URAKPARAKI

ავტორი: ნიკა ჩერქეზიშვილი
ჟანრი: პოეზია
9 სექტემბერი, 2011

კლავიშები (რამდენიმე)

***

როცა უბრალოდ ქარია გარეთ
და მე ტყუილად გადავყურებ ფანჯრიდან ქუჩას,
რომ სიგარეტი ვთხოვო ვინმე გვიან გამომვლელს,
როცა გარშემო ჭაჭანება არ არის კაცის
და მხოლოდ ერთი მაწანწალა ძაღლიღა უყეფს
ცაზე ირიბად დაკიდებულ ნახევარმთვარეს
- მე შენ მიყვარხარ.

***

როცა უბრალოდ ქარია გარეთ
და გადამფრენი ფრინველები ტოვებენ ქალაქს,
როცა ბეღურა ჩიტებიღა სხედან მავთულზე -
იბუზებიან,
როცა გვიანი შემოდგომის ბოლო ღამეებს
ვათენებ თეთრად
- მე შენ მიყვარხარ.

***

როცა უბრალოდ ქარია გარეთ
და ირონია - ბოლო ხურდებს ვაძლევ მათხოვარს -
როცა რაღაცა გამიხარდეს მაქვს საფუძველი
და მიხარია,
როცა ცარიელ ჯიბეებში ცარიელ ხელებს
ვიწყობ და ასე,
სტვენა-სტვენით ვაგრძელებ ჩემს გზას
- მე შენ მიყვარხარ.

***

როცა უბრალოდ ქარია გარეთ
და მაგიდაზე არეულ ფურცლებს,
შავ ფანქარს,
მაგარ უშაქრო ყავას
და შთაგონების მთავარ საფუძველს -
ცხოვრებას -
შენი მძაფრი სუნი აქვთ
- მიყვარხარ-მეთქი.

გადმოწერეთ PDF ფორმატში

კომენტარები

ილუსტრაციები

რეცენზიები

41. მაგარია +++

მერაბ დიღმელაშვილი. 2013-08-16 14:53:18

40. მიყვარს თქვენი შემოქმედება :)

ნინიცა. 2013-06-08 16:28:30

39. შენი წაკითხული სულ ყურში ჩამესმის..
სულ სხვა გრძნობაა..

მარიამ ბეროძე. 2013-03-31 12:28:04

38. ასეთი სიყვარული _ ბედნიერებაა!
უფალი გფარავდეთ!
+5

თოლიგე. 2012-06-27 08:39:28

37. ძალიან კარგად წერ ნიკააა....აიი ძალიან :))

ნენენენე. 2012-05-09 23:29:57

36.
ეს არ ვიცოდი.
ფორუმზე ვნახე ახლა და ძალიან მომეწონა.
თბილი და გულწრფელია....

თეა თაბაგარი. 2012-03-19 16:18:09

35. და მხოლოდ ერთი მაწანწალა ძაღლიღა უყეფს
ცაზე ირიბად დაკიდებულ ნახევარმთვარეს
)))+

ალისა. 2012-03-18 16:58:26

34. როცა კორპუსები ფანჯრებს მოხუჭავენ<<გამომრჩა პირველი ხაზი.

მიშო დადიანი. 2012-01-29 04:13:28

33. და მთვარეები აყვავდებიან გუბეებში
და მდინარეები ტალღებს დაიკაპიწებენ
და ჩვენი გულები, როგორც ძაღლები,
ჯაჭვებს აიწყვეტენ
და ყველა შეყვარებულის გულებად დანაწილდებიან,
მაშინ მინდა იყო აქ

როცა სინათლეები ჩაქრებიან
და სიბნელეები აენთებიან
და სიზმრები გამალდებიან და გამაღლდებიან და განაღდდებიან
და ხეები ჩიტებს მოისხამენ
და კალათებს მწიფე ბეღურებით გავავსებთ
და ვიტყვით: “გვშია”
მაშინ მინდა იყო აქ

როცა ქარის ურიცხვი მოძრაობა
შეიძენს ურიცხვ მნიშვნელობას
და ჩემი სიხარული
დაემთხვევა ქარებს და ქარებს...
და ქართაგან ერთ-ერთს, როგორც დასაკლავ ცხვარს,
ქამარზე გამოვიბამ
მაშინ მინდა იყო აქ

როცა ქვების აცდენას ვისწავლი
და ჩემკენ ნასროლი “ლოდებისგან ტაძარს ავაგებ”
სადაც შემოვლენ ღმერთები და
ჩუმად მთხოვენ ბედს და იმედებს,
რომლებიც ჩემთვის ერთხელაც არ გამოიმეტეს
და ვიქნები შესაძლებელი, როგორც დროშა
მთვარის ზედაპირზე დარჭობილი
და მოსალოდნელი,
როგორც ცვალებადი მოღუბლულობა
და ცვალებადი,
როგორც მოსალოდნელი სიყვარული

მაშინ მინდა იყო აქ.

ავტორი: პაატა შამუგია

მიშო დადიანი. 2012-01-29 04:11:17

32. მაგარია!

ჯაბა შიოშვილი. 2012-01-29 04:06:09

31. VII (თეთრი)

როცა უბრალოდ ქარია გარეთ
და ირონია - ბოლო ხურდებს ვაძლევ მათხოვარს -
როცა რაღაცა გამიხარდეს მაქვს საფუძველი
და მიხარია,
როცა ცარიელ ჯიბეებში ცარიელ ხელებს
ვიწყობ და ასე -
სტვენა-სტვენით ვაგრძელებ ჩემს გზას
- მე შენ მიყვარხარ.
...
და შთაგონების მთავარ საფუძველს -
ცხოვრებას -
შენი მძაფრი სუნი აქვთ
- მიყვარხარ-მეთქი.

ლამაზი მუსიკალური მელიზმებია. :)

ვიკა მჟავანაძე. 2012-01-14 02:12:47

30. დედააა, ძალიან მაგარიაააა :) ვინ ხარ არ ვიცი, მაგრამ კარგია, რომ ხარ, გაიხარე :)
5

რუსამეი. 2011-12-19 04:00:11

29. კარგია

თარონიშვილი. 2011-09-23 10:09:48

28. :) ლამაზია

ბეთ ავენ. 2011-09-22 18:13:10

27. ძალიან მაგარია-მეთქი. ) ჩემი "ყველაზემეტი" +2

ს12345. 2011-09-14 22:55:38

26. - მიყვარხარ-მეთქი.- მიყვარხარ-მეთქი.- მიყვარხარ-მეთქი.-ძლიერი ემოციაა აქ!

სოლე. 2011-09-11 23:45:28

25. სიყვარულიან.... შენ და ქეთუ... და თეკუ... და... მიყვარხართ :*

მელოდია ქარში. 2011-09-11 22:27:19

24. 55555555!!! :)

დაკარგული. 2011-09-11 13:51:13

23. როცა რაღაცა გამიხარდეს მაქვს საფუძველი
და მიხარია,

ძლიან კარგია

დაკარგული. 2011-09-11 13:51:07

22. როცა უბრალოდ ქარია გარეთ
და მაგიდაზე არეულ ფურცლებს,
შავ ფანქარს,
მაგარ უშაქრო ყავას
და შთაგონების მთავარ საფუძველს -
ცხოვრებას -
შენი მძაფრი სუნი აქვთ
- მიყვარხარ-მეთქი.
ყველა კლავიშით, ყველა ბგერით... როგორ გადმოდის ამ ლექსიდან სიყვარული...

ლელა ცუცქირიძე. 2011-09-11 00:01:11

21. +555

ხათუნა777. 2011-09-10 18:32:46

20. ჩემი რჩეული პოეზია...

მარ-მარი. 2011-09-09 21:09:13

19. ემოციურადაც მაგარია და საერთოდაცმაგარია.
ერთი ბეღურა ჩიტები სმომენტი მერაღაცნაირა, ისიც იმიტომ რომ შენთან ხშირად მინახავს.

ანანე კიკნაძე. 2011-09-09 20:00:25

18. 555555

ოთარ რურუა. 2011-09-09 17:59:39

17. როცა უბრალოდ ქარია გარეთ
და ირონია - ბოლო ხურდებს ვაძლევ მათხოვარს -
როცა რაღაცა გამიხარდეს მაქვს საფუძველი
და მიხარია,
როცა ცარიელ ჯიბეებში ცარიელ ხელებს
ვიწყობ და ასე -
სტვენა-სტვენით ვაგრძელებ ჩემს გზას
- მე შენ მიყვარხარ.

ძალიან მომეწონა მეც.

მესთან. 2011-09-09 17:59:07

16. როცა უბრალოდ ქარია გარეთ
და გადამფრენი ფრინველები ტოვებენ ქალაქს,
როცა ბეღურა ჩიტებიღა სხედან მავთულზე -
იბუზებიან,
როცა გვიანი შემოდგომის ბოლო ღამეებს
ვათენებ თეთრად
- მე შენ მიყვარხარ.

ძალიან მომეწონა მეც.

მესთან. 2011-09-09 17:58:26

15. უბრალოდ მინდა ვთქვა:ლექსის ეშხი და ლაზათი მისი სიმსუბუქის სიმძიმეში, გამჭვირვალობაში და სინათლეშია...და ეს ყველაფერი აქ, ამ ლექსებშია განფენილი.

ფლე-ში. 2011-09-09 17:54:30

14. ძალიან კარგია ++

მანანა ქურდაძე. 2011-09-09 16:34:26

13. სადად და უმშვენიერესად ნათქვამია.

მომწონს და ფრიად...

კრავაი ზვერელი. 2011-09-09 16:06:13

12. მაგარია!

საღოლ კოლია!

გავროშა

ბექა ახალაია. 2011-09-09 15:54:57

11. ულამაზესი სიყვარულის ახსნაა ...++

მარი გოგოლაძე. 2011-09-09 15:05:43

10. მევასება ეს ნაწერი.

ლაცაბიძე. 2011-09-09 14:23:58

9. მხოლოდ ეს ლექსიც რომ იყოს... შეუძლებელია ამის მერე არ უყვარდე ადამინას... საოცარი ხარ... და საოცარია თქვენი სიყვარული...
ვერ...ვერ ვწერ სიტყვებით ეხლა რასაც განვიცდი...

ია-ია. 2011-09-09 14:23:48

8. ემოციურია

ლოკოკინა. 2011-09-09 13:56:48

7. სულ ასე გყვარებოდეს, ნიკუშ!
გაიხარეთ!
5

თამარ ბუკია. 2011-09-09 13:21:42

6. სიყვარულით სუნთქვა ლამაზია!
555

ილტოსპირელი.... 2011-09-09 12:38:36

5. მაგარი ემოცია მოაქვს ამ ლექსს.......

ალაზნისპირელი. 2011-09-09 12:30:06

4. საოცარი ძალა აქვს კარგ ლექს...:-*
წავიკითხე და... ყველაფერი მიყვარს...-მთელი ეს ცხოვრება თავისი ატრიბუტებით
555555555

ჭა. 2011-09-09 11:26:00

3. ძალიან მიყვარს ასევე!..

რობერტ მესხი. 2011-09-09 10:59:45

2. მიყვარს.
5

რენუარი. 2011-09-09 10:09:22

1. როცა უბრალოდ ქარია გარეთ...

იმაზე მეტია, ვიდრე შემიძლია გადმოვცე. უბრალოდ, გეტყვი მემილიონედ: შენ ჩემი ერთ-ერთი რჩეული ავტორი იმიტომ კი არ ხარ მხოლოდ, რომ კარგ ლექსებს წერ, არა, კიდევ იმიტომ ხარ, რომ ყველა შენი ლექსი გულიდან მოდის, გულის სისხლით იწერება თითქოს და ტკივილივით მართალია. ნიკალაუს, საოცარი სიყვარულის საოცარი სადიდებელი მოგვიტანე ახლა...

ნია-კო. 2011-09-09 10:02:05