არ მინდა თქვენი მოწყალ-ქველობა
და არც ცხოვრება-მხნე და ხალასი,
ჩირად არ მიღირს უზრუნველობა
და კიდევ ხანი-მათუსალასი.

რა სიამეა უმალ მანახო
განცხრომა, ტანჯვას არმინახეთქი.
მუქთად სამკალი და საბალახო,
არ მინდა-მეთქი...არ მინდა-მეთქი...

ბრმად გამიგორე ბედის გორგალი,
თუ ხარ მეგზე და თუ ხარ მეშარე,
ან სხვისთვის სხვისი ტყვიით მომკალი,
ან...სიყვარულის ცეცხლით შემშალე.

მაწიე ისე სიკვდილის ტორი,
რომ სამარეშიც შემძრას ნადაღმა.
ან ცას მომწყვიტე, ვით მეტეორი,
სადღაც...მარადი გარსის გადაღმა.