როდემდე ვიმალო მაინც ხომ მამხილეს,
წავაგე ყოველი რაც იყო სიჩქარით,
ის კაცი არა ვარ მე უკვე გამყიდეს,
და ღამეს ვეკუთვნი მე ახლა იჯარით.

და ალბათ მომიწევს დალევა დილამდე,
და ალბათ მომიწევს ღმერთთან რომ დავი ვთქვა,
ვერ შემცვლი იცოდე რაც უნდა მიყვარდე,
ის კაცი არა ვარ მკვლელი რომ დავირქვა.

დავეშვი მიწაზე შენთან ვარ სულ ახლოს,
ნაცნობი ხმის ფონზე იღვიძებს მეისრე,
ის კაცი არა ვარ ქრისტე რომ უარვყო,
და ისიც დროებით თუ ვიათეისტე...

ღრუბლებში ვინახავ სიმართლის ნაპერწკალს,
და პატიმარია ეს მინაც რაფაზე,
ის კაცი არა ვარ რომელიც დაბერდა,
ის კაცი არა ვარ სხვას რომ არ აფასებს.

როდემდე ვუყურო შენს ბავშვურ თამაშებს,
და ტაძრის გუმბათებს დავარტყა სამი წრე,
გუშინაც ხმამაღლა ვუთხარი მამაჩემს,
ის კაცი არა ვარ შენ რომ დამავიწყდე...