მე მზად ვარ შენთვის ზღვაში დავიხრჩო
ანდა დავუწვე ლიანდაგს დღესვე
შენ თურმე გემის ბილეთს ჩალიჩობ
დაგიჯავშნია შენ უკვე “ესვე”

გულში ნაცემი ტყვიით გავშავდი
ტაჯმაჰალიდან გადმოვხტი კიდეც
შენ კი ჩაგიცვამს მძიმე ჯავშანი,
გადარჩენისთვის დაეძებ კიბეს
სამართებელი ჩემი მჭრელია
ამ გულის შვება მე შხამში ვპოვე
შენ კი ვენები შეგიხვევია
და კოქტეილსაც მიირთმევ “ლოვეს”

შენ დღესაც გემის ბილეთს ჩალიჩობ
და ყოველ კვირას მგზავრობ “ესვეთი”
კეთილდღეობა იმან დაგიხრჩო
რომ ააფეთქეს “ჰოთელ” მესხეთი