URAKPARAKI

ავტორი: თემო
ჟანრი: პოეზია
1 თებერვალი, 2010

ეს პოეზია

თიხას მივიტან ტუჩებთან და თითქოს სისხლია
არტერიებში ჩაიბნევა ვაზის ნაჟური
თრობად, აღგზნებად, მომერევა ეს პოეზია
და მიძინებულ სულს მიღვიძებს ხელის ფათურით...
ხაონარევი ხმით ვიგონებ წინაპრის საფლავს
და დუშმანივით ყელში მიჭერს ხელებს ზამთარი
ფრთამოტეხილი ისარივით გავისვრი ფრაზას
გულის ორთქლით და ნაღველით რომ არის გამთბარი.
არ ვიცი მაინც რას მაგულებს ეს საქართველო
ანდა რა ძალა დაუნახავს ჩემში ამ მიწას
რატომ უნდა რომ ნაბადივით ფეხქვეშ გამთელოს
და მიმაჩვიოს სამუდამოდ ღამეს უძილარს
მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს
მას შემდეგ უკვე მერამდენედ მოჰკლეს ილია
და თავი თავად არ აკუთდვნეს კვლავაც მოხევეს.
თუ მაინც უნდა დაიმარხოს ეს ამბიცია
და უსარგებლო ნივთებივით ბნელში იდება.
ეჰ... იბერიის გაბრწყინების დიდი იდეა
კვლავ XXI საუკუნით გადაიდება...
ჯერ ათეული გამივლია მხოლოდ ორიოდ
ომში გაჩენილს ალბათ ომში მიწევს სიკვდილი
მაგრამ მანამდე უნდა შევძლო რომ სახვალიოდ
დროის ტალახში არ გავსვარო კაცის სინდისი.
ცხოვრების წესად დავინერგავ მხოლოდ სამ რამეს
ღვინოს, ლექსებს და ჩემი ქვეყნის მარად სიყვარულს
სანამ სიკვდილი მარმარილოს გულზე დამადებს
არ მოვეშვები მთაწმინდაზე ფეხით სიარულს...
იქ ხომ ზეცაც და ლაჟვარდიც ხომ ისე ახლოა
ანგელოსების ფრთით ირხევა თითქოს ნიავი
მამადავითი აჩრდილების სამოსახლოა
და აქ ხეებსაც გაურითმავთ ფოთლის შრიალი...

თიხას მივიტან ტუჩებთან და თითქოს სისხლია
არტერიებში ჩაიბნევა ღვინის ნაჟური
თრობად, აღგზნებად, მომერევა ეს პოეზია
და მიძინებულ სულს მიღვიძებს ხელის ფათურით...

გადმოწერეთ PDF ფორმატში

კომენტარები

ილუსტრაციები

რეცენზიები

46. დიდი ხანია, ასე ძალიან ლექსი არ მომწონებია !

ხაატ. 2011-12-21 23:53:48

45. დებიუტის კვალობაზე მომეწონა, ბანალურ და სადღეგრძელოდ გამოსადეგ ფრაზებს მოერიდე. კარგად აზროვნებ და პოეზიის სიღმეში ცურვასაც შეძლებ, მგონია. ლექსი ეცადე დააღვინო და მერე გადახედე ხოლმე, თვალი და ყური გიკარნახებს, რა არის ზედმეტი. ეცადე, შენი სათქმელი გქონდეს და საკუთარი ხელწერა, გავლენების სახადსაც ბატონებივით როცა მოიხდი, მერე დაიწყება ის, პოეზიის სიღრმეში ყვინთვა რომ ჰქვია... გისურვებ წარმატებებს!!!

თანანა. 2010-02-25 14:54:29

44. და დუშმანივით ყელში მიჭერს ხელებს ზამთარი- მართლაც....

XXI-იქნებ სიტყვიერად ჩაწერო...

კარგი ლექსია...

"კრიტიკაც მისაღებია და მოწონებაც
ოღონდ შინაარსიანი და დასაბუთებული.."- ესეც მომეწონა...
ყოჩაღ!
5!:)

დაკარგული. 2010-02-22 14:36:10

43. მაგარი ხარ ძმა+777 ქულა:)

დავით მოსეშვილი. 2010-02-18 21:43:17

42. ცხოვრების წესად დავინერგავ მხოლოდ სამ რამეს
ღვინოს, ლექსებს და ჩემი ქვეყნის მარად სიყვარულს
სანამ სიკვდილი მარმარილოს გულზე დამადებს
არ მოვეშვები მთაწმინდაზე ფეხით სიარულს...

გაიხარეე :))))))))

ნატალიენი. 2010-02-16 19:42:14

41. კარგი ლექსია, მომეწონა. ჩერქეზიშვილმა გამოყო საუკეთესო სტრიქონები. 5555555555

რითმები დაიხვეწება შემდეგ ლექსებში ცოტა ( ბევრი რითმა კარგია ძალიან) და დანარჩენი შენ იცი, წინსვლა და წინსვლა! :)

თორნიკე ჭელიძე. 2010-02-04 16:21:05

40. "ცხოვრების წესად დავინერგავ მხოლოდ სამ რამეს
ღვინოს, ლექსებს და ჩემი ქვეყნის მარად სიყვარულს"

თუ ასე ვიქნებით კიდევ 21 საუკუნით გადაიდება დამიჯერე :DDDD

ლექსი ძალიან მომეწონა!

5

გიორგი გაბაიძე. 2010-02-03 09:02:57

39. მაგარია სიმონ!;););)

არგონავტელი. 2010-02-02 22:48:59

38. გაიხარეთ! აქ უკვე თითქმის ყველა იმ ავტორის
აზრია ვინც ჩემთვის გასათვალისცინებელია :)
ვფიქრობ დებიუტი შედგა... :)
თუ როგორ ამას დრო გვაჩვენებს... :)

თემო. 2010-02-02 22:47:57

37. თემო .. ნიკამ ახლა ჩემი სათქმელიც თქვა და ბევრმა კიდე..

წარმატებებს გისურვებ და ჰო წერე , წერე .. ბევრი

სმარიამი. 2010-02-02 21:29:45

36. ძალიან კარგია ძმაო, წერე წერე და წერე უფრო ბევრს დადებ მჯერა.

5 ქულა.

რ_____ო_____ი. 2010-02-02 21:00:11

35. ჰანს! რა დღეში ხარ, კაცო, შენე?! :)))))
თემოს მინდა ვთხოვო: გულწრფელობა შეინარჩუნე ცხოვრებაში და მერე წერე ისე, როგორც იცხოვრებ... :)

ბერეთელი. 2010-02-02 19:55:16

34. მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს- ყალბი ნოტებია, მაპატიოს ავტორმა.

მახარია.

ყოველ შემთხვევაში მინდა რომ ასე იყოს და ხატოვნად
ასე გამოვიდა :) გენაცვალოს ავტორმა :)

თემო. 2010-02-02 19:06:02

33. დანარჩენი - რამდენადაც სუფთა იქნები თვითონ.. და მართალი საკუთარ თავთან.. იმდენად სუფთა და მართალი გამოგივა ისიც.. რასაც წერ..

ნიკა ჩერქეზიშვილი. 2010-02-02 12:11:14

32. ომში გაჩენილს ისევ ომში სიკვდილი მიწევსო.. რომ წერ.. თემო.. აი.. ეგეთი.. ნათქვამები მხიბლავს მე..

ნიკა ჩერქეზიშვილი. 2010-02-02 12:09:53

31. მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს- ყალბი ნოტებია, მაპატიოს ავტორმა.

მახარია. 2010-02-02 01:27:53

30.

ლექსი არ მომწონს. თუმცა სადმე სუფრაზე თუ მოხვდები შექებასაც გამორჩები, ტაშსაც და შეიძლება ვინმემ გთხოვოს კიდეც ჩამაწერინეო. არ მომწონსთქო ვთქვი და იმასაც ვიტყვი რა არ მომწონს, როდესაც თანამედროვე პოეზიაში პატრიოტულ თემას ეხები მინიმუმ გიო საჯაიას "გუშინ ვერ დაბრუნდა ბავშვობა ომიდან" ან ზვიად რატიანის "ნეგატივი. 20 წლის შემდეგ" უნდა დაწერო. ეს ლექსი კი პოეზიას არ განეკუთვნება და ბანალურ გულზე მჯიღის ცემას გავს და აქვე ციტატა რატიანის ლექსიდან:

– და ჩვენ არასდროს გამოვალთ გარეთ,
ხმას აღარასდროს შევუერთებთ შეშლილ ფანტომებს,
მთელ უკვდავებას მრავლისმეტყველ დუმილში გავლევთ
და არსად, გარდა სიზმრებისა, კვალს არ დავტოვებთ.
ხოლო სიზმრებში – იქ ვერასდროს თავს ვერ დავაღწევთ
იმ წლებს, იმ გვამებს, იმ სამშობლოს, სადაც უწყვეტად
ახალი სისხლი, თბილი სისხლი, წვეთავს ტალახზე,
სადაც შვილები მოკლულ მამებს გვერდით უსხედან
და აღვიძებენ. იმ სიზმრებში ისევ განგაშის
მჭახე და სისხლის გამყინავი რეკენ ზარები
და ისევ, პალტოს საყელოში, როგორც სანგარში,
თავჩარგულები, ბნელ ქუჩებში მივიპარებით
და ვცდილობთ, დროზე გავერიდოთ ქალაქს ნაომარს,
ფრთხილად ვაბიჯებთ იქ მიმოყრილ შავ-თეთრ ბიჭუნებს;
უკნიდან ვიღაც გამუდმებით ყვირის
გაუმააარ...
ჩვენ კი ჩუმად ვართ. ისევ ყვირის. ისევ სიჩუმე.

იოჰან ხევსური. 2010-02-02 01:17:28

29. ჯერ ათეული გამივლია მხოლოდ ორიოდ
ომში გაჩენილს ალბათ ომში მიწევს სიკვდილი
მაგრამ მანამდე უნდა შევძლო რომ სახვალიოდ
დროის ტალახში არ გავსვარო კაცის სინდისი.

555555

ილტოსპირელი.... 2010-02-02 01:00:29

28. "ნაჟური" და "ლაჟვარდები" არქაული გადმონაშთია ექობში და არ მომწონს ხოლმე ლექსსში
ისე გულიანი ლექსია

ნატა. 2010-02-02 00:14:04

27. ძალიან მომეწონა ლექსი...მშვენიერი რითმები გაქვთ და აზრი ხომ უკეთესი...არ გავხართ დამწყებს აშკარად....წარმატებას გისურვებთ.

ლელა-65. 2010-02-02 00:00:57

26. იქ ხომ ზეცაც და ლაჟვარდიც ხომ ისე ახლოა
ანგელოსების ფრთით ირხევა თითქოს ნიავი
მამადავითი აჩრდილების სამოსახლოა
და აქ ხეებსაც გაურითმავთ ფოთლის შრიალი...

მომწონს
5

დრო მოვიდა. 2010-02-01 22:27:58

25. ახალაიამ სწორად თქვა.

ლექსს არაუშავს და წარმატებები.

ბექა ოთანაძე. 2010-02-01 21:44:07

24. გაიხარეთ კარგო ადამიანებო!
თქვენ ვერც კი წარმოიდგენთ როგორ
დამეხმარება თქვენი რჩევები. :)
ყველას დიდი მადლობა და ჩათვალეთ რჩევები
გათვალისწინებულია შეძლებისდაგვარად... :)

თემო. 2010-02-01 20:53:46

23. kargia, dzalian kargi

didou nana. 2010-02-01 20:52:39

22. წარმატებები, კარგია!

დავით კამკამიძე. 2010-02-01 20:31:59

21. თიხას მივიტან ტუჩებთან და თითქოს სისხლია
არტერიებში ჩაიბნევა ვაზის ნაჟური
თრობად, აღგზნებად, მომერევა ეს პოეზია
და მიძინებულ სულს მიღვიძებს ხელის ფათურით...

აქ "ჩაიბნევას" "ჩაიღვრება" აჯობებს მე მგონი და მომერევა და მიღვიძებს დროში რომ ეწყობოდეს ლამაზად,ანუ-მომრევია.

არ ვიცი მაინც რას მაგულებს ეს საქართველო
ანდა რა ძალა დაუნახავს ჩემში ამ მიწას
რატომ უნდა რომ ნაბადივით ფეხქვეშ გამთელოს
-აქ ცოტა აზრობრივად ვერ მომეწონა. სამშობლო არ გთელავს ფეხქვეშ.თუმცა გააჩნია რას გულისხმობ სამშობლოში.

სანამ სიკვდილი მარმარილოს გულზე დამადებს
არ მოვეშვები მთაწმინდაზე ფეხით სიარულს...

ეს მთაწმინდაზე სიარულიც ვერ მიმაჩნია დიდ მიზნად.თუ მართლა გაინტერესებს ჩემი აზრი, მე ასე დავწერდი:
ღვინოს, ლექსებს და ჩემი ქვეყნის მარად სიყვარულს,
მხოლოდ სამ რამე დავინერგავ ცხოვრების წესად,
სანამ სიკვდილი მარმარილოს გულზე დამადებს,
სანამ სიცოცხლე ნაბადივით ფეხქვეშ გამთელავს.
-ან რაღაც ასეთს.მოკლედ ნაბადს აქ გავშლიდი და მომდევნოს ამას შევათანხმებდი უკვე.
იმ ორ სტროფზე უკვე გითხრეს.
მთლიანობაში ლამაზად წასაკითხი და მელოდიური ლექსია.კარგი დებიუტია :)

ჯერ ათეული გამივლია მხოლოდ ორიოდ,
ომში გაჩენილს ალბათ ომში მიწევს სიკვდილი,("მიწევს" - "მელის" სცადე)
მაგრამ მანამდე უნდა შევძლო რომ სახვალიოდ
დროის ტალახში არ გავსვარო კაცის სინდისი.
-ეს სტოფიც მომწონს და ჩანს,რომ კარგი ადამიანი ხარ :)
წარმატებებს გისურვებ.

jaden. 2010-02-01 20:27:44

20. არაუშავს... შემდეგში უკეთესს დაველოდები!

5

ა___ჩ___ი. 2010-02-01 20:23:48

19. ..."მომერევა ეს პოეზია
და მიძინებულ სულს მიღვიძებს"...

კარგია, თემო. წინებს ბევრად სჯობს.
მე ნეკერას დავეთანხმები მაშინ:)
ოღონდ, XXI-ის ნაცვლად, 21 ან ოცდაერთი დაწერე, თორემ ისე "ოცდამეერთედ" იკითხება.
აბა შენ იცი, წარმატებები!

თეა თაბაგარი. 2010-02-01 20:22:46

18. კი, კარგია, მაგრამ მაინც 2 შენ... :)

მოღიმარი. 2010-02-01 19:51:29

17. ჰო, მიუხედავად იმისა, რომ ჩემი სტილი ნამდვილად არაა- ძალიან მომეწონა. თან დებიუტიო...

წარმატებები და 5!

ბავშვი (ძეწ). 2010-02-01 19:43:18

16. ეს ჩემი სტილი არაა, მაგრამ მომწონს :)
XXI სიტყვით იმიტომ რომ რომაული იკითება როგორც ოცდამეერთე და ამ შემთხვევაში რითმაც ირღვევა და შინაარსიც.
ის ერთი სტროფი არც მე მომხვდა კარგად, მაგრამ ერთიანობაში კარგია, გულიანი ნაწერია,
წარმატებები :)

ნატალიენი. 2010-02-01 19:24:53

15. არ მოვეშვები მთაწმინდაზე ფეხით სიარულს...
იქ ხომ ზეცაც და ლაჟვარდიც ხომ ისე ახლოა
ანგელოსების ფრთით ირხევა თითქოს ნიავი
მამადავითი აჩრდილების სამოსახლოა
და აქ ხეებსაც გაურითმავთ ფოთლის შრიალი...

მომწონს...

მელოდია ქარში. 2010-02-01 18:39:58

14. ჩემი სათქმელი ორმა ადამიანმა გითხრა უკვე, ჩემო თემო, ბექა ახალაიამ და ანჯელინამ :)
დავამატებ რომ ძალიან ენერგიული და ამყოლიებელი ლექსია, იგრძნობა გულწრფელობა. წარმატებებს და ბევრ ლამაზ ლექსს გისურვებ :)

ნეკერა. 2010-02-01 18:35:01

13. მაგრამ მანამდე უნდა შევძლო რომ სახვალიოდ
დროის ტალახში არ გავსვარო კაცის სინდისი.

ეს გამორჩეულად!

მედეა მოლოდინი. 2010-02-01 18:32:29

12. გაიხარეთ, ახლა ვიწყებ სერიოზულად წერას
და ამაზე თქვენ დამაფიქრეთ თქვენი საუკეთესო
ნაწარმოებებით :)
ამიტომ ახლა თქვენვე უნდა მასწავლოთ
რაღაცრაღაცეები.. :)

თემო. 2010-02-01 18:30:29

11. ლექსი დებიუტანტის კვალობაზე მშვენიერია, რითმებთან დაკავშიებით უკვე მოგახსენათ რჩევა ნიჭიერმა პოეტმა და მე მანდ ვერაფერს დავამატებ.გირჩევთ გაითვალსიწინოთ მხოლოდ.

ჩემი აზრითკი ეს სტროფი, სულ რომ არ ყოფილიყო ლექსი უფრო მომეწონებოდა, გემოვნებაზე არ დაობენ და თქვენ სულაც არ ხართ ვალდებული ეს გაითვალისწინოთ.
``მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს
მას შემდეგ უკვე მერამდენედ მოჰკლეს ილია
და თავი თავად არ აკუთდვნეს კვლავაც მოხევეს.`` (ამ სტოფრს ვგულსიხმობ)

მოწიწებით,
მარად თქვენი
ანჯელინა ჯოლი/პიტი

ანჯელინა. 2010-02-01 18:29:59

10. ანდა რა ძალა დაუნახავს ჩემში ამ მიწას
რატომ უნდა რომ ნაბადივით ფეხქვეშ გამთელოს
და მიმაჩვიოს სამუდამოდ ღამეს უძილარს
მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს
ეს განსაკუთრებით...

ცხოვრების წესად დავინერგავ მხოლოდ სამ რამეს
ღვინოს, ლექსებს და ჩემი ქვეყნის მარად სიყვარულს
დრომ გვიჩვენა რომ ეგ საკმარისი არ აღმოჩნდა...:)

ლექსში 5-ს დავწერ...მომეწონა...

ჭა. 2010-02-01 18:29:57

9. კაი კაცი ხარ ძმაო..უკეთ დაწერ,გეტყობა..

ეცადე სარითმო წყვილი ერთ კითხვაზე არ მიუგებდეს,ზმნების გარითმვასაც მოერიდე..

5!

ბექა ახალაია. 2010-02-01 18:24:23

8. იმ იუმორისტულების მერე არ მეგონა თუს ერიოზულ ლექსს დადებდი. ძალიან მომეწონა, მოდიე ემოცია, აზრებიც კარგად გაქვს დალაგებული და განაწილებული. მოკლედ კარგია.

და ბევრი პლუსები უნდა ამ ლექსს

ანანე კიკნაძე. 2010-02-01 18:10:31

7. მე ხომ ისედაც ვახტანგივით მტკივა იღლია
და ვით დემეტრეს ჩემს სიხარულს თავი მოჰკვეთეს
მას შემდეგ უკვე მერამდენედ მოჰკლეს ილია
და თავი თავად არ აკუთდვნეს კვლავაც მოხევეს.
აი ეს მაგარია!!!
მთლიანობაშიც კარგი ლექსია!!!
წარმატებები მეგობარო!!!

ოთარ რურუა. 2010-02-01 18:04:21

6. მგონი ამ ლექსით დებიუტი მაქვს.. :)
ამიტომ ყველას აზრი მაინტერესებს, განსაკუთრებით ლიტერატორების.
კრიტიკაც მისაღებია და მოწონებაც
ოღონდ შინაარსიანი და დასაბუთებული..:)

თემო. 2010-02-01 17:56:02

5. ნორმალურია მგონი...რავიცი

ჭორფლიანი გოგოო. 2010-02-01 17:53:18

4. "არ მოვეშვები მთაწმინდაზე ფეხით სიარულს...
იქ ხომ ზეცაც და ლაჟვარდიც ხომ ისე ახლოა
ანგელოსების ფრთით ირხევა თითქოს ნიავი
მამადავითი აჩრდილების სამოსახლოა
და აქ ხეებსაც გაურითმავთ ფოთლის შრიალი..."-განსაკუთრებით...

რა გითხრა...ძალიან,ძალიან კარგად საკითხავია...თბილია...წრფელი...+++

ჟოზეფინა. 2010-02-01 17:36:47

3. თიხას მივიტან ტუჩებთან და თითქოს სისხლია
არტერიებში ჩაიბნევა ღვინის ნაჟური
თრობად, აღგზნებად, მომერევა ეს პოეზია
და მიძინებულ სულს მიღვიძებს ხელის ფათურით... ++
იხვეწები :) შენი პირველი ლექსი არ მომწონდა, ეს კი უკვე მომწონს!
ასე გააგრძელე და ყველაფერი გამოვა! იმ ლექსის მერე, ეს რომ გამომიგზავნე იმეილზე, ვერც დავიჯერე, რომ შენი ნაწერი იყო. გახსოვს? გკითხე კიდეც, ეგ შენ დაწერე მეთქი?
უნაკლო არ არის, მაგრამ კარგია!
წარმატებები!

მე-კალ-მე. 2010-02-01 17:27:22

2. მე მომეწონა! დებიუტის კვალობაზე - ძალიან კარგია!

gugua. 2010-02-01 17:25:05

1. მგონი ამ ლექსით დებიუტი მაქვს.. :)
ამიტომ ყველას აზრი მაინტერესებს, განსაკუთრებით ლიტერატორების.
კრიტიკაც მისაღებია და მოწონებაც
ოღონდ შინაარსიანი და დასაბუთებული..:)

თემო. 2010-02-01 16:44:12