ჩამოთოვა! ლოღორას მთა გადათეთრდა
და მთის რაჭას შეეპარა სიმარტოვე.
თეთრი შალი შემოუსხმათ ღარიბ სოფლებს
და სახლები პატრონებმა მიატოვეს.

ღამ-ღამობით დათვი,მგელი გვსტუმრობს ზოგჯერ
ვეღარ აფრთხობს მშიერ ცხოველს თოფის ექო.
"ხვალ თუ კარგი დაიჭირა ბოშო დარი
სანადიროდ შევუყვებით შოდის ბექობს".

აქეთ ლორი,იქით არყით სავსე ბოთლი
გრძელ ღამეებს ზღაპარივით ეხამება.
ვინმე იტყვის ძველ არაკს ან შეგონებას
და დაღლილებს თვალზე რული გვეპარება.

სიზმრად ვხედავთ: ამწავანებულ რიონის პირს.
თივის ზვინებს. საგლოლოს გზას,მწვანე ფოთლებს
"ამინდს კარგი პირი უჩანს ბოშო ვიცი"
ზამთარია ,სანადიროდ ვმართავთ თოფებს.