სჯობია მართლაც არავის ავყვე მოწოდებაზე..
წინგაქცეულსა ვითომ ფრთიანს, რომ თვალი ვადევნო
რომ გადამირბის წმინდანისაკენ, გადასწრებაზე
უკან მიყოლის ,სჯობს სურვილი მართლაც განვდევნო
მიზეზიც ვიცი..თუ სხვისი იქნა აქ პირველობა
ნაწმინდაღარი შემრჩება ალბათ ..უნდა გავჩერდე
და რაღა სხვის ზურგს ვუყურო მაშინ,მიჯობს მცდელობა
წმინდანი იგი ,ჩემს სახებას რომ შემოაჩერდეს..
არც დამჭირდება თაყვანის ცემა ,მივცე ნიშანი
სანთლის ალი რომ მხურვალე ლოცვამ ჩემმა არხიოს
წმინდანი შესძლებს თუ მართლაც არის ჩემი.. წმინდანი
ჩემი სახე რომ ათასს სახეში გამოარჩიოს.