როცა ღალატით დაუფლითე მთვარეს სუდარა,
მე შემწეობას გაშიშვლებულ სხეულით ნუ მთხოვ!
რამდენ საათსაც გადაითვლის ფუჭი მუდარა,
იმდენი შოლტი მითავაზოს, ბნელეთის ურდომ

და ჯოჯოხეთის კუთხეებში მიმაგდონ ობლად,
დამსაჯონ ცოდვა იუდას შვილს რომ არ შევუნდე.
არც შენ გიქმნია კეეშანად მიჯნურის გრძნობა,
სასუფეველი აუჭედავთ სატრფოს ერთგულებს.

ხილის კალათში რომ ჩააგდო დამპალი ვაშლი,
სხვებსაც გადასდებს გაფუჭებულ თვისებებს თვისსას.
რას მოველოდე, ევას ჯილაგს სისხლში კვლავ გასდის
გაუაზრებელ ნაბიჯამდე მიზნობრივ მისვლა.

შენ სისპეტაკე ბოძებული ციურ სხეულის,
ამქვეყნიური ნეტარების წამებზე დათმე
და წუთის წინათ, "ქალიშვილო", თქვენი მეუღლის
გაუთხოვარი, ბიწიერის სახელი გარქვეს.