ალბათ სიცოცხლე როცა მაჩუქეს,

მაშინ ვიღაცას დაემსხვრა ბროლი..

ვცოცხლობ დამსხვრეულ ბროლების ხარჯზე

და გადარჩენილ სიყვარულს ვძებნი...

ალბათ სიცოცხლე როცა მაჩუქეს,

სადღაც კაკლის ხეს დაეცა მეხი...

დავდივარ ახლა და ვეძებ ჩრდილებს

ვეძებ და ვდარდობ - თუ შემიფარეს ....

დავდივარ ერთი - მთვრალი და გიჟი

გიჟი და მთვრალი... მარტო და მარტო ...

მათრობს ვარდების გიჟი სურნელი

და შემოდგომის ფერები მართობს ...

ალბათ სიცოცხლე რაკი მაჩუქეს

ამ საჩუქრისთვის ვიღაც თუ ნანობს...
                                27.04.1992