-ეს რა ხდება ოთახში?
-დაგორავენ დევები,
გაბერილი,მსუქნები,
დიდები და ჭრელები.

გარს უვლიან ჩუმ-ჩუმად
აფხორილი კნუტები
-ღიპიანებს დავესხათ,
დავუშინოთ მუშტები!

ლაჩრები ხომ არა ვართ,
ხო და,რას ვიპრანჭებით,
აბა,ერთი, რისთვის გვაქვს
ამოდენა კლანჭები?

მართლაც ომი გამართეს,
არ დაინდეს არც ერთი,
არც ყვითელი,არც მწვანე,
არც წითელი,არც თეთრი

ბევრი იკოტრიალეს
და იქნიეს მუშტები,
სანამ სულ არ გახეთქეს
ჭრელა-ჭრულა ბუშტები