შორს იმ ქალაქში, ანგელოზები არიან  დეე?
ზღვაში, თევზებსაც აქვთ ფიქრების ქალაქიი ?
მე რომ შევიყვარე, მანდაც დავაშავე დეე,
მითხარი დავაშავეე?
მითხარი არსებობს თუ არა სამართლის ქალაქი ,სიმართლის გარეშე.
მითხარი მართლა ვარსებობ დეე, თუ გამომიგონეს უმარილოდ შემწვარმა თებვზებმა მარილად და
მყრიან მუჭაში და
მფანტავენ გემოვნების მიხედვით აქეთ და იქით ,
მეც ვიბნევი და მითხარი დეე მალე დავმთავრდებიი?
ჩვენს გვერდით, გიჟი ქალი რომ ცხოვრობს ,გაჩეჩილითმებით ,
ისიც ჩემნაირია, თუ მოფერებით მეძახიან გიჟს და ამერია?
მითხარი დეე, გამაჩინე თუ  მფრინავებმა გამომიგონეს,
მითხარი დეე, ფრენა სიარულში ხომ არ მერევა და ბავშვობიდან ფრენაზე კიარა სიარულზე ხომ არ ვვოცნებობ?!
მომიყევი ბავშვობაში ჯერ არ მოყოლილი ზღაპრები,
შენი არაბუნებრივად მშვიდი ხმით, არგაგონილი ხმით,
მომიყევი ახალ მთვარეზე, როგორ ხვდება ვეება მთვარე ობობის ქსელში და როგორ იხლართება შიგნით,
მერე კი, როგორ წითლდება ადამიანივით და როგორ გვმზეობს
ოღონდ არ მითხრა რომ ესეც მოვიგონე, დეე, არ მეტყვი ხოო?
მატარებლის ხმა შენც გესმის ხოლმე ღამღამობით?_ თუ ესეც მერევა რამეში?
მოკლედ, თავი მინდა დავაღწიო ფიქრების ქალაქში ხეტიალს და მინდა დავუბრუნდე დედამიწას
მომბეზრდა უფრთოდ ხეტიალი
ხომ დამეხმარები დეე?