ჩემკენ მშვიდობაა დენთზე დადებული.
ჩემკენ არწივები ღრუბლებს მიაპობენ.
სადაც გაიხედავ ყველგან სიბნელეა,
სადაც გაიხედავ_ყველგან სიმარტოვე.

ველი აფეთქებას, ველი არდარჩენას,
იქნებ მაშინ მაინც ცოტათი განათდეს,
ჩემი აღარყოფნით, თუ ვინმე გადარჩება
ვიამებ მე ასეთ ტკბილ-მწარე განაჩენს.

... და მაშინ, როდესაც ნაპერწკლად ვიქცევი,
სულ ერთი წუთით, თუ... მეყოფა წამებიც!
არწივის ფრთებიდან დავხედავ ნათელს და
ღრუბლების სარკმელში თვალს მივეფარები.