ისე არ მომკლა სიკვდილო
მტრის ზურგს ვერ დავკრა თვალიო,
გამიხსენოდენ მოკლული,
შესანდობარი დალიონ.
საჯარეს გამოიტანონ
ჩემი ფარი და ხმალიო,
სადოღედ გაამზადოდნენ
ცხენი ქარივით მალიო,
ტახტაზე ვერცხლებ შეაბან,
ფაფარს უწნავდეს ქარიო.
ულვაშს იკვნეტდეს მამაი,
ხატს დაარისხონ ზარიო,
დამამწყალობნოს ხუცესმა,
მამულისათვის მკვდარიო,
ღმერთმა ნათელში გამყოფოს,
ანგელოსთ დასში გაგრიოს,
არ შეარცხვინე სახელი,
არ დაიშურე ძალიო,
ბედმა გიმუხთლა, გაშავდა
შენთვის მამულის ცანიო.
ახლებმა ბოღმით ალესონ
მტრისად გამზადილ ხმალიო.
მტრისად ჯავრისამც ამომყრელს
უფლის გაჰყვება ძალიო.