მე იქ მინდა სადაც კარგად მხვდებიან,
სადაც სათქმელს უსიტყვოდაც ხვდებიან.

მე იქ მინდა სადაც კარგად მიგებენ,
მიღიმიან და მახეს არ მიგებენ.

მე იქ მინდა სადაც არის სიკეთე,
იქ ბოროტი ბუდეს ვერ გაიკეთებს.

მე იქ მინდა სადაც არის განწყობა,
სადაც მართლა არ სჭირდება ჩაწყობა.

მე იქ მინდა სადაც ყველა მაფასებს,
ეწევიან, არ ურტყამენ "напас"-ებს.

მე იქ მინდა სადაც გული გამიწევს,
სადაც ყველა მეგობრობას გამიწევს.

მე იქ მინდა სადაც არის ერთობა,
სადაც ყველა ერთნაირად ერთობა.

მე იქ მინდა სადაც მუდამ მელიან,
სადაც მხოლოდ სიყვარულზე მღერიან.

მე იქ წავალ, არ მასვენებს გამჩენი,
რადგან, ვიცი ბევრს დავკარგავ დარჩენით...