მოგონებები ჰაერშია შვიდი პროცენტი,
მზე ტანზე მეცვა ყველაფერი დაიწყო როცა,
ჯიუტ ჯვრისმწერებს წამოაცვეს რგოლი თითებზე,
მერე ტკივილმაც შემომძარცვა თუკი რამ შემრჩა...
ჩემი ცხოვრების აირია ბოლო და თავი,
ბოთლში ფურცლებსაც აღარ  ყოფნით ზღვიური სივრცე,
დროით ჩამქრალი ოცნებები მოვკუჭე ხელში,
შენ კი, სიჩუმით გამოწვეულ დანაკლისს მივსებ.
მზე ფიქრად მექცა გადამღალა სიყალბემ როცა,
ნუშის ყვავილი აფეთქებით გაზაფხულს იწყებს,
... როცა ფურცლებზე დაღვენთილი ტკივილი ვნახე,
მე ისევ შემრცხვა..რადგან მხოლოდ,
მზე მეცვა ტანზე...