ჩემი ბოლო ღერი სიგარეტი,
ჩემი უჟანგბადო სუნთქვა,
აღარც მონატრება სულნარევი,
აღარც "ბოდიში" ან "ვწუხვარ"

ბავშვის უდარდელი გაღიმება,
ქარის დავარცხნილი თმები,
სკამი,
სიმშვიდეში დაბინდება,
ბოთლი არაყი და ფრთები.

ივნისს გაუთბია ორგანიზმი.
შენი არ ჭირდება სითბო,
ახლა სახეს ლექსებს მოგაყრიდი,
თუმცა ჩახუტებას ითხოვ.

ჩემი ბოლო ღერი სიგარეტი.
ჩემი სხვის სხეულთან სუნთქვა,
აღარც სიყვარული სულნარევი,
აღარც "ბოდიში" ან "ვწუხვარ" .