***
თუ შემოდგომა ყვითელია,
შენ რა ფერის ხარ?
ჭაღარანარევ და სველ თმაზე
გკოცნი ბავშვივით
და ზურგჩანთაში
შენს ვნებიან მზერას ვინახავ!

***
საყურე ჩემი თვალისფერი ზურმუხტებით გადაჭედილი,
დაუღალავად ელოდება შენს სუნთქვას და ცმუკავს ლეკვივით-
ჩემს კისერთან ჩემი საყურე, ეთამაშება აფეთქებულ კისრის აორტას,
ყურის ბიბილოს უსირცხვილოდ ლოკავს და გელის
გაწუწული ძაღლის ლეკვივით...

სად ხარ ამდენ ხანს!-დაიღალა შემოდგომა
ჩემი საყურეს თავხედობით!