მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თანანა
ჟანრი: პოეზია
9 დეკემბერი, 2013

თოლია ჯონათან ლივინგსტონს

ცაზე რომ თეთრი ზოლია,
აფრენა სწორედ იქ გინდა.
არ ჰგავხარ შენ სხვა თოლიებს,
სადაც გსურს, იქით მიფრინავ!
„ცა - არც დროა, არც ადგილი“,
სულის სრულყოფის სარკეა!
ფრთებით გაზომე მანძილი,
რაც ოცნებამდე გაკლდება...
შენ გეძახიან ქარები,
მათ თავზე გადასავლებად.
და სუსტი ფრთების წვალებით
სწავლობ სიმაღლის აღებას.
არაფრად გიჩანს საკვები,
თევზი და პურის ნამცეცი.
შენს გუნდს თუ გამოგაკლებენ,
თავს შველი ცაში გაქცევით...
სხვანაირია ჯონათან,
შენი ფიქრები ნიადაგ.
თავისუფლებამ მოგნახა,
შენივე ფრთების იალქნით.
მუდამ შიში აქვთ „სხვა ფერის“,
ყველა ტომსა და ჯილაგში.
გბრალდება სულ ყველაფერი,
ზოგჯერ მოძმეთა სილაჩრეც.
შენ კი გეძახის სივრცე და,
ფრთებზე ცა გიწევს ბუმბულად.
დრო შენნაირით იცვლება,
დრო მშვიდი, მაგრამ უგულო...
          04.12.13
კომენტარები ილუსტრაციები რეცენზიები