ხომ შეხედეთ ამ ზამთარმა,
როგორ მალე გაიარა,
გაზაფხულიც შემოვიდა,
გულში სითბო ჩამეღვარა.
ხომ ხედავთ რომ ამ ცხოვრებას,
და ამ წუთებს არ აქვს ძალა,
ისე გარბის ისე ჩქარა,
ამოსუნთქვაც არ მაცალა.
ყრმობის წლებიც სადღაც გაქრა,
ისე სწრაფად ჩაიარა,
ერთი ისღა მოვასწარი,
მივაძახე ეს არ კმარა.
რომ გამდნარა თოვლის ფიფქი,
მარტო ამას ვჩივი განა?
დრო რომ ასე სწრაფად მიქრის,
მხოლოდ ეს დრო დამენანა.