სულ ასე ვიცოდი,კარგად შევინახავდი და მერე ვეღარ ვაგნებდი.ისე დედამ პატარაობისას ერთი-ორჯერ ფეთხუმი ხარო,შემამკო!მე მეგონა მეფერებოდა,ისეთი ალერსიანი ხმით იყო ნათქვამი,მერე მნიშვნელობა რომ გავიგე,იცოცხლეთ,მეცეცხლა!
      კი ბატონო,ჰოროსკოპით \"ღორი\"ვარ! გინდათ- ტახს ვიტყვი, ერთნაირად უბედურ ვარსკვლავზე არიან გაჩენილები.
      ერთი პერიოდი არ ვიცილებდი,სულ თან მქონდა,ხშირად მასთან ერთად ჩამძინებია.ახლაც მჭირდება,სირცხილით ვერ ვამხელ:არ მეტყვიან,მიუჩინე თავისი ადგილი და საძებარი არ გაგიხდებაო!
    ახლა კი რამდენი დღეა ვეძებ,ვეძებ გამწარებული,ვერ ვპოულობ.ადგილსაც ვერ ვპოულობ!გალიაში მოსუნსულე მელიასავით წინ და უკან,წინ და უკან.ახია ჩემზე!თუმცა რა ვქნა,დიდი ხანია არ დამჭირვებია,ტყუილა ხომ არ ვათამაშებდი,გაცვდებოდა ბატონო,მე კიდევ მჭირდებოდა და მენანებოდა,ჰო და ისე გადავმალე, მგონი სულ მივაკარგე.
    ჯანდაბას ჩემი თავი...
    სიტყვა დამეკარგა:საფერებელი,თბილი...
    სურვილი გამიმძაფრდა ვთქვა სიტყვა:საფერებელი,თბილი...
    იმედი არ დამიკარგავს:ვიპოვი,აუცილებლად ვიპოვი...ოღონდ,ცოტა მაცალე- შენ არ დამეკარგო...მერე გიპოვი?