ხანდახან ფიქრები ითვლიან ნაბიჯებს,
ხანდახან ვფიქრობ, რომ ცხოვრება მაგიჟებს.
ხანდახან ვიმსხვრევი, ბგერებად ვიშლები,
ხანდახან არ მყოფნის სათქმელად სიტყვები.
ხანდახან არ ძალმიძს გრძნობების გამხელა
ხანდახან მაწუხებს დარდები რამხელა.
ხანდახან ნაბიჯებს ვერ ვზომავ გადადგმულს,
ხანდახან სულს ვუსმენ სხეულში განაბულს.
ხანდახან წერისას მეღლება თითები.
ხანდახან ცხადდება სიზმრები, მითები.
ხანდახან სამყარო კიდია მავთულზე
ხანდახან ავდივარ დიდების სართულზე.
ხანდახან დახეულ სურათებს ვაგროვებ,
ხანდახან შემიპყრობს ბნელი სიმარტოვე.