ნადირობა სიზმრებზე

  მოვიმძინარე წუხელის თავი.
ჩემ ძველ საწოლში-
ვით სახუნდარში- ჩავუსაფრდი ბავშვობის სიზმრებს,
მიტყუება მინდოდა მათი.
გავნაბე სული, უდარდელად დავიწყე ფშვინვა.
მდგომარეობაც არ შემიცვლია.
შენც არ მომიკვდე,
არ გამეკარნენ.
ჩანს, რომ მიმიხვდნენ ეშმაკუნები.
რა გაეწყობა, ისევ მომიწევს ამაღამაც როგორც ყოველთვის
ტელევიზორის სენსაციების გადამღერება.