დედას ისე ეჩქარება
გავიზარდო სწრაფად,
პროფესიაც შემირჩია,
ეუბნება მამას:
-ჩვენი გიგი, ინჟინერი
გამოვაო ალბათ.
ცათამბჯენებს ააშენებს,
დაამშვენებს ქალაქს.
მამამ წარბებს აუწია
გადახედა მკაცრად,
-იურისტი იქნებაო
აი მალე ნახავ!
ხან ერთი სთქვეს,ხან მეორე,
გაიბუტნენ თანაც ...
-ჯერ სკოლაში წამიყვანეთ,
რომ ვისწავლო კარგად,
ჩემ ბებიკოს ვენაცვალე,
დამიბერდა რაღაც,
ექიმობა მირჩევნია
მორჩით ახლი კამათს!


ანი და ლუკა
---------------------
ანი ლუკას ასწავლის,
ანგარიშს და თვლასო:
-ათი ვაშლი გქონდა და,
მე შევჭამე ცხრაო.
არ დაფიქრდე იცოდე
სწრაფად უნდა სთქვაო,
გადათვალო ჩქარ-ჩქარა,
შენ რამდენი გაქვსო!
-არ მჭირდება ფიქრი მე
გაგებუტე ანი,
ქალბატონო ბოლო დროს
ღორმუცელა გახდი!


წერილი ბაჭიას
----------------------

სკუპი,სკუპი კურცხვიტავ,
სკუპი, სკუპი ბაჭიავ,
სტუმრად გეპატოჟები
გთხოვ მეწვიო,ძალინ.

ყურშას არ დაენახვო,
თორემ ძალზედ ავია.
ბებოს ბოსტნად კომბოსტოს
ფარჩის კაბა აცვია.

სკუპი ერთი კურდღელო,
სკუპი ორი ბაჭიავ.
კუდფუმფულავ,ყურგრძელო,
ლამაზო და პრანჭიავ.


მამალო
-----------
შენ ყიყლიყო მამალო,
ყოველ დილა-საღამო
ფრთას შემოჰკრავ ფრთაზე და
სასიმღეროდ მზად ხარო.
შემოჯდები ღობეზე,
აბრიალებ თვალსაო.
ბიბილო გაქვს წითელი,
დეზები საამაყო.
შენ ოხერო მამალო,
ყოყლიჩინა რად ხარო?
გაბღენძილი დადაიხარ
გენერალი მყავხარო