qui  perd, gagne!







        მზის სინათლე განაპირობებს იმას რომ დღე არის, მაგრამ მზის სინათლის გამო კი არ არის დღე, მზე ყოველთვის ანათებს, უბრალოდ დედამიწა ბრუნავს. პირიქითაც შეიძლება ითქვას, რომ დედამიწის ბრუნვა განაპირობებს მზის ამოსვლას, მაგრამ დედამიწის ბრუნვის გამო კი არ ამოდის მზე, არამედ მზე უპირობოდ არის.
        ადამიანი იბადება პირობითი ნიშნების სიმრავლეში, სადაც ერთი ნიშანი განაპირობებს მეორის არსებობას, და პირიქით. ამ სიმრავლეს უპირობოდ აქვს მიზიდულობის ცენტრი და ადგილი შეხვედრისა. ადამიანის პირობითი ორბიტა თანდათან იზრდება, მაგრამ მაინც ამ ადგილის გარშემო ბრუნავს. მასთან მიახლოვება მეტეორივით გწვავს და განადგურებს. მისგან სიშორე მხოლოდ პირობითია და იმის  დ ა ვ ი წ ყ ე ბ ი თ  ა რ ი ს  გ ა ნ პ ი რ ო ბ ე ბ უ ლ ი  ,  რომ ის რაც ყველგან არის, სიშორეშიდაც უპირობოდ სუფევს.