ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ერთ მშვენიერ დღესაც,როდესაც ვარჯიშიდან მოვდიოდი სახლში და ამისთვის „მარშუტკაში“ უნდა ავსულიყავი,თვალწინ დამეხატა ქართველი ადამიანის ბუნება...
ვაღებ „მარშუტკის“ კარებს თუარა და ეგრევე მოდის გამოყენებული ერთჯერადი ხელსაწმენდი,რომელიც ფეხებთან მივარდება.თავს მაღლა ვწევ და ვხედავ სადღაც ორმოცდაათი წლიდან სამოც წლამდე ქალბატონს,რომელიც ამ ფაქტს არაფრად აგდებდა და წინ,შუშის მიღმა იყურებოდა.ეს ოცდაათი ნომერი „მარშუტკის“ გაჩერება იყო,ჯერ ადგილზე იდგა,რათა საკმარისი მგზავრები აეგროვებინა.საშუალება მომეცა შენიშვნა მიმეცა ქალბატონისთვის,გასაგებია იგი გაცილებით უფროსია ჩემზე,ცხრამეტი წლის ახალგაზრდამ რომ ასწავლოს ბებიის ტოლ ადამიანს უხერხულიცაა,მაგრამ ფაქტია,ქმედება ჩემ წინ ჩადენილი არის ა.რ.ა.ს.წ.ო.რ.ი. რათქმაუნდა საუბარი იმით დამთავრდა,რომ ისევ მე გამოვედი უზრდელი ვიგინდარა და ბოლო სკამზე გარიყული დავჯექი,რადგან სხვა მგზავრების ზიზღიან თვალებს არ გადავწყდომოდი,რათქმაუნდა ისინიც იმას ფიქრობდნენ რასაც „კეთილი ბებია“ და იგივესაც იზავდნენ,რომ დასჭირვებოდათ.
ნუ გადააგდებ!სირცხვილია,როდესაც ქვეყნის დედაქალაქის მოქალაქეები ნაგავს ისე ისვრიან თბილისის ქუჩებში,როგორც მე მაგდებენ ხოლმე გულებიდან მშვენიერი,მაგრამ უცნაური მანდილოსნები.რა კულტურაზეა საუბარი,როდესაც შვილს ცხვირს მოხოცავენ და იქვე დააგდებენ გამოყენებულს,გინდ ბაღი იყოს და გინდ მანქანების სასიარულო გზა.რა სიყვარული?ადამიანებო რამდენჯერ მინახავს გამოყენებული „პრეზერვატივი“ ქუჩაში დაგდებული.ქალაქის ვითომ კოლორიტობა?შავი ჯიპიდან იმაზე მეტი სიგარეტის ნარჩენი გადმოუგდიათ,ვიდრე მათი დამფასებელი ადამიანების რაოდენობა.ნუ გადააგდებ!წარმოიდგინეთ რას დაემსგავსება ქალაქი ყველამ თითო პარკი ნაგავი რომ გადმოაგდოს სახლიდან და შემდეგ წარმოიდგინეთ რა მშვენიერი იქნება ყველამ ნაგავსაყრელზე რომ ყაროს სახლში დაგროვებული ნარჩენები.მე რათქმაუნდა არ მაქვს იმის იმედი,რომ ჩვენნაირი გარყვნილი და თავნება თაობა ოდესმე გამოსწორდება,მაგრამ მომავალში მაინც დაუშალეთ თქვენს ბავშვებს,რომ ნაგავი ქუჩაში არ დაყარონ.მე მაინც არ მეყოლება ბავშვი,მეუღლე ან მეუღლეები მამობის უფლებას ჩამომართმევენ,როდესაც დამშორდებიან.
გასაგებია საზოგადოებას არ აღელვებს ქალაქის სისუფთავე,როგორ უნდა აღელვებდეს,როდესაც ავტობუსიდან ჩამოდიხარ,ნაგვის ურნა თითქმის ყველა გაჩერებაზეა,მაგრამ არა,მოისროლონ უნდა ისე,როგორც ადრე მანდილოსნები ისროდნენ ხელსახოცს რაინდების დასაშოშმინებლად.თან ვერც ვერაფერს შეაგნებინებ,მათ მხოლოდ სააკაშვილის ლანძღვა შეუძლიათ.ამ ხალხის ხელში სააკაშვილი მხსნელად მეჩვენება...როგორ უნდა შეაგნებინო ისეთ ადამიანს რამე,როდესაც რაღაც დაკუჭულ ფურცლებს ძირს აგდებს,შენ მიდიხარ და ეუბნები „უკაცრავად,რაღაც დაგივარდათ“ და ის გპასუხობს „არა დავაგდე,მადლობთ“სასაცილოა,თავი მოსაფხანი რომ არ იყოს.ხომ იცით ბევრი წერა არ მიყვარს,ამიტომაც კეთილი,შავი და დაგლეჯილი გულით გთხოვთ ნუ გადააგდებთ!