ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: გიორგობელა
ჟანრი: პოეზია
7 სექტემბერი, 2008


ჰაუ, გარდაცვლილ ვნებათა სახლო

ჰაუ, გარდაცვლილ ვნებათა სახლო,
მე შენთან დამრჩა კაბა დედოფლის,
გველის ტყავივით სრიალებს გზა და
დასაბრუნებლად ვეღარ გენდობი.

ქერუბიმივით წმინდა და სათნო,
ის კაბა უცებ მოირგო ზეცამ
და 'ყველაფერი რაც უნდა დავთმო,
გადამქრალ სხივად მაწვია დღესაც...

ის, რაც მათბობდა, დღეს თავად ვათბობ
ჩემს სისხლიში ლხვება ნაზი ფერებით,
ჩემში უჩინარ მეჯლისებს აწყობს
და ყველა წვეულს იქ ვეფერები.

ბოლო აკორდზე დაღვრილი ვნებაც
და განწირული კრუნჩხვა ხელების.
ეს კი კაბაა, დაჭრილი ფრთებად,
გზა- გასაფრენად გაშლილ ხელების.

კომენტარები ილუსტრაციები რეცენზიები