ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ტექსტი დაფუძნებულია ნამდვილ ამბავზე


საერთოდ მაგრად ტეხავს თავზე რომ გაფსამენ. საინტერესოა, რამდენი ადამიანი მოიპოვება ისეთი, რომლისთვისაც ოდესმე თავზე დაუფსამთ. ალბათ სულ თითზე ჩამოსათვლელი. ერთ-ერთი მათგანი ვარ მე. სამაგიეროდ ამ სტატუსით თუ ვისარგებლებ, ვიქნები ყველაზე გამორჩეული ადამიანი მთელ დედამიწის ზურგზე. არანაირი განსაკუთრებული ნიჭი, არანაირი განსაკუთრებული გარეგნობა, არანაირი განსაკუთრებული სიარულის თუ ლაპარაკის მანერა, უბრალოდ თავზედაფსმული.

არადა, იმ დღეს ყველაფერი ძალიან ჩვეულებრივად, ანუ ისე დაიწყო, რომ აზრადაც არ მომივიდოდა, რომ სულ რამდენიმე საათში, ვიქცეოდი მსოფლიოში ერთ-ერთ გამორჩეულ ადამიანად, უფრო სწორად ჟურნალისტად. თან ხუმრობა ხომ არ არის: ვიღაც ცხვირმოუხოცავს კი არ დაუფსამს, არამედ პატივი მერგო პირდაპირ მაღალჩინოსნის ამღვრეული შარდის შხეფები დამცემოდა არაფით გამორჩეულ თავზე.

http//:amgvreulishardisshxefebi.gov.ge

ვრცლად (დააკლიკე: მაუსის მარცხენა ღილაკით არა, - მარჯვენა ხელის შუა თითით)

სრული ტექსტი:
ამღვრეული შარდის პატრონს, ანუ იგივე მაღალჩინოსანს განსაკუთრებით უყვარს მარილიანი საკვები. აი მაგალითად მან წუხელ, დაახლოებით 11-ის ნახევარზე მიირთვა ორაგული, ბოსტნეულის გარნირით და ზედ დააყოლა წითელი ღვინო 137 წლის დაძველებით. შარდის ეს მოვარდისფრო ფერი შესაძლებელია იყოს წითელი ღვინის ანარეკლი ან უფრო მეტიც, ცისტიტი. თუკი ეს მაღალჩინოსანი ოდესმე ვინმეს ისევ დააფსამს თავზე და მის შარდში შევამჩნევთ თვალშისაცემ ჩირქოვან ძაფებს და ბამბებს, მაშინ უკვე დარწმუნებით შეგვიძილა ვთქვათ, რომ ეს უკვე აშკარად ჩამოყალიბებული ცისტიტია და არა 137 წლის წითელი ღვინის ნაერთი.

უკან დაბრუნება

პატივი მერგო პირდაპირ მაღალჩინოსნის ამღვრეული შარდის შხეფები დამცემოდა არაფით გამორჩეულ თავზე. და ყველაზე საინტერესო ის არის, რომ იმ დილით არც თავად მაღალჩინოსანი იყო იმის აზრზე, რომ ერთ არაფრით გამორჩეული ჟურნალისტს თავზე დააფსამდა. არა კი არ ვამართლებ, უბრალოდ...

http//:pisipisi.gov.ge

ვრცლად (დააკლიკე: მაუსის მარცხენა ღილაკით არა, - თუ გინდა... მაგრამ იყოს მაუსის მარცხენა ღილაკი)

სრული ტექსტი:
ახლა რა ხდება: ამ ჩვენს მაღალჩინოსანს სექსი თვეში ერთხელ აქვს (ეს მის ცოლს ჰგონია, რომ მას სექსი თვეში ერთხელ აქვს, თორემ ისე ვინ იცის? ეშმაკმა? ღმერთმა?) და ისე ემზადება მისი ცოლი ამ თვეშიერთხელისთვის, როგორც აი მაშინ, 15 წლის წინ, სულ პირველად. ქალაქის საუკეთესო lingerie-ის მაღაზიებს დაუვლის, ფულს, რაღა თქმა უნდა, არ დაინანებს, მერე ინტიმური ადგილის ეპილაციასაც უხმოდ აიტანს (ფეხებშუა, უფრო კონკრეტულად კი ბოქვენზე ეპილაციის მწარე იმპულსებიდან წამოსული ჩხვლეტა არც ისეთი ადვილი გადასატანია), ერთადერთი მაღალჩინოსანი ქმრისათვის, რას არ გაუძლებს ერთგული ცოლი. ცხვირიდან სიმწრისაგან წამოსულ სითხეს ენის წვერით, თვალების კუთხეებს კი მტევნებით შეიმშრალებს, ამოიწევს საცვალს და ოთახიდან გაჩაჩხული ნაბიჯებით გამოვა. მერე რა, მალე სიწითლეც გაუვლის და რაც მთავარია ქმარს, არქიტექტორებისათვის დამახასიათებელი ოსტატობით შესრულებული სწორხაზოვანი ბოქვენით მოანდომებს თავს.

უკან დაბრუნება

იმ დილით არც თავად მაღალჩინოსანი იყო იმის აზრზე, რომ ერთ არაფრით გამრჩეულ ჟურნალისტს თავზე დააფსამდა. მეტიც, იმ დილით ნაუცბადევი სექსიც კი გააჩაღა აშკარად მობეზრებულ ცოლთან და მისი სწორხაზოვანი ბოქვენის დანახვაზე ნერვიც კი არ შეტოკებია. უბრალოდ ცოლმა მხოლოდ და მხოლოდ მაღალჩინოსნის დილის ერექციით ისარგებლა, რომელიც ამ ბოლო დროს, არც ისე ხშირად ახსენებს თავს არც ერთს და არც მეორეს და ერთი თვის დანატრებული ისე შემოახტა ზედ, როგორც Cowboy გაუხედნავ ცხენს. Victoria Secret-ის ფირუზისფერი ლიფი შავი მაქმანებით იმ ქვეცნობიერი იმედით არ შეიხსნა, რომ ამას მისი მაღალჩინოსანი მეუღლე გააკეთებდა, მაგრამ ამ ჩვენს მაღალჩინოსანს თვეში ერთხელაც კი აღარ ენატრება ცოლის დაწელილი კერტების უგემურად ღეჭვა.

ჰოპ-ჰოპ და გათავდა. უფრო სწორად, კი არ გათავდა და მაღალჩინოსანმა გაათავა. თან მაგრად უაზროდ: გათავებას, რომ აპირებდა ზუსტად იმ დროს მობილურმა დაურეკა და ეკრანზე თავისზე კიდევ უფრო მაღალჩინოსნის ტელეფონის ნომრის დანახვაზე ფერი ეცვალა. გადადიო, ცოლს მაღალჩინოსნური ტონით შეუბღვირა და ნახევრადჩაწეული საცვალის რეზინისაგან ზოლად წამოწითლებული თბილი დუნდულები საწოლიდან წამოსწია. ლიფისამარა დარჩენილ ცოლს. კი ცალი ხელით წააფარა საბანი. იმიტომ კი არა, რომ იზრუნა, არ გამიცივდესო, იმიტომ, რომ შეეზიზღა. ოთახში ცხენის წაბლის ყვავილის სურნელი დატრიალდა. ასეთი უცნარი სუნი ჰქონდა მაღალჩინოსნის სპერმას.

აბაზანაში შესულმა ვერაფრით მოშარდა, ორი, ჰა, ჰა, მაქსიმუმ 4 წვეთი შარდი გადმოვარდა სევდიანად დაჭმუჭნილი ასოდან და ეს იყო და ეს.

http//: lipisamaradarchenilitsoli. gov.tsol.ge

ვრცლად: (დააკლიკე: მაუსის მარცხენა ღილაკით არა, - თუ გინდა, მაგალითად ენის წვერით)

სრული ტექსტი:
ლიფისამარა დარჩენილმა ცოლმა მაღალჩინოსანი მეუღლე სააბაზანოში რომ დაიგულა საბანი გადაიხადა, ფეხები გადაშალა, ბალიში დუნდულებ ქვეშ ამოიდო, დახუჭა თვალები და წავიდააა...

http//: fuckmebabyfuckyourpussyiamsosexy.tsol.gov.ge

ვრცლად: (დააკლიკე: მაუსის მარცხენა ღილაკით არა, - თუ გინდა, მაგალითად ენის წვერით, არა შენ რა, მაგრამ აი მაღალჩინოსნის ცოლს კი მაგრად უნდა ენის წვერით)

სრული ტექსტი:
ჰო ჩემო სიხარულო, ჰო, ჰო, აუ რამდენი ხართ, მოიცა, შენ ძუძუები დამილოკე, აჰაა, ზუსტად ასე, შენ აქეთ მოდი, არ მოგწონს ჩემი ფეხის თითები? ნახე შენთვის რა მაქვს, ფეხებს წევს განზე მაღალჩინოსანის ისეთი აღგზნებული ცოლი, რომ თვითონ კი ვეღარ ატრიალებს ენას პირში, მაგრამ სამაგიეროდ იმ მესამეს სთხოვს, უფრო ღრმად დაუტრიალოს ენა, ისე ღრმად, რომ G-spot-ამდე მიაღწიოს. აღწევს კიდეც და ეშველა მაღალჩინოსანის ცოლსაც და მისი ფანტაზიის მთავარ პერსონაჟებსაც, რომლებსაც ენის ვნებიანი ტრიალისაგან ყელის ძარღვები ეტკინათ.

უკან დაბრუნება

- ისევ ვერ მოვფსი, - თირკმელებატკიებული მაღალჩინოსანი მხრებში მოკუნტული გამოვიდა აბაზანიდან.
- ჰოო? კარგად ეცადე? - სხვათაშორის ჰკითხა რამდენიმე წამის წინ ნასიამოვნებმა ცოლმა შეწუხებულ და ცოტათი საცოდავ მაღალჩინოსანს.
- კი, კარგად...საუზმეზე ვერ დავრჩები, თათბირია, ნახევარ საათში, - საწოლზე ჩამოჯდა მაღალჩინოსანი და შავი წინდა წამოიცვა დაგრეხილ ფეხის თითებზე.

http//: saidumlotatbirieshmaktakreba.gov.ge

ვრცლად: (დააკლიკე, მაუსის მარცხენა ღილაკით არა, - ცოცხლად მოხარშული მამლის მარჯვენა ფეხის ბრჭყალით, ოღონდ გაითვალისწინე, ამ მომენტში თმაში გაჩრილი უნდა გქონდეს გამხმარი სარეველა, გულზე კი ზვიგენის 87-ე კბილი უნდა გეკიდოს)

სრული ტექსტი:
- ფარდები ჩამოაფარეთ, მზე შემოდის, - წიფლის მაგიდის თავში მჯდომმა წამოიხრიალა, - სანთლები აანთეთ და იზრუნეთ, რომ ეს მზე ხვალვე ჩამოხსნათ;
- როგორც თქვენ იტყვით, ბატონო, - ცალთვალა კუზიანი გამოცუხცუხდა ოთახის კუთხიდან და მძიმე ხავერდის მუქ ფარდებს შეეჭიდა.
- ყველანი ვართ? - ბნელ ოთახს გადაავლო თვალი მაგიდის თავში მჯდომმა.
- მგონი კი, - კარი შემოაღო აქოშინებულმა მაღალჩინოსანმა და ყელში წაჭერილი წითელი ჰალსტუხი ოდნავ შეიხსნა.
- საქმიანი საუზმე გვექნება, - უხმოდ შემოიტანა ვერცხლის ლანგრით გვერდზე თავგადაგდებული, ახლადმიცვალებული შავი ბატი ულვაშებიანმა მზარეულმა, ზედ ლიმონი დააწურა და ისევ ისე ჩუმად გაიძურწა, მგონი გაქრა,
- ჰოდა, თანხა დიპლომატშია, თითო მკვდარ სულზე თითო ათასი, წამოიწყო მაგიდის თავში მჯდომმა, - საქმე საჩვენოდ თუ გადაწყდება, ზედ კიდევ ასიათასს დავამატებთ და ეგ იქნება, - დაძარღვული ხელები მოიფშვნიტა, ბატს ფრთა გამოაგლიჯა და კბილებით გაძიძგნა. სვავებივით დაესივნენ მიცვალებულ ბატს მაგიდის გარშემო მსხდომნი, ბრდღვნად არ ეყოთ, სისხლიანი თითები გაილოკეს, ერთხმად დააბოყინეს, ზედ თითო ჭიქა წითელი ღვინოც დააყოლეს და წამოიშალნენ.

წითელმა ღვინომ ჩვენს მაღალჩინოსანს სისხლთან ერთად შარდიც აუჩუხჩუხა, თირკმელებიდან შარდის ბუშტში გადმოინაცვლა და ასო სასტიკად აეწვა. აქ საპირფარეშო არსად ჩანს. დიპლომატს წამოავლო ხელი და მუხის მძიმე კარში გაუჩინარდა.

-მაგისი ცოლი ყოველ ღამე, სანუკვარ ოცნებებში, ილუზიებში, ჩემს საწოლში კოტრიალობს, ჰა, ჰა, ჰა - ბოხი ხმით გადაიხარხადა მაგიდის თავში მჯდომმა და სულ ორი წამით შეეცოდა კიდეც ჩვენი მაღალჩინოსანი, მერე Fუო, სული შეუბერა სანთლებს და ბნელი ოთახი სიბნელეში გაუჩინარდა.

აქ უკან დაბრუნება აღარ გვჭირდება, აქედან პირდაპირ ვაგრძელებთ გზას ჩემსკენ, ანუ მაღალჩინოსანი საპირფარეშოს ეძებს. მე კი ვეძებ რესპოდენტს ჩემი რადიოსიუჟეტისათვის, რომელიც საღამოს 5 საათამდე მზად უნდა მქონდეს.

-უკაცრავად, ბატონი მაღალჩინოსანი ბრძანდებით? - ვრეკავ მის მობილურზე
- დიახ, მე გახლავართ, - ვგრძნობ, რომ აშკარად სადღაც მიეჩქარება.
-თუ არ გცალიათ, მოგვიანებით დაგირეკავთ.
-არა, მცალია, რა საკითხზე გნებავთ კომენტარი?
-არჩევნებთან დაკავშირებით, ამბობენ სიებში მკვდარი სულები აღმოაჩინესო.
-მკვდარი სულებიო? ვა-ჰა-ჰა-ჰა, რა სისულელეა, თქვენ რა გგონიათ, ცოცხლები არ გვყოფნის, რომ ახლა მკვდრები არ გადმოვიბიროთ საიქიოდან? - უკბილოდ ხუმრობს ჩვენი მაღალჩინოსანი და ნაბიჯს უმატებს, საუბარს კი არ წყვეტს, კითხვებზე დიდი ხალისით მპასუხობს, ისე, როგორც წინასაარჩევნოდ სჩვევიათ ხოლმე მონდომებულ მაღალჩინოსნებს და უცებ...

ბრახ, ჩხაკ-ჩხუკ, ფსსსსსსსსსსს (პაუზა) ფსსსს (პაუზა) ფსს (პაუზა) ჩხხხხხხხ (ჩარეცხა), ახლა მარტო ის მაინტერესებს ხელებს თუ დაიბანს...

***
კომენტარი არ გამომადგა, როგორია თავზე რომ გაფსამს მაღალჩინოსანი საქვეყნოდ.
სიუჟეტი ჩამივარდა.
ჰოდა, დამდევენ მას შემდეგ მკვდარი სულები, ადგილს ვერ ვპოულობთო, ცოცხლების სიებში ვწერივართ და მკვდრები კი ვართო, მაგრამ ახლოს კი ვერ მეკარებიან:
შარდი აშინებთ მოჩვენებებსო.

http//:youtub.com/pisipisi245

ვრცლად...