ჩუმი ჩურჩულით ნაჩურჩულები:
"შენ კი - ჩემთვის!"
წამები წამებით ნაწამწამები,
განაწამები: "მიყვარხარ!"

ქორალი - ქროლვად,
ქროლვად - ქორალი,
ნაამბორალი:
"მე უფრო ძლიერ..."

წვიმის წვეთები წამომეწვეთა.
შორი ლანდები შორ-შორ იბლანდება,
"მოიცა, მიყვარხარ!"
ჩუმი ჩურჩულით ნაჩურჩულები
ხმა მელანდება.

შენი მონატრება, შენი ნატვრა
მომენატრა, ცივი სიცივით ნალაციცები
შენზე ოცნება, შენი კოცნა
მეოცნებება, მეჩურჩულება.

თებერვალი შესდგომია შენს სახეს,
აღარ გაღელვებს ჩემი ჩურჩული,
ჩუმი ჩურჩული ჩემი.
"მიყვარხარ!"
სისულელა სხვა დანარჩენი.