ვის რა უთხრა ზარატუსტრამ არ ვიცი,
სეილი აქვს ზარას, უნდა გავიქცე...
ბუდა- ბარში თვითონ ბუდა მომელის,
ვნახოთ, ჩვენში ინირვანებს რომელი...
წვიმასა აქვს დიქტორივით დიქცია,
ფეხნაბანი თვითონ გადამიქცია...
უპიჟამო ფიქრი მიწევს ლოგინში,
ტვინის ხვრეტას, ვიცი, დღეს არ მოიშლის...
უცებ აზრი ამიწია სატოპკე,
ვერ ჩავაგდებ, კარგად თუ არ გავტოკდი...
ვწევარ ჩემთვის, სიტყვას ვეღლაბუცები,
ალბათ, მალე დაეტყობა მუცელი...
მე და სიტყვა ”მჭიდრო” კავშირს ვამყარებთ,
ხვალ-ზეგ ლექსი შემომიღებს ამ კარებს.
ცუდმა აზრმა "სამ ასოზე" გამიშვა,
მეც რომ მართლა დავუჯერო, დაუშვათ?..
გულში მაინც დაიტოვა იმედი,
”გაგზავნილზე” ხომ ნამდილად მივედი?..