მოკლედ,  პირდაპირ ჩემს ბოლო მიძღვნას გაგახსენებთ ურაკპარაკელებზე, ლექსი დაიწერა მაქსიმუმ 5 წუთში, ესეც ჩემი არც ისე სწრაფი ბეჭდვის გამო ალბათ. ლექსითქო ვუწოდე უფრო იმიტომ რომ 40 მკითხველამდე გამოეხმაურა დღის განმავლობაში და არც შეფასებები და თბილი სიტყვები დაიშურეთ,  არც ქულები დაინანეთ და ხოტბა შეასხით ჩემს ნიჭიერებას. გამაცინა ამ ფაქტმა, თუმცა  დიდი მადლობა ყველას.
აღმოჩნდა რომ ძალიან მალე ჩემმა სახალისო ნაჯღაბნმა დაიმსახურა რეიტინგი 43,  ამ დროს ნიჭიერი ავტორების ნაწარმოებებს კი 4-5 მდე მერყეობს... (არ ვასახელებ მაგალითებს გარკვეული მიზეზების გამო ) ხშირია მსგავსი ზუსტადაც რომ ფატალური შემთხვევები. ეს დღევანდელი რეალობაა ურაკპარაკზე, დანარჩენი თქვენ განსაჯეთ რაოდენ სამართლიანია აქ შეფასებების სისტემა და გარკვეულად მინიჭებული სტატუსები, მერე ომი შენიშვნებზე და ეს გაწელილი საფერებელი ქულები კი უკვე აჯერებენ ადამიანებს რომ გენიაა მათში და დამღუპველ ამბიციამდე მივდივართ.
ვწეროთ-უანგაროთ! თავმდაბლურად! მოწიწებით! მოთმინებით  და ვიკითხოთ  ავტორების პატივისცემით, რაც გამოიხატება მათი ნაწარმოებების კითხვაში,  შეფასებაში თუ შენიშვნების მიცებაში და მიღებაში, კორექტულად რაღა თქმა უნდა, მიუხედავად მათი მეგობრობისა თუ უცნობობისა.  ეს სავალდებულოა ამ გვერდის წევრთათვის,  რომ არ გამოგვრჩეს ისეთი ავტორები რომლებიც არ ყვირიან აქ ვართ და წაგვიკითხეთო.  ყოველდღიურად ვაწყდები მსგავს შემთხვევებს, კარგად დაპიარებული ლექსები კითხვადია, დაუპიარებელი ნაკლებად. აქ შეცდომას ჩავდივართ.  ამ საიტზე ჩვენი ყოფნაც სწორედ კითხვას  გვავალდებულებს, გ ვ ა ვ ა ლ დ ე ბ უ ლ ე ბ ს  სანამ გადაჯიშდა რომელიღაც სხვა გასართობ სოც.გვერდების მსგავსად. შექმნის დღიდან აქ ვარ და არ მინდა ეს მოხდეს.
ურაკპარაკელებო იმედია მიხვდით ჩემს გულისტკივილს.
პატივისცემით - გიორგიუსი.