თხუთმეტი დღეა
აღმოსავლეთს ქარი აწუხებს
აპოკალიფსი ამბობენ რომ
უკვე ახლოა
ჰორიზონტებზე ციალებენ გარდასახვები -
ჩვენი წარსულის.

ვზივარ სურათებს მტვერს აცლიან
ჩემი თითები,
დღევანდელიდან დასასრული ისე ახლოა
მეცხრე განედზე ჩაიძირა ღამენათევი,
ჩემი ღიმილი.

ზღვის ნაპირებზე მომაკვდავი ლოკოკინები
საფლავებს თხრიან ლორწოვანი წანაზარდებით
ეს მეთხუთმეტე დღეა უკვე
სახსრებს მამტვრევენ,
მიტოვებული წარმოსახვები.