სიზმრად მოსული კაცი კაბით,
თავი მელოტი, ულვაში გაბანტული,
სახეზე ზიზღისფერი, მიტკლად აზელილი,
თვალები უკაკლებო,უშავო, მონაცისფრო,
პირად - ფარდა პილატესი,
განივად ჩახეული.
კბილები ჩაღუნული, კრიჭა გაგუდული,
სუნთქვა მონახშირო, ჟანგად ჩათუთქული.
ნიკაპი გარდიგარდმო,
სიმეტრიის დედა ნატირები.
ყვრიმალი კისრის ქვემოთ,
კისერი გაჩ(ანჩხლ)ული,
ტანი ქონიანი,უტანისამოსო,
ხელებში კურდღლები უყურებო,
მუცელი ზურგის იქეთ, ჭიპი სააქეთოს,
ფეხები შემალული გრძელი ნაჭრის ქვემოთ,
ტერფები ხელუკუღმა,ქუსლი უფეხებოდ,
კაცი ეს ყოფილა რაღაც საიმფერო,
ლექსი მაწერინა შარვალ-გალიფეოდ.