თვალებში ჩაგექცა სამყარო... მიდიხარ, ნაბიჯიც გეშლება,
ბებერი ბარონი ბარათის წინასწარ დაგზავნას აპირებს,
უთუოდ მოკვდება ბარონი! მსახური სიხარულს არ იშლის,
აპრილმა ჩაგასწროთ სიცილის ქალაქში დღეს შენ და სატირებს.

თვალებში ჩაგექცა სამყარო... გაზაფხულს ნიღაბი ერევა
და ყალბი წვიმების დაღლილი წვეთები გუბეს ვერ ავსებენ,
მიდიხარ ქალაქში სიცილის, სიცილით სატირა გერევა,
დღეს მთვარე აკუწეს, უბნებში ნაფლეთებს ტირიან MIS - ები.

თვალებში ჩაგექცა სამყარო... მიდიხარ, ნაბიჯებს მიათრევ,
სიცილის ქალაქში ბარონი, მშიშარა მოახლეს ატირებს
და ტენის ბერეტას... და სანამ ნამარტალ ღამეებს მიათევ,
აპრილი ჩაგასწრებთ ცინიკის ქალაქში მე შენ და სატირებს!