელს კომპანიამ ბაზარზე გადადგა საცდელი ნაბიჯი , სულ ცოტა ხანში კი იგივე კომპანია ამერიკის მთავრობას მიმართავს დაამტკიცოს აბი როგორც გინეკოლოგიური პათოლოგიის სამკურნალო წამალი. ხალხმა უცებ აიტაცა ეს სიახლე, ორ წელზე ნაკლებ დროში, ნახევარი მილიონი ადამიანი იღებდა აღნიშნულ აბს. ხალხი მას მხოლოდ ფეხმძიმობის ასაცილებლად იღებდა, რომელმა მოქმედებამაც თვალი აუხილა ფარმაცევტიულ კომპანიას და შეცვალეს ამერიკის მთავრობისადმი დასამტკიცებლად გამზადებული საბუთები, აბის დანიშნულება, გინეკოლოგიური მკურნალობის ნაცვლად - მხოლოდ კონტრაცეფცია, არასასურველი ფეხმძიმობის თავიდან აცილება.




60 იანი წლები ამერიკაში ნოყიერი ნიადაგი იყო აფეთქებისა, როგორც პოლიტიკური ისე სოციალური მდგომარეობა სრულიად მზად იყო რაღაც ახლისთვის,,  რევოლუცია,,

რევოლუცია,,
 
  რევოლუცია,,
 


ოფიციალურად 1960 წელს გამოჩნდა "აბი" ბაზარზე, როგორც კონტრაცეპციის წარმომადგენელი. გამოხმაურება იყო განსაცვიფრებელი. ორ წელიწადზე ნაკლებ ხანში მილიონზე მეტი ადამიანი გახდა დამოკიდებული ამ წამალზე. 1965 წლისთვის ხუთი მილიონი ქალი რეგულარულად იღებს აღნიშნულ აბს. მიუხედავად იმისა, რომ აღნიშნული წამალი დიდი რაოდენობით შეიცავდა ესტროეგენს    ( estrogen) პროგესტერონს ( progesterone) რომლებსაც უამრავი გვერდითი ეფექტები და გართულებები შეიძლება მოყოლოდა , ქალები მაინც ირჩევდნენ ჩასახვის საწინააღმდეგო საშუალებას სხვა საშუალებებთან შედარებით ადვილ კონტრაცეფციას, "აბს".


სულ ცოტა ხანში რამოდენიმე ფარმაცევტიული კომპანია შეუდგა ამ იდეის განხორციელებას, კონტრაცეპტიული აბების წარმოებასდ და უკვე 1968 წელს წლიურ გაყიდვებმა მიაღწიეს $150 მილიონს. (ეს მაშინდელი ფასით ძალიან დიდი თანხაა).  დაიწყო აბების მსოფლიოში გაყიდვა. იმავე დროს კონგრესში გაიმართა მოსმენა წამალში შემავალი დოზების მავნებლობის შესახებ ქალის ორგანიზმზე, შედეგად ფარმაცევტიულმა ფირმებმა საგრძნობლად შეამცირეს წამლის შემადგენლობის დოზები.


აქვე აღსანიშნავია რომ, 1960 -იანი წლები  შევიდა ამერიკის ისტორიაში როგორც "ბავშვთა ბუმი"(baby boom ). უმეტეს ამერიკელ დედას რომლებიც იყვნენ 25 წლისანი უკვე ყავდათ 4 შვილი , ეს მაშინ როცა წინ კიდევ 15, 20 წელი ქონდათ ბავშვების გაჩენისთვის. 


ცოტა უკან რომ გავიხედოთ, ვნახავთ რომ 1950 წლებში ამერიკული საზოგადოება დიდად გადაიხარა ოჯახური ღირებულებების გატარებისთვის. ქორწინება და შვილების გაჩენა იყო ეროვნული გეგმის ნაწილი. რა თქმა უნდა, "ცივი ომი " თავის როლს თამაშობდა კულტურების ომში, სადაც ამერიკელი ქალი ყურადღების ცენტრში იდგა.

ამერიკულ პროპაგანდისტულ ომში აღწერილი იყო თუ რა უპირატესობა ქონდა ამერიკელ ქალს კომუნისტებთან შედარებით. ამერიკული პროპაგანდისტული ფილმები აჩვენებდნენ საშინელ კადრებს კომუნისტურ საზოგადოებაში მოღვაწე  ქალის ცხოვრების შესახებ. აჩვენებდნენ უბადრუკად ჩაცმულ ქალებს, რომლებიც ქარხნებში მუშაობდნენ , მათი შვილები კი სიცივეში და შიმშილში რჩებოდნენ. სწორედ ამის საწინააღმდეგოდ, ამერიკელი ქალის იმიჯი ზე მდგომი გახდა, მათი ქალური თმის ვარცხნილობა, კოხტა ჩაცმულობა, ოჯახში მოღვაწეობა აჩვენებდა ქალების მიერ დემოკრატიის,  კაპიტალიზმისა და თავისუფლების ნაყოფის სიტკბოებით ტკბობას.

1950 წლებში ნორმად ითვლებოდა სკოლის დამთავრების შემდეგ და კოლეჯში სწავლისას გათხოვება. ხუმრობაც იყო ასეთი, რომ გოგოები კოლეჯში აბარებდნენ რომ მოეპოვებინათ Mrs ხარისხი  (Mrs  ინგლისურად არის გათხოვილი ქალის ტიტული მიმართვისას).


ამ დროს ქმარის როლი გაცილებით გაზრდილი იყო გოგოს ცხოვრებაში , ვიდრე კოლეჯის ხარისხი. მედია კვლევებმა აჩვენეს, რომ ქალის როლი გაცილებით გაზრდილი იყო ოჯახშიც, იგი დომინირებდა საქმიანობისას. სწორედ ამ პერიოდში, თუკი ქალი 20-23 წლის ასაკში არ იყო დანიშნული , ანდა  გათხოვილი, იყო საშიშროება იგი გამხდარიყო "შინაბერა".


სწორედ ამ პერიოდში, თუკი გაუთხოვარი ქალი როლი არასასურველი იყო ამერიკულ საზოგადოებაში, გაუთხოვარის სექსი და დაფეხმძიმება იყო ტოტალურად მიუღებელი.

ამერიკელი გოგოები რომლებიც "ხიფათი შეემთხვევოდათ",  იძულებულები იყვნენ დაენებებინათ სკოლას თავი,  და მშობლები ხშირად აგზავნიდნენ შორეულ ნათესავებთან სოფლებში,, . გოგოდ ძვირად უჯდებოდა გაუთხოვრობის დროს ფეხმძიმედ ყოფნა, საზოგადოება ძნელად იღებდა მას.

მრავალშვილიანი ოჯახები ტიპიურ ოჯახებად ითვლებოდა ამ პერიოდის ამერიკაში. 1940 წლიდან 1960 წლამდე, 3 შვილიანი ოჯახების რაოდენობა გაორმაგდა , ხოლო 4 შვილიანი ოჯახების რიცხვი გაოთხმაგდა.

1950 წლებში მედიის მიერ დიასახლისობა იდეალიზებული იქნა და და ახალგაზრდა დედები მასიურად რჩებოდნენ სახლში. ქალები რომლებიც არჩევდნენ მუშაობას, როცა შეეძლოთ არ ემუშავათ (ანუ, ფინანსური შემოსავალი ქონდათ საკმარისი ოჯახის სარჩენად) , ეკრობოდა იარლიყი როგორც ეგოისგებს, რომ ისინი ოჯახზე წინ საკუთარ სურვილებს აყენებდნენ. რომ  მათ შეეძლოთ სახლში დარჩენა, ოჯახთან ყოფნა, მაგრამ მათ სხვა გზა არჩიეს.

მოკლედ,

    დაახლოებით რომ წარმოვიდგინოთ, ასეთი წინაპირობა იყო წარმოქმნილი სექსუალური რევოლუციის დასაწყებად.

თვითონ აბის განვითარება განპირობებულია ორი ქალის დიდი ძალისხმევით. 1950 წლებში ამერიკის მთავრობა, სამედიცინო ინსტიტუტები და ფარმაცევტულ კომპანიები არ ცდილობდნენ აქტიურად ჩაბმულიყვნენ კონტრაცეპციის ახალი მეთოდების გამოსაგონებლად და სწორედაც ქმედითი ნაბიჯები გადადგმული იქნა ერთ-ერთი ქალის მიერ, რომელმაც ითავა დაფინანსება აბის გამოგონებისა და მისი განვითარების პროცესისა. ეს ქალია კატერინ მაკორმიკი. (Katharine McCormick) ფილანტროფისტი, მდიდარი ქალი რომელმაც მასაჩუსეტის უნივერსიტეტში ბიოლოგიის ბაკალავრის ხარისხი ქონდა მოპოვებული. მისი ქმარი იყო ბიზნესმენი. თუმცა, შეუღლებიდან რამოდენიმე ხანში  სტენლი მაკორმიკს განუვითარდა შიზოფრენიის მძიმე ფორმები. მაშინ სწამდათ რომ შიზოფრენია თაობიდან თაობაზე გადადიოდა, ამიტომ კატერინამ გადაწყვიტა შვილები არასდროს  ყოლოდა. ამ ამბის შემდეგ  იგი გადაწყვეტს ფილანტროპიული საქმიანობა გააჩაღოს ამერიკაში. (ფილანტროპია - ძველ ბერძნული სიტყვა, "ხალხის სიყვარულს", მოქმედება, აქტი, ფულის, მომსახურებისა თუ სხვა ფასეულობების შეწირვა საჭიროებისამებრ ხალხისთვის, როდესაც უკან არ ელოდები ამონაგებს)

ასევე, ადრიან ფემინისტურ მოძრაობაში იგი აქტიურად იბრძობა ქალის როლზე არჩევნებში. იმ პერიოდში (მეოცე საუკუნის დასაწყისი)  ქალს არ შეეძლო კონგრესისა თუ პრეზიდენტის არჩევნებში მონაწილეობა, ბევრი აქტივისტი ქალი იბრძობა ხმის მოპოვებისთვის, ერთ-ერთი იყო კატერინა. იგი ასევე მტკიცებ იყო დარწმუნებული ქალის უფლებაში გაეკონტროლებინა თავისი სხეული და შობადობა და იგი უტოლებდა ამ საკითხს , არჩევნებში ხმის მოპოვების უფლებას.  სწორედ ამ პერიოდში იგი შეხვდა მეორე დიდ აქტივისტს კონტრაცეპციის მიმართულებით მებრძოლს, მარგარეტ სანგერი. (Margaret Sanger). თვითონ მარგარეტს ბევრ სხვა მიმართულებასაც მხარს უჭერდა, მაგალითად, სტერილიზაცია და ევთანაზია.(ეს თემებიც საკმაოდ საკამათო და ღრმაა. ამ კონცეფციებზე საუბრებმა განსაკუთრებით აქტუალობა მოიპოვეს მეოცე საუკუნის დასაწყისში, ამერიკაში. ბევრი ადამიანი ეწეოდა პროპანგანდას ევთანაზიისა თუ სტერილიზაციის პროგრამის "ხალხის საკეთილდღეოდ" გამოყენებისთვის, მომავალი თაობის გაწმენდისთვის და ასე შემდეგ).

მარგარეტს სჯეროდა, რომ ერთადერთი გზა კანონის შეცვლისთვის იყო მისი დარღვევა. სწორედ ამიტომ, 1910 წლიდან იგი აქტიურად სთავაზობდა ქალებს სხვადასხვა სახის კონტრაცეპტივებს არასასურველი ფეხმძიმობის ასაცილებლად. იგი ექთანად მუშაობდა სხვადასხვა ადგილებში. 1916 წელს ხსნის პირველ შობადობის კონტროლის კლინიკას ამერიკაში. დაწყებული ამ დღიდან იგი აქტიურად აწვდის ინფორმაციას ქალებს მიმდინარე მოვლენების შესახებ.

1950 წლისთვის, მიუხედავად იმისა, რომ მან ბევრი ბრძოლა გადაიხადა კანონმდებლებთან რომ თავისი აზრები განეხორციელებინა კანონში, მაინც იგი იმედგაცრუებული იყო საქმის ნელი წინსვლით. 1869 წლის შემდეგ, როცა ამერიკაში გამოუშვეს პირველი რეზინის კონდომი მას შემდეგ არავითარი არსებითი ძვრა არ ყოფილა ამ სფეროში.  იგი მზად იყო დანებებოდა ბრძოლას, აღარ დაეხარჯა ძალები და ენერგია ამ საქმის განვითარებისთვის. იგი ოცნებობდა "ჯადოსნურ აბზე" რომელის მიღება ისეთი ადვილი იქნებოდა როგორც ასპირინის და რომლის მოქმედება ეფექტურად განახორციელებდა ჩასახვის კონტროლს. 1951 წელს იგი ხვედება გრეგორი პინკუსს , მედიცინის ექსპერტს ადამიანის რეპროდუქციის დარგში, რომელმაც მზად ყოფნა გამოთქვა შედგომოდა აღნიშნული პროექტის განხორციელებას. სულ მალე დაფინანსების წყაროც გამოჩნდა, ასევე დიდი აქტივისტი კატერინა მაკორმაკი. ცოტა ხანში ბაზარზე გამოჩნდა აბი,, მიღწეულია მარგარეტისა და კატერინას საოცნებო მიზანი,,

აბი,,  The Pill,,

აბის "დედები" ირწმუნებოდნენ, რომ ქალის შობადობის კონტროლი არ იყო სხვა არაფერი თუ არა ქალთა ემანსიპაციის წინაპირობა.

და მაინც, ერთგვაროვნად არ იქნა მიღებული აბი საზოგადოებაში. სექსი, ფეხმძიმობა და კონტრაცეფცია ფართო განხილვის საგნად იქცა იმ პერიოდის ამერიკაში. ქალებისა და კაცების უმრავლესობა მიესალმებოდა ამ იდეას. თუმცა ზოგი ქალი გამოთქვამდა ეჭვს მათზე და მათ მომავალზე კონტროლის დამყარების მსურველების მიზნების შესახებ. კათოლიკურმა ეკლესიამაც უარყო იგი. აფრო-ამერიკელმა საზოგადოებებმა ეჭვი გამოთქვეს, რომ ეს აბი გამოშვებული იქნა მათი მოსახლეობის შესაზღუდად. ზოგი ქალი, აბის გვერდითი ეფექტებით  შეშფოთებულებმა გააპროტესტეს ფარმაცევტული კომპანიის მოქმედება და დაადანაშაულეს სიხარბეში და ინდიფერენტულობაში.


1960 -იანი წლები ამერიკაში ითვლება ლიბერალურ წლებად, ადამიანის უფლებების დაცვისა და ომის საწინააღმდეგო მოძრაობის დაწყების წლებად.

დაისმის კითხვა: სექსუალური რევოლუცია - ამორალობა თუ ქალის თავისუფალი ნება და უფლება?

სექსუალური რევოლუციის დასაწყისში იყო კონცეფცია -

რადიკალური განცხადება -

                "ქალებს, მსგავსაც კაცებისა აქვთ სურვილი დაკავდნენ სექსით და მიიღონ სიამოვნება ამით" .

ფემინისტი ქალები ამბობდნენ, რომ ქალებს აქვთ ისეთივე სექსუალური სურვილები და მოთხოვნები, როგორც კაცებს და მოითხოვდნენ სექსუალურ თავისუფლებას საზოგადოებაში. ფემინისტებისთვის, სექსუალური რევოლუცია იყო ქალების სექსუალური უფლებით აღჭურვა, მათი ინტერესების დაცვა. კონსერვატორებისთვის ეს ფაქტი გამოხატავდა უწესობასა და ქაოსს, რომელიც თავს ესხმოდა ამერიკული საზოგადოების საფუძველს - ოჯახს.  ფემინისტები და კონსერვანტები მუდმივად შეხლა შემოხლაში იყვნენ სექსუალური რევოლუციის მორალის განხილვისას და რაღა თქმა უნდა "აბი" ამ საუბრებში ერთ-ერთ მოწინავე ადგილს იკავებდა.

ქალის სექსუალური მოთხოვნებზე და გათხოვებამდე სექსზე საუბრები გამოვიდა ჩრდილიდან , რაშიც კონსერვატორების თვალთახედვით "აბი" გადაიქცა ერთგვარ განტევების ვაცად სექსუალური რევოლუციის პროცესში . ძალიან ბევრი ბჭობდა, რომ სწორეს ამ აბზე უნდა დაკისრებულიყო პასუხისმგებლობა სექსუალური რევოლუციის განვითარებისა. ამ აბის დანიშნულება არის ის, რომ ქალებს მიეცათ საშუალება სექსისა და განაყოფიერების განცალკევებისა, რისიც ეშინოდათ ყველაზე ძალიან კონსერვატორებს. თეორია იყო ასეთი, რომ დაფეხმძიმების საშიშროება და აქედან გამომდინარე ფსიქოლოგიური მდგომარეობა აფერხებდა გაუთხოვარ ქალებს სექსით დაკავებულიყვნენ. მას შემდეგ რაც აბს შეეძლო განაყოფიერების კონტროლი, გასათხოვარ , ასევე გათხოვილ ქალებს შეეძლოთ სექსი ქონოდათ ნებისმიერ დროს, ნებისმიერ ადგილას , ყველასთან ვისთანაც მოუნდებოდათ ყოველგვარი ფეხმძიმობის რისკის გარეშე.

მიუხედავად იმისა, რომ კაცისთვის სექსის ქონა მიღებული იყო, იდეა რომ ახალგაზრდა გოგონა მოქცეულიყო იგივენაირად , განხეთქილება ჩამოაგდო ამერიკაში. 1966 წელს, როდესაც საუბარი მიდიოდა აბზე და მორალზე, გაზეთი "ამერიკისა და მსოფლიო ამბები" სვავდა კითხვას: "არის ეს აბი ლიცენზირებული უწესრიგობა"? " აბის ხელმისაწვდომობა მიიყვანს თუ არა ყველა ქალს სექსუალური ანარქიისკენ? ", ცოტა მოგვიანებით 1968 წელს, რედაქტორმა პიარლ ბაკმა უფრო მკვეთრი განცხადება განაცხადა "ყველამ ვიცით, როგორ გამოიყურება ეს წამალი. ერთი ბეწო აბი - მისი პოტენციური ეფექტი ჩვენს საზოგადოებაზე შეიძლება იყოს უფრო გამაჩანაგებელი,  ვიდრე თვით ატომური ბომბი".

კონსერვატორების თავდასხმასთან საპასუხოდ, აბის გამომგონებელი გრეგორი პინკუსი ამბობდა, რომ ტექნოლოგია არ განსაზღვრავს ქცევას.

მიუხედავად კონსერვატორების მცდელობისა, ათ წელში საზოგადოების კონცენტრაცია ქალიშვილობისა  და ქორწინების ნაცვლად ნელ-ნელა შეცვალა მარტო ცხოვრების დროს სექსუალურმა აღმოჩენებმა. ჰეფნერი, სწორედ ამ დროს უშვებს ახალ ჟურნალს სახელით ფლეიბოი  (playboy),  რომელიც წინა პლანზე სწევს მარტო ცხოვრებისა (single )  და თავგადასავლების უპირატესობას.

სოციალური ნორმების შეცვლას აღარაფერი დაუდგა წინ. ეს იყო 1960-იანი წლები, როდესაც ტრადიციული ღირებულებები სექსთან და სექსუალობასთან დაკავშირებით გახდა ფართო საუბრების საგანი და აღარ წარმოადგენდა მარტო ჰეტეროსექსუალურ ქორწინებების საკუთრებას.


1960-იანი წლების სოციალური და პოლიტიკური კლიმატი იყო არაორდინალური. ხშირად ტრაციდიული ღირებულებები ხმამაღლა იკიცხებოდა მცირე ჯგუფების მიერ მიერ, თუმცა ამ კრიტიკას დიდი გამოხმაურება მოყვებოდა ხოლმე. საზოგადოების ბევრი ნაწილი სხვადასხვა ცვლილებებს მოითხოვდა. სამოქალაქო უფლებების მოძრაობა, ახალი მემარცხენეები, ქალთა მოძრაობები ქმნიდნენ კლიმატს რომელიც განსაკუთრებით ახალგაზრდებზე მოქმედებდა და პირველ რიგში უკვე დამკვიდრებულ/არსებულ სოციალურ ნორმებს ატარებდნენ წნეხში.

მაშინდელი ამერიკის ლიბერალური მთავრობის, ზოგადი ეკონომიკური კეთილდღეობისა და წარმატების, ბირთვული იარაღის გამოყენების საშიშროების კომბინაცია, როცა კონსერვატიზმი ფაქტიურად მკვდარი იყო და ამის საწინააღმდეგოდ, ლიბერალიზმი ზეიმობდა ფართო აღიარებას და აღორძინებას,  აყალიბებს კლიმატს რომელიც კარგად უწყობს ხელს სექსუალური რევოლუციის დაწყებას.

მეორეს მხრივ, აღსანიშნავია ხალხია დაბნეულობა და ახალი გზების ძებნა. 60-იანი წლების ამერიკა პოლიტიკურად საკმაოდ დაძაბულად ვითარდება, მიმდინარეობს ამერიკისთვის მეოცე საუკუნეში მომხდარი  ყველაზე საზარელი ვიეტნამის ომი ( 1959- 1975 წლები),  ამერიკაში არამყარი პოლიტიკური თუ სოციალური ვითარებაა, 62 წელს კლავენ ჯონ კენედის,  მარტინ ლუთერ კინგს კლავენ 68 წელს. რობერტ კენედზე წარმატებული თავდასხმა ხორციელდება კინგის მკვლელობიდან ერთი თვის თავზე, რასობრივი დაძაბულობა და დაპირისპირება -- ყველა ეს პირობა ხელს უწყობდა რაღაც "ახლის"  ძებნას.

ამერიკელი ახალგაზრდობა საგონებელში ჩააგდო ვიეტნამის ომმა. ისინი იძულებულნი იყვნენ ვიეტნამის ჯუნგლებში წასულიყვნენ რომ მოეკლად სხვა და თვითონაც მომკვდარიყვნენ. მიზანი არ იყო გარკვეული. (60 000-მდე ახალგაზრდა დაიღუპა და 300 000 დასახიჩრდა ამ ომში)  ამერიკელი ახალგაზრდობა და მათი მშობლები, ერთმანეთს უყურებდნენ ხრამის სხვადასხვა მხრიდან, მათ შორის იყო გავლებული წითელი ხაზი, სოციალური გაუცხოვება.  როდესაც მეორე მსოფლიო ომში მოხდა ამერიკელების ჩაბმა, ნათელი იყო ყველასთვის, რომ ამერიკის დემოკრატია ებრძოდა ტოტალიტარიზმს, აქედან გამომდინარე,  ამერიკის ახალგაზრდობას ვერ წარმოედგინა რა მიზნებისთვის და პრინციპებისთვის უხდებოდათ ვიეტნამში სიკვდილი. ეს იყო პოლიტიკური გადაწყვეტილება, და ამერიკელ ახალგაზრდებს ეუბნებოდნენ , რომ უნდა მომკვდარიყვნენ ვიღაცის სიმდიდრეზე დახარბებული უფროსი თაობის გულისთვის. უფროსები ვერ ხსნიდნენ რა კავშირი იყო ვიეტნამსა და დემოკრატიის პრინციპებს/თავისუფლებას შორის. 

ყველა ამ ფაქტორების თაიგულმა განაპირობა ახალგაზრდების  უკმაყოფილება, კულტურისადმი თავდასხმა, თვითგამორკვევა, პოლიტიკური და სოციალური ჯანყი.

ახალგაზრდა ბიჭები საჯაროდ წვავდნენ სამხედრო ბილეთებს, გოგოები საჯაროდ წვავდნენ საკუთარ აზღუდებს, ბიჭები იზრდიდნენ თმებს და არ იპარსავდნენ წვერს, იცმევდნენ ახალი მოდის ტანსაცმელს, ფერად-ფერად ქსოვილებისაგან შეკერილს.  სწორედ ამ დროს წარმოიშვა "თავისუფალი სიყვარული" ,, კომუნებად (ანუ ჯგუფ-ჯგუფად) ცხოვრების წესი. ამბოხი ამბოხს მოსდევდა, კამპუსებს იკავებდნენ სტუდენტები თავიანთი მოთხოვნით. თავს დაესხნენ Dow Chemical Company -ს რომელის აწარმოებდა გაზს ვიეტნამში ხალხის მოსაწამლად.

"თავისუფალი სიყვარული" - 1960-იანი წლების შუაში , სან ფრანცისკოში დაიწყო ახალმა მიმდინარეობამ ჩამოყალიბება - თავისუფალი სიყვარული. მასში ჩაება ათასობით ახალგაზრდა , რომლებსაც ეწოდებოდათ "ჰიპები". ძირითადად ისინი კოლეჯისა თუ უნივერსიტეტების სტუდენტები იყვნენ და აღიარებდნენ "სიყვარულის ძალასა და სექსის სილამაზეს"(მათი სიტყვებია ეს).  1970-იან წლებში კოლეჯებში მიღებული იყო, სტუდენტურ საცხოვრებლებში გოგოებსა და ბიჭებს ერთად ეცხოვრათ. ჰიპების არსებობა გაგრძელდა ადრეულ 80-იან წლებამდე , თუმდა თანდათან დაკარგა აქტუალობამ ასეთი ცხოვრების წესმა , განსაკუთრებით მას შემდეგ, რაც 80-იანი წლების შუაში, გახდა ფართო საზოგადოებისთვის ცნობილი სასიკვდილიო გადამდები დაავადების შესახებ, სახელად შიდსი.



ლინდოლ ჯონსონი იყო პირველი პრეზიდენტი რომელმაც მხარი აქტიურად დაუჭირა შობადობის კონტროლს ამერიკაში, და რომელიც ერთ-ერთი დიდი განმსაზღვრელი ფაქტორი იყო ამერიკელების სექსუალური ქცევისა 60-იან წლებში. 1960-იანი წლების დასაწყისში პრეზიდენტმა ლინდონ ჯონსონმა გამოაქვეყნა მისი სოციალური რეფორმის გატარების გეგმა, სახელად "დიადი საზოგადოება", რომელიც ისახავდა მიზნად სიღარიბისა და რასობრივი სირთულეების დაძლევას.


აბი, გამოყენებული იქნა შობადობის შესამცირებლად ამერიკაში, ასევე, სამუშაო ბაზრის ეფექტურად სამართავად. აბის ფართო მოხმარებაში გაშვებამდე, ქალი იძულებული იყო დაეტოვებინა სამსახური ფეხმძიმობის გამო, გარკვეული პერიოდის გასვლის შემდეგ, იგი უბრუნდებოდა სამსახურს ისევ, შემდეგ ისევ ფეხმძიმდებოდა და ასე შემდეგ.  ქალის ხშირი ფეხმძიმობა და შემდეგ ფეხმძიმობის შემდგომი პერიოდი, ძვირად უჯდებოდა კომპანიებს, სადაც მუშაობდნენ ეს ქალები (შესაბამისად , სახელმწიფოც ზარალდებოდა) .  ამერიკის მთავრობას სხვა კურსი ქონდა აღებული განვითარებისთვის.

ამ პერიოდშივე ფიქსირდება ბევრი ორგანიზაციების მოთხოვნა გეი საზოგადოების დასაცავად და აღიარების მოთხოვნები სულ უფრო და უფრო ხმამაღლა ჟღერს. ისინი უკვე მზის შუქზე გამოდიან, ითხოვენ საკუთარი მოთხოვნების დაკანონებას, ერთსქესიან ქორწინებას და ასე შემდეგ. ფართო საზოგადოება კრიტიკულად უყურებდა საზოგადოებაში გეი წევრების ინტეგრაციას. ისინი შიშობდნენ, რომ მათ ცუდი მაგალითი შეიძლება მიეცათ სხვა წევრებისთვის, განსაკუთრებით ბავშვებისთვის და რომ საზოგადოებისთვის არ წარმოადგენდნენ მისაღებ ფენას ჰომოსექსუალები.



--'',

1970-იანი წლების დასაწყისში, ანტი-საომარი განწყობისა და სოციალური უფლებების დაცვის პერიოდში, ახალგაზრდა თაობამ ეჭვქვეშ დააყენა სამოციანი წლებისა და მათი მშობლების ღირებულებები. ამ პერიოდში, ძალიან ბევრი სასაცილოდ იგდებდა ფაქტს, ტრადიციას, რომ სულ რაღაც ათიოდე წლის წინ, ქალს გაუჭირდებოდა ქმრის მონახვა თუკი თვითონ ქალიშვილი არ იყო. ეს ფაქტი,  ახალგაზრდა თაობას აბსურდულად მიაჩნდათ.

მიუხედავად იმისა, რომ კონსერვატორები აბს აბრალიან ასეთ უცაბედ ცვლილებას ამერიკული საზოგადოებისა და ღირებულებებისა, ბევრი ისტორიკოსი აღიარებს, რომ სინამდვილეში აბი არ იყო განსაზღვრელი რევოლუციის, ერის ახალი  ფსიქო-ემოციური ფაქტორების განსაზღვრისა.

სექსის პოლიტიკა - საკმაოდ აქტუალური ფრაზა გახდა 80-იანი წლების ამერიკაში.  იყო გაუთავებელი საუბრები აბორტის მომხრე და მოწინააღმდეგე აქტივისტებისა. ერთი სქესის სექსი , რომელიც მკაცრად ტაბუდადებული იყო საზოგადოებაში, თანდათანობით გარეთ გამოდის. (თუმცა ჰომოსექსუალიზმი დღესაც ბევრ შტატში აკრძალულია, ზოგ შტატში კი  დაშვებულია მათი ქორწინება და საზოგადოებაში თანაბარი უფლებები და ასე შემდეგ). საზღვაო პლიაჟებზე გაიხსნა ნუდისტური ადგილები, სადაც თავისუფლად,  ყოველგვარი ტანისამოსის გარეშე გახდა შესაძლებელი ზაგარის მიღება და ასე შემდეგ. მასობრივი საშუალებების განვითარებამ, დიდად შეუწყო ხელი საზოგადოებრივი აზრის ამ კუთხით ჩამოყალიბებას. თავისუფალი სექსი ეკრანზე გადაიქცა დიდ კინო ინდუსტრიად, რომელსაც მილიარდობით დოლარის შემოსავალი მოაქვს ყოველწლიურად.


1980 წელს რონალდ რეიგანის არჩევამ, ასევე ტელევანგელიზმის ფართოდ გავრცელებამ (ტელევანგელიზმი - ტელევიზიით რელიგიურ თემებზე საუბრები)  დაუდო სათავე "ლიბერალუტი ტალღის" დასრულებას, ტალღისა რომელსაც უკვე ეწოდებოდა "განვითარებული მსოფლიო" ანდა "დასავლეთის კულტურა".  80-იანი წლების შუა პერიოდიდან დაწყებული, როცა შიდსის ეპიდემიის  მიერ გამოწვეული საშინელი შედეგები გაეცნო საზოგადოებას (განსაკუთრებით მაშინ, როცა 1985 წელს ცნობილი სელებრიტი,  მსახიობი როკ ჰადსონი , იღუპება აღნიშნული დაავადებით)  დაისვა მრავალი კითხვა, საზოგადოება ცდილობს დაუბრუნდეს კონსერვატულ ღირებულებებს, იხილება სექსუალური რევოლუციის ავ-კარგიანობა პოლიტიკურ თუ იურიდიულ ასპექტში (Bowers v. Hardwick -  1986 წელს ამერიკის უზენაესი სასამართლოს მიღებული კანონი ,  სადაც ორალური და ანალური სექსი ცხადდება კანონგარეშედ, (კანონს მეორენაირად ქვია, "სოდომის კანონი") 17 წლის შემდეგ, უზენაესმა სასამართლომ გააუქმა აღნიშნული კანონი, არაკონსტიტუციულობის მოტივით; ასევე მეორე, 1986 წელს მიღებული  კანონი სახელად Meese Report სადაც კინო ინდუსტრიის შესახებაა საუბარი და შეზღუდვები წესდება. ეს კანონი დაუპირისპირდა ლინდონ ჯონსონისა და რიჩარდ ნიქსონის მიერ მიღებულ ლიბერალურ კანონებს კინო ინდუსტრიის შესახებ).

აღნიშნული სიტუაცია მეფობდა 1990-იანი წლების შუამდე, როცა აღმოჩენილი იქნა გაცილებით ეფექტური საშუალებები შიდსის ინფექციის კონტროლისთვის,  1992 წელს ამერიკის პრეზიდენტად არჩეული იქნა ბილ კლინტონი (1996 წელს იგი ხელმეორედ იქნა არჩეული) , ინტერნეტში ინფორმაციის თავისუფალი გავრცელება, გეი და ლესბიანი წყვილების ფართო გამოჩენა მედიაში, კანონით აღიარება ერთსქესიანთა ქორწინებისა ამერიკის ზოგ შტატში (ასევე, ჰოლანდიაში, ბელგიაში, კანადაში)  სექსზე ორიენტერებული პოპულარული  სერიალები (Sex And The City და სხვა ) ,  გადააქციეს ამერიკელების  მორალურ-კულტურული მხარე ისევ მიბრუნებულიყო ლიბერალიზმისკენ, თავისუფალი სექსის კიდევ უფრო აღიარებისკენ .




დავუბრუნდეთ ჩვენს ქვეყანას :)

როგორ წარმოგვიდგენია სექსუალური რევოლუციის ცხოვრებაში გატარება? აბი არსებობს უკვე, ასე რომ ,ე ს ფაქტორი გამოირიცხა:D  პრეზიდენტმა უნდა გამოსცეს განკარგულება, რომ ხვალიდან ყველა თავისუფალი ხდება სექსშიო?? :D არა მგონია ასეთმა კანონმა იმუშაოს,  ნუ, ცოტა  სერიოზულად თუ მივუდგებით საკითხს , მაშინ შეიძლება მივიდეთ იმ დასკვნამდე, რომ საქმე გაცილებით რთულადაა ვიდრე ჩანს. ჩვენ ჩვენს წარსულისა და ტრადიციების ფესვებზე ვართ ჯერ მიმაგრებულები, სწორედ ეს ფესვები არ გვიშვებს ჩვენს შორს, საკმარისია მოვწყდეთ ფესვებს, გადავჭრათ არტერია რომელის გვაკავშირებს ამ ფესვებთან და მერე სხვა სურათი შეიძლება დაიხატოს,,  საბჭოთა კავშირის დროს, საკმაოდ თავისუფლება იყო რუსეთში ამ მხრივ, ახლა ხომ არის და არის, მათი ერის  ფსიქო ემოციური ფაქტორები, (მიუხედავად იმისა, რომ ისინიც მართლმადიდებლები, ანუ ქრისტიანები არიან) ეგუება იმას რომ მათთვის ქალიშვილობა არაქალიშვილობა არ იყოს აქტუალური. ქრისტიანობის მიღებამდე, საკმაოდ თავისუფალი ცხოვრება ჰქონდათ და ქრისტიანობის მიღების შემდეგაც კი ძნელი ყოფილა ამ "თავისუფლების" მოშლა.

ანუ, ერთის მხრივ, ქრისტიანული წესი ,  იძახის რომ არ შეიძლება სიძვა-მრუშობა. მეორეს მხრივ, ამას ემატება ჩვენი ერის ფსიქო-ემოციური ფაქტორი, რომელიც სწორედ რომ წარსულის ფესვებთან არის დაკავშირებული.

დღევანდელი გადასახედიდან თუ მივუდგებით საკითხს, განსაკუთრებით კაცების მომხრეობაა საინტერესო ამ საკითხთან დაკავშირებით. ბევრი იძახის, რომ უნდა გადაშენდეს ეს ძირმომპალი ინსტიტუტი თუ უნივერსიტეტი, და უნდა დადგეს სექსუალური თავისუფლება ჩვენშიო. ამავე დროს, საკმარისია მას კითხო ერთი უბრალო შეკითხვა, მოიყვან თუ არა ქალიშვილს ცოლადო, სასტიკი უარის პასუხი არ აყოვნებს ხოლმე. რას ამბობ მაგას როგორ ვიზამო..

ანუ, ორმაგი სტანდარტების, და საკუთარ თავში გაურკვევლობის მომენტი ფიქსირდება, (სწორედ ამისათვის, მოვიტანე მიხოსა და მაროს ანეგდოტი დასაწყისში, როცა მიხოს სექსი სხვა ქალთან თავისუფლებად აღიქმევა, ხოლო მაროს სექსი სხვა კაცთან ბოზობად).

მე პირადად, სულ სხვა რამეს ვეძებ ქალში. ჩემთვის განათხოვარ ქალთან სერიოზული ურთიერთობა  არ იქნება შოკის მომგვრელი. მთავარია მე დავინახო მასში ის თვისებები რასაც მინდა რომ ვხედავდე. სიყვარული - არის ის ამოსავალი წერტილი რომელიც მე მამოძრავებს და ამ პრიზმაში განხილული საკითხი მიდის იმ დასკვნამდე, რომ მე ადამიანი მაინტერესებს უფრო, ვიდრე სხვა რამ.


თუმცაღა, მე ჩემი რელიგიური მრწამსიდან გამომდინარე , შევეცდებოდი ყველაფერი გამეკეთებინა რელიგიის კანონების შესაბამისად. 

ჩემთვის რწმენა ბევრ რამეს ნიშნავს და რწმენაზე დაფუძნებული ცხოვრება - ყველაფერს.

ამიტომ, ჩემი პასუხი ნათელია ამ საზოგადო საკითხზე - ძალიან რთული იქნება ჩვენი ქვეყნისთვის სექსუალური რევოლუციის ცხოვრებაში გატარება. იმ ფაქტორების გათვალისწინებით რაც ფაქტია და რომლის გამორიცხვა შეუძლებელია.

ყველაფერს აქვს დადებითი და უარყოფითი მხარეები, დასავლეთში სექსუალური რევოლუციის შედეგებს დღესაც იმკიან. სტატისტიკურ მონაცემებს თუ დავეყრდნობით, ამერიკაში და ახალ ზელანდიაში ყველაზე მაღალია თინეიჯერებში არადაგეგმილი ფეხმძიმობა. იაპონიაში და სამხრეთ კორეაში კი, ყველაზე დაბალი მაჩვენებელი.

ზოგადად, სექსის გახსნამ ერთ მოვლენასაც შეუწყო ხელი - ტრეფიკინგი. დავანებოთ მესამე ქვეყნებს თავი, თუ მართლა რა ცუდი მდგომარეობაა ამ კუთხით, რომ მოტყუებითა თუ ძალით მიყავთ გოგოები საზღვარგარეთ და ყიდიან სექს ბიზნესში.

მარტო ამერიკაში, სადაც კანონი საკმაოდ დაცულია, ადამიანის უფლებების განხორციელება ოფოციალური უწყებების მონიტორინგის ქვეშ ხორციელდება, ყოველწლიურად ათასობით ფაქტი ფიქსირდება ქალებით  ვაჭრობისა (Kidnapping girls for the sex industry ).




ამერიკის მთავრობა ახალგაზრდობის "ცხელ გატაცებებს" არ ხვდება მაინც და მაინც დიდი გულისწუხილით, მათ ძალიან კარგად იცოდნენ რომ ვუდსტოკის ფესტივალზე ეწეოდნენ უამრავ ბალახს, თუმცა ხელმძღვანელები ამა ქვეყნისა თავს იკავებნენ რაიმე ეთქვათ, იმიტომ რომ მათ აწყობდათ ყოველგვარი "სისულელეებით" ახალგაზრდების დაკავება,, როკ მუსიკის, მასობრივი მუსიკის განვითარება, ფართო მასებში გავრცელება მთავრობისთვისაც მომგებიანია, (ორი კურდღლის დაჭერა, გაყიდვებისაგან მიღებული შემოსავალი და მუსიკაზე დამოკიდებულად ყოფნა, ეგრეთ წოდებული music addiction, ასევე მართვისთვის ძალიან კარგი ინსტრუმენტია, მასების ფსიქიკაზე შესანიშნავად შეიძლება მოქმედება მუსიკის საშუალებით, ამა თუ იმ მიმართულებით),  მთავრობის გათვლებით, ახალგაზრდობას როცა ვნება ეყოლება წინა პლანზე დაყენებული, როცა მათთვის როკ მუსიკა სიცოცხლის ტოლფასი იქნება, როცა მოსაწევი, სექსი ერთადერთ საშუალებად გადაიქცევა მიზნების დაკმაყოფილებისთვის, როცა საზოგადო მოვლენები სულ ცალ ფეხზე გკიდია როცა გაბმული ხარ აბლაბუდაში რასაც ქვია ინერტულობა, სიამოვნების მიღება, თუ ძებნა მანამდე არარსებულ აბსტრაქციებში, მოვლენებში,, შენთვის სახელმწიფოს კურსი, მათი მიზნები, პოლიტიკური გადაწყვეტილებები სულ არ გაინტერესებს, როცა ელ ეს დი გელოდება ბარში და იქ დილამდე თუხთუხი,, :)


ამ დროს მორალური ღირებულებები სხვა პლანზე გადადის, არა მოწინავეზე, მე ვფიქრობ :)




ასევე,  დემეტრიუსის მიერ ამ მოკლე პერიოდში გამოქვეყნებულ,  ინტერნეტიდან ამოკრეფილ სხვის სტატიაში იყო ნახსენები  , ბიშკეკში მდებარე გეი კლუბი, რომ  მუსულმანური ქვეყანაში,  ყირგიზეთშიც კი არის ეს კლუბიო და ჩვენთან რა ხდებაო? - კითხულობს ავტორი ,,

პირველ რიგში ვიტყოდი რომ ერთ-ერთი ჩემი მეგობარი სწორედაც რომ ყირგიზია. ექიმი პროფესიით, საკმაოდ განათლებული ზოგად საკითხებში, პოლიტიკაში, საზოგადოებრივ მოვლენებში. ხშირად მაქვს ხოლმე მასთან საუბარი, მაინტერესებს ხალხის ყოფა, მათი ცხოვრების სტილი. ანუ, ბევრი თუ არა ცოტა მაინც ვიცი ამ ქვეყანაში მომხდარი ცვლილებების შესახებ. მთელი ყირგიზეთი და მით უმეტესი ბიშკეკი, ნაღდად არ ითვლება ტრადიციულ და მკაცრ მუსულმანურ ქვეყანად, სადაც ყველაფერი ხორციელდება რელიგიური წესებით. კომუნისტებიდან მოყოლებული დღემდე, თავისუფლად იყიდება დასალევი მაღაზიებში, (არადა მუსულმანებს ეკრძალებათ ალკოჰოლთან გაკარება) მოსაწევზეც არ ამბობენ უარს და მოკლედ, ის რომ, ბიშკეკში არის გეი კლუბი და თბილისში არა, ჩემთვის პირადად არაფრის მთქმელი არ არის.  თუკი მუსულმანური ქვეყნის მაგალითზე მიდგება საქმე, შეგვიძლია დუბაის (არაბეთის გაერთიანებული საემიროები) მაგალითი მოვიყანოთ. როგორ ახერხებს ეს ახლადდაბადებული ქვეყანა (სულ რაღაც 40 თუ 50 წლის ისტორიით) შეათავსოს პატარა ტერიტორიაზე დასავლური და აღმოსავლური ღირებულებები? (თუმცა მცირე პრობლემები იქაც ფიქსირდება)  როგორ სცემენ პატივს თავიანთ წარსულს და ისტორიას და როგორ შეუძლიათ შემწყნარებლები იყვნენ სხვისი რელიგიის მიმართ?. როგორი ეკონომიკური წინსვლა აქვთ და საიდან მოდის მათი ინიციატივა და მოტივაცია ?


ჩვენ , საქართველოს, სხვა მიზანი გვაკისრია მსოფლიო არენაზე, ჩემის აზრით, უაზრო წერტილი არ ვართ დედამიწაზე, რომის იმპერია გაცამტვერდა, ეგვიპტე, უძლეველი ფარაონების დინასტია ფოტოებსა თუ ძეგლებზე შემორჩა მარტო და ჩვენ საქართველო და შესაბამისად ქართველი ხალხი დღემდე რომ  ვართ, ეს შემთხვევი ნაღდად არა მგონია იყოს. "მე ვარ ქართველი, მაშასადამე ვარ ევროპელი", ჩემთვის არც თუ ისე აქტუალური განცხადებაა.


მეორე საკითხი რაზეც გავამახვილე ყურადღება არის ის, რომ ავტორი პათოლოგიად თვლის სექსის არ არსებობას გათხოვებამდე. ნუ, მე ექიმი არ ვარ, თუმცა საიტზე არიან ექინები  და მათ უფრო იციან რა შეიძლება იყოს პათოლოგია და რა არა,, მე მექნებოდა ასეთი უბრალო კონტრ შეკითხვა, როგორ ხდება ისე, რომ ავტორი კალგოტკებამოცმულ, ტუშით წარბებმოხატულ, პომადით ტუჩებ წათხიპნილ, ქალური პარიკით, ქალური მოძრაობით და ასე შემდეგ ბიჭს რომელიც მიფარფატებს გეი კლუბისკენ , არ თვლის პათოლოგიად, და გოგოს რომელიც, რელიგიური თუ სხვა გარემოებების გამო არ ქონია სექსი პათოლოგი ვეძახოთ?


კიდევ იყო საკითხები რომლებიც ყურადღების გამახვილებას საჭიროებს, თუმცა მე კარგად ვერ გავეცანი სტატიას, მეგონა მოგვიანებით წავიკითხავდი, თუმცა წაშლილი დამხვდა და მოკლედ ზერელედ საუბარი არ მინდა და შემოვიფარგლები იმ მომენტებით რაც მახსოვს ტექსტიდან.


ავსტრიელი ფილოსოფოსი ზიგმუნდ ფროიდი , თავის ნაშრომში  "ფსიქოანალიზი",  ამბობს:  ადამიანთა ქცევა განპირობებულია გაუთვითცნობიერებელი მისწრაფებით, რომელიც განსაზღვრავს ლიბიდო, სექსუალური ენერგია. ფროიდის თეორია სექსუალური განვითარების შესახებ, აყალიბებს მოდელს სექსუალური ორიენტაციისა თუ მისწრაფებებისა. საკმაოდ საკამათო ჭრილში მიყავს მას საუბრები. ტავის დროზე ვენაში უარყოფილი იქნა მისი აღმოჩენები და იდები.


გერმანელი ფილოსოფოსი ჰერბერტ მარკუსი თანამედროვე სექსუალურ რევოლუციის კონცეფციის კრიტიკას შემდეგნაირად გამოხატავს. რომ რევოლუცია , რომელიც ათავისუფლებს ავხორცულ გრძნობებს,  მიდრეკილია მონობისკენ, ინსტინქტების  დონეზე. იმისათვის რომ გადავინაცვლოთ, ინსტინქტური დონიდან ჭეშმარიტ სექსუალური თავისუფლებამდე, აუცილებელია ცვლილება მენტალური სტრუქტურისა და მორალურ თავშეკავებაში.


სექსუალური რევოლუცია - ნუთუ მასაც გააჩნია ფერი? ?,  ?


- აფერი, ,






მშვიდობიანი დღის სურვილით,


მაჰათმა განდი.
არწივი.