შენ ალიონზე სისხლიანი მგლის ხახა გხიბლავს
მე კი შენ თვალებს, ვნებით სავსეს უაზროდ ვეტრფი,
ქარიან ღამეს შენ მკლავებში სიამეს ვიგრძნობ,
მხოლოდ მაკოცე, მომეფერე ნურაფერს მეტყვი.

გიჟური სახე და შეშლილი სისხლის წვეთები,
მგლის ხახიდან რომ ანათებს და სიყვარულს ებრძვის,
ნუთუ ერთად ვართ, ნუთუ ისევ მიმიკრავ მკერდზე?
,,როგორ მაგიჟებ“ შენ ამ სიტყვებს ჩურჩულით მეტყვი...

და ორი გიჟი უაზრობის მორევში როკავს,
და ორი სული, გამუდმებით ერთმანეთს ეკვრის
შენ ხელოვნება, თეატრი და ნიღბები გხიბლავს,
მე კი ,,გუენოსს’’ და ვნებით სავსე მის თვალებს ვეტრფი...