გ.ტ.- ს
ქრიზანთემები ლარნაკიდან უღიმის ფერებს
გადამტყდარი აქვს თეთრი მუხლი ჩემს ქალურ ვნებას.
ლარნაკთან იქვე საზეიმოდ დავიმტრევ ხელებს
და ხელთათმანი უხელოდ და უღილოდ მრჩება.
... რატომ გაწუხებთ ლექსით ჩემი ასე ცახცახი
ჩემი თვალები - ვერმიღწეულ ვნებათა გზნება,
თქვენ შეგიძლიათ აუაროთ რითმას გადაშლილს,
გაუმხელელად ხილულია თემიდას ნება.
და ლარნაკიდან როცა ყველა ყვავილს გადავყრი
ლარნაკის ფსკერზე ცარიელი თვალებიც ქრება.
ამ უკუნეთში გადარჩენის  უგზო ცახცხში
სანაგვე ყუთში გადაძენძილ რითმებსღა ვხედავ.
მე დავიბადე, თუ გადავრჩი ალბათ არც მაშინ
მიხმობდა ღმერთი, ვისი ლანდიც სიყრმიდან მდევდა,
შემოჰყავს ტკივილს სტრიქონები უგზო ცახცახში,
და გადამტყდარი თეთრი მუხლით მაღვიძებს დედა.