ჩრდილო ატლანტიკური ხელშეკრულების ორგანიზაციის… არა, ძალიან სერიოზულად ჟღერს. ნატოს გენერალურმა მდივანმა… არა, ესეც ზედმეტია. მოკლედ ნატოს ”ხაზეინმა” ანდერს ფოგ რასმუსენმა ”რასიისკაია გაზეტა”-ს ინტერვიუ მისცა (ნუ ამჯერად ინტერვიუ თორე ისე მთელი სანატოეთი რუსეთთან აღებ-მიცემობით არის დაკავებული). ამ ინტერვიუში, როგორც სჩვევიათ ,ჯერ აღშფოთება გამოთქვა, ჩემი მეზობელი ნატოსავით (ცხონებული თავიდან სულ იმას გვეუბნებოდა შენ მე ვინ გგონივარო): ”ნატო კიდევ ერთხელ მოუწოდებს რუსეთს, გააუქმოს სამხრეთ ოსეთისა და აფხაზეთის დამოუკიდებლობის აღიარების გადაწყვეტილება”-ო. თუმცა იქვე დაამატა ”მაგრამ”-ოო… აქაც ცხონებული ნატო ბებო გამახსენდა, რომ გვეუბნებოდა ხოლმე: ”მაგრამ ჯანდაბას თქვენი თავი”-ო და გახდას იწყებდა ეგრევე. უფ, ნატო, ნატო… კაი ქალი იყო ნამდვილად, მაგრამ რამდენჯერ გამაწყვეტინა აზრი ამ ოხერმა… ხოდა, მოკლედ, ნატოს ”ხაზეინმა” თქო: ”მაგრამ უფლება არ გვაქვს, ამ აზრთა სხვადასხვაობას რუსეთთან ჩვენი ურთიერთობის პარალიზების საშუალება მივცეთ”-ო.

ეჰ, ნატო, ნატო… ეგრე ეშინოდა იმ ცხონებულსაც ურთიერთობების პარალიზების და კი დარჩა ბოლოს თვითონ პარალიზებული.

P.S. ლუდის ქილას ვხსნი და ხსოვნისას ვსვამ, ჯერ ამ ნატოსი და ისე ვატყობ, იმ ნატოს დროც მალე მოვა.