ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ზეკარი
ჟანრი: პოეზია
15 მაისი, 2011


თამოს(აფციკას)

გატრუნულ მიწას ართობდა ქარი
და თავგანწირვით წვიმდა და წვიმდა,
ქუჩას მოყავდა გოგონა წყნარი
ფიფქივით ნაზი,ცრემლივით წმინდა.

თვალებზე როგორც ტოტებს ჩიტები
ასკუპდებოდნენ წვეთები წვიმის,
თეთრი ღრუბლისგან განასუქებნი
თვალებზე კოცნით იწყებდნენ ტირილს.

გოგონა თეთრი და სულ მთლად სველი
ჩაფიქრებული კვეთავდა ქუჩას,
თითქოს ფიქრებში მოძებნა მხსნელი
და ეხლა ცდილობს ფიქრები უთხრას.

გულში ჩაყვინთულ გაბუტულ გრძნობას
სხეულში სისხლით გადაადგილებს,
ქალური ცეცხლით ქალურ ზნეს მოხნავს
და ქალურ მადლით მერე აგრილებს.

გოგონა თეთრი უსასრულობა
მიუწვდომელი მოლურჯო სივრცე,
ბაღში წითელი ვაშლის ქურდობა
და სიტკბოება თაფლწასმულ პირზე

კომენტარები ილუსტრაციები რეცენზიები