ის იყო ღარიბი მერძევის ქალიშვილი
ტანად საშუალო სიმაღლის,
სახელად - დუდანა.
..................................................
ლოყებზე თაბაშირის ბათქაშივით
ესვა მაკიაჟი “მსუბუქი”
ჭორფლის დასაფარავად.
...................................................   
შაბათ დღეს ლოცვებზეც კი დადიოდა
ერთი გზა გვქონდა ჩვენ ტაძრამდე,
მერე სოფლად ვის რა ნაკლი ჰქონდა
ბავშვურ გატაცებით ვბაძავდით.
ღიად გამოვხატე მოწონება
როცა კარში გამომეგება
და ბლის უმწიფარი კუნწულები
ყურზე დაეკიდა ეჟვნებად.
ბოლოს დავიღალე ბოლთის ცემით
კოცნა დავუპირე ანაზდად
შიშმა ამიტანა გეფიცებით
ისე უჩვეულოდ გაბრაზდა.
ნამტირალევ თვალებს, ხელის მტევნით
ისე გამალებით ისრესდა
თითქოს მრავალწლიან ყოფნის მერე
გაყრა მოეხდინოს ვინმესთან.
.................................................
.................................................
                                                            2010