გადაუსვით ხაზი ადამიანებს 
და შეღებეთ წითლად მათი შუბლები,
მიუსაჯეთ მათ სასჯელი ძლიერი
იარაღით განუგმირეთ გულები
აუკრძალეთ სხვისი ფანჯრის გაღება
და გაქექვა მათი სავარგულების.
დაანახეთ მორევი და წმინდა მთა
მათ იპოვონ განსხვავება ულევი
შეუსწორეთ ფიქრი უკუღმართი და
გაუმდიდრეთ ცრემლით თვალის უპები.
შეანჯღრიეთ! დაანახეთ ჭაობი
შიგ ჩაფლული მათი მკვდარი გულები
შეახსენეთ: რწმენა, ენა, მამული
მიტოვებულ სკივრში გადამალული.
შეუსწორეთ გრძნობა ადამის მოდგმას!
დაუგრძელეთ გადაჭრილი ნამუსი
დაანახეთ ცრემლმდინარი დედა და
მიტოვებულ ბავშვთა შავი სტატუსი.
აღზევება დაანახეთ ბოროტის
სიყვარულის დახურული მარშუტი!
ჩაახუტეთ მომლოდინე გულები
რომ შეიგრძნონ ფეთქვა როგორ ჩქარდება.
გაუშალეთ, ახსნა სიმარტოვის და
მის თანმხლები,ტანჯვა,ურვა,ვაება
აუწიეთ გულის მძიმე ფარდები
შეუცურეთ ერთი წვეთი სიმართლე.
მოუტანეთ სითბო გადახვეული
დაინახონ მათი წმინდა სინაზე
ხოდა, გადაისვით ხაზი ადამიანებს
დავიღალეთ გაცვეთილი ოცნებით!