ნეტავი რა სჭირს ჩვენს ქვეყანას? რად არ გვიმართლებს?
მოდი დავიდოთ გულზე ხელი და ვთქვათ სიმართლე,
დუმილის ჟამიც ხომ დამთავრდა, ხმაც ავიმაღლეთ,
ხმალიც აღვმართეთ, თითქოს წელშიც ხომ გავიმართეთ.

მაშ რა გვჭირს ნეტავ ქართველებო? რად არ გვიმართლებს?
ნუთუ ეშმაკი შემოგვიჩდა სულ ალალ-მართლებს,
თუკი სამშობლოს ჩვენის ყოფით ვერაფერს ვარგებთ,
ისიც ხომ გვახსოვს ბრძოლის ველზე სიკვდილი გვმართებს.

ისიც ხომ გვახსოვს ერთმანეთის ნდობა დავკარგეთ,
მუდამ ერთგულებს, მუდამ გმირებს და მუდამ მართლებს
ნუთუ ვერ ხვდებით ეს რა გვიქნეს და რა დაგვმართეს,
დაგვაძაბუნეს, დაგვაკნინეს, ცალცალკე გვმართეს.

და როცა ვამბობთ, ნეტავ რა გვჭირს? რად არ გვიმართლებს?
მოდი დავიდოთ გულზე ხელი და ვთქვათ სიმართლე,
მტერთან ბრძოლაში ერთად ყოფნა ჭირდება ქართველს,
და ერთმანეთის გასაჭირში გატანა გვმართებს.