URAKPARAKI

ყველა ნაწარმოები

ავტორი: პილიგრიმი
ჟანრი: პროზა
16 ივნისი, 2014

ბიჭი მატარებლიდან bawdy

ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

გადმოწერეთ PDF ფორმატში

კომენტარები

ილუსტრაციები

რეცენზიები

68. უფ დავასეულე ))
აქაური კომენტარების წყალობით გავაკეთე თითქმის მეცნიერული აღმოჩენა

1) ან კითხვა არ იცით
2) ან კითხუკობთ ალაგ-ალაგ და მერე ზეპირად წერთ კომენტარებს.
3) ანდაც ყველაფერი ერთად.
4) ზედაპირული გააზრების პრობლემაა აქ

მოკლედ შოკში ვარ. ნაწარმოებისგან სასაიამოვნო შოკში ხოლო კომენტარებისგან...ჰმმ კომენტარებისგან უბრალოდ შოკში :D

______________

ნიასთან დაწოლის ამბავი ძალიან საინტერესო იყო, უკვე მეორე ნაწილში გავამახვილე ყურადღება და უზუსტობას დავაბრალე.

ფინალი არის შოკისმომგვრელი, გასაოცარი, ულამაზესი, იცით რა?
როდესაც ავტორი ამდენად ნამდვილია ნაწერში ყველა პროზის დედა ვატირე მართლა, ხელოვნება ესაა სწორედ, თქვა, მოყვე, როდესაც მართლა გაქვს სათქმელი და მოსაყოლი, ბევრი კომენტატიროს გადაპრანჭულმა აბსურდმა გამაღიზიანა, ბევრი მათგანისთვის საკითხავი ლიტერატურა არ იყო ეს. განსაკუთრებით გეხებათ ეს, იმათ ვინც ამტკიცებთ რომ ეს ლიტერატურა არა არის, მოკლედ გამოგეპასუხებით ამაზე, დაიძინეთ და დაისვენეთ!
________

ნაწარმოები სევდისა და იუმორის იდეალური ბალანსისგან შედგება, ეს არის კაცობრიობის დაცინვა, სამყაროს აბსურდულობისა, უაზრობის, სიმახინჯის....
გასაოცარია, ასეთი ბალანსის მიღწევა ძალიან რთულია, თითქმის შეუძლებელიც, ავტორი ამას კარგად ახერხებს, ჰო ზოგჯერ რთულია აღსაქმელად ჟარგონების კითხვა, ან სულაც დამღლელია, მაგრამ ამასაც თავისი ხიბლი აქვს, ზუსტად ის ხიბლი რაც რეალობას.
მიწიერი ამბავია აქ )))) ამას ან გრძნობთ ან არა.
გარდა ამისა ნაწარმოები სავსეა ჯანმრთელი პროტესტით, მოქმედი გმირები იდეალური სახეები არიან, სწორედ ისინი განასახიერებენ, რეალობას რომელშიც ჩვენ ცხოვრება გვიწევს და რომელშიც დამნაშავე სწორედ თქვენ ხართ, აქაური ავტორებიც, მკითხველებიც და საერთოდ ყველა.
კიდევ ერთხელ წაიკითხეთ ეს ნაწარმოები, როცა გაგეღვიძებათ.

ბოლოს დიალოგი წყვდიადში ფენომენალურია, სწორედ ეგ ნაწილია უმნიშვნელოვანესი, მანდ ვაცნობიერებთ რამოდენა გზა განვლო მთავარმა გმირმა და რა დაკპსკვნები გააკეთა ცხოვრების შესახებ, თავისი მეგობრობის შესახებ, ვიგებთ იმას თუ როგორ ახარისხებს ფასეულობებს, როგორ იცავს, ან ამტყუნებს საკუთარ თავს.

"ფუბთუშას ალეგორია" ლიმონას სახე და თავისი ბავშვობის მაგალითი, ეს იყო უძლიერესი ელემენტი ნაწარმოებში.
დიახ ადამიანებს მხოლოდ იმიტომ შეუძლიათ გატკინონ, რადგან თქვენში საკუთარ სისუსტესაც ხედავენ.

არის უჩვეულო ძმობის ისტორიაც, გარემოს პერსონაჟები ზუსტად ეზავებიან, შესაბამისად პერსონაჟების ამგვარი ფსიქოლოგიის არ მიკვირს ისე როგორც მათი ქმედებების, არამედ პირიქით, იმ მცირე ადამიანური გამოვლინებებითაც კი აღფრთოვანებული ვრჩები, იმიტომ რომ ეს ამ კონკრეტულ პირობებში მაქსიმუმია რისი გაკეთებაც მათ შეუძლიათ ერთმანეთისთვის.

სკილეტაც, ლიმონაც და ქილერაც კარგი მაგალითები არიან იმისა თუ როგორ უნდა შეიცვალო ისე რომ დარჩე იმად რაც იყავი.

"მე მოვედი აბაროტი რომ აგიღოო" ლიმონა ეუბნება და ქილერა პასუხობს რომ ის ისედაც ყოველდღე კლავდ მას.
აქ დიდი მსჯელობის საგანი ჩნდება, არის ეს საკმარისი ლიმონასათვის?
თუ არა, მაშინ მეურეს მხრივ რა ვუყოთ რომ ქილერა აქამდეც იტანჯებოდა ? ანუ ამას აზრი არ ჰქონია?
დილემა ძალიან სერიოზულია.
ნაწარმოები ასე წმინდა ბიჭურ სტილში დაწერილი ერთ-ერთი საუკეთესოა )))

სერენა რომერსონ. 2018-08-12 22:00:23

67. მხოლოდ რამოდენიმე აბზაცი წავიკითხე. მაპატიეთ, მაგრამ მე ამას ლიტერატურას ვერ დავარქმევ. სხვას რომ თავი გავანებოთ, ეს "ვაგონში 5 ან 14 მგზავრი იყო" ანდა "ბიჭი 14-ის ან 18 წლის იქნებოდა" რას უნდა ნიშნავდეს, რისი გამოხატვა სურდა ამით ავტორს, ამასაც ვერ ვხვდები... ანდა თუ მაინცდამაინც ასე და ამ ფორმით, უკიდურესი სიშიშვლით და პირდაპირ სურდა ავტორს სათქმელის თქმა, ზოგჯერ "იხმარეს" მაინც იხმაროს. რა არი ამდენი ტყნ და ნძრ... და ფინალის ბოლო სამი სიტყვა.. ომაიღმეერთ!! :)))))

დომენიკო20. 2014-07-27 19:20:14

66. ნასწავლი პროზის დედაც ჯეკ !!!! :)

სვაზილენდის გრაფი. 2014-07-27 17:48:33

65. მუხა, ვენერიულ დაავადებას და მის გასაიდუმლოებას რაც შეეხება მაგაში ვერ დაგეთანხმები, მრავალი შემთხვევა გამიგია ჩემი ნაცნობების შესახებ... ანუ ზოგი არც ისე ასაიდუმლოებს. რაც შეეხება მეორე და უფრო მართებულ შენიშვნას გოგონას შესახებ, მაგაში ალბათ დაგეთანხმები. მართალია რაც მე დავწერე სრულიად შესაძლებელია, მაგრამ არანაირი საჭიროება არ დგას მისი, ამ მოთხრობაში.
როცა ამას ვწერდი წინა დღეებში უელბეკის ,,პლატფორმა" წავიკითხე და ალბათ მაგან იქონია მავნე ზეგავლენა.

მადლობა, მეგობარო!

პილიგრიმი. 2014-07-15 20:18:45

64.

45 კ.-გავიმეორებდი და დავამატებ:

მომეწონა: ღია წერილი მამას, ლიმონას ნაამბობი, მამისა და შვილის სიყვარულის შესახებ გულწრფელი აღიარება, "რომ მამის სიყვარული სულ მთლად უვხო ხილია ჩემთვის", ამ ვრცელ მოთხრობაში ბევრი არის საინტერესო პასაჯები,მისაღები და მიუღებელიც, მაგ. ბათუმელი გოგოს ნაამბობიდან "მასტრუბაციას ბ ა ვ შ ვ ო ბ ი დ ა ნ მივეჩვიე და თითქმის არასოდეს დამიძინია, ორგაზმის გარეშე, მაგრამ ჯერ არცერთი მამაკაცი შემხებია". -რა არის ეს მასტრუბაციის რეკლამა თუ მდედრობითი სქესის ანატომიის, ფიზიოლოგიისა და ფსიქოლოგიის არ ცოდნა?!
რა, თქმა უნდა, პროზაში არ არის აუცილებელი დაზუსტება, მაგრამ არც ასეთი მცდარი აზრია მისაღები, მითუმეტეს როდესაც გოგოს ბავშვობას დროს ეხება.
ნაწილი 2.. მაღლის ნაამბობიდან:ერთ საბედისწერო ქალთან ნაშოვნი ვენერიულ დაავადებას ემსხვერპლა მისი მამაკაცობა. რას იფიქრებს ხალხი ეგ ბავშვი, რომ გავაჩინოთო". ვენერიული დაავადება და მკურნალობა ისე საიდუმლოდ ხდება, რომ ხალხი კი, არა მშობელი დედაც იშვიათად იგებს , ეს არ არის კრიტიკა და არც შენიშვნები, ჩემი სუბიექტური აზრი დავაფიქსირე , მიიღებს თუ არა ავტორი ნება მისია
კეთილი სურვულიბით !

მუხა. 2014-07-15 04:50:30

63. ჰოოო, მე-60 კომენტარი ახლა წავიკითხე.,,კეჭნაობა" ნამდვილად არ ვიცი რას ნიშნავს,აი,საფლირტაოდ ნამდვილად ვერ გამოგადგები...სჯობია ტოლი მოძებნო.
ისე, ,,უსიერ ტყეში" ახსენე და....მგონი ასე ამბობს იქ პერსონაჟი:,,ქალი დავიმორჩილეო" და არა...როგორც შენი მაღალ-დაბალი...მაინც მოიტანა მკითხველამდე სათქმელი,ხომ? და რამხელა სათქმელი თანაც...დააკლდა რამე?!

ისე,მეც ვერ გავიგე_ ლომოური და მისი ,,შემთხვევა"რა შუასი იყო?..ალბათ იმიტომ,რომ იქაც სხვადასხვა პერსონაჟი ჰყვება ერთსა და იმავე ამბავს_როგორ ნახეს მეტროპოლიტენის გვირაბში აქლემების ქარავანი და ამ ქარავანმა როგორ გაიყოლა ერთი ახალგაზრდა მწერალი. ...

ევა ბრაუნი. 2014-07-14 22:38:23

62. არაფერი ისეთი არ ყოფილა...არაფერი გჭირთ მისატევებელი;
დიახ,შემოვდიოდი ჩემი მეგობრის (,,ეს საუკუნე")მეგობრის ( სანდრო გიორგობიანის) გვერდზე;
არ სჭირდებოდა და ,,მაჩუქა" ეს გვერდი.იგივე ნემეზიდა გახლავართ, ქულები აღარ მეყო და ,,ევა ბრაუნით" ამიტომაც დავაკომენტარე ბოლო კომენტარები;
ისე კი ნონა მქვია,შეგიძლიათ აასე მომმართოთ.

ევა ბრაუნი. 2014-07-14 22:16:33

61. გულწრფელად ვწუხვარ ევა ბრაუნ, რატომღაც მახსოვდა რომ თქვენ მამაკაცი იყავით:(((((((
ოგადად არ მჩვევია მანდილოსნებთან ასეთი სტილით ლაპარაკი.
ვიტოვებ იმედს რომ შეძლებთ მოტევებას!!!

პილიგრიმი. 2014-07-14 22:07:27

60.

მსახიობი მართლაც ვარ (ყოფილი):D

ცუდია რომ: 1) შეცდომები მართლაც მრავლადაა, რაშიც გადაკითხვისას დავრწმუნდი. სწორედ ამიტომ არსებობენ კორექტორები (უარეს შემთხვევაში თავადაც მოვახერხებ გაშალაშინებას) და ამ მხრივ დიდად არ ვნერვიულობ. 2)მე ვწერ ისე, როგორც ვწერ პირველ თავში, დანარჩენი გმირების მეტყველების კულტურიდან გამომდინარეა. 3) დაახლოებით მსგავსი ,,აგებულება" აქვს აკუტაგავას მოთხრობას ,,უსიერ ტყეში" და მე ნუ მომაწერთ მის შექმნას. 4) პათეტიკა მართლაც არის გაპარული ალაგ-ალაგ. 5) ავტორმა შეარჩია ის თემა, რომელიც მას აწუხებს და საინტერესოდ მიაჩნია... ამაზე საუბარიც ზედმეტია. 6) ჯერ ვხვეწთ, მერე ვაქვეყნებთ აქ და შემდეგ ისევ ვხვეწთ... სხვა შემთხვევაში ლიტპორტალი მე არაფერში მჭირდება.

ლომოურის ,,შემთხვევა" სათაურით არ მახდენდება რაღაც... შესაძლოა მქონდეს კიდეც წაკითხული.

პს. ევა ბრაუნმა ალბათ არ იცის რომ დიდი ავტორები მკითხველისთვის არ წერენ. თავად მიჰყავს მკითხველი მის მიერ მითითებულ გზაზე... მე არ ვარ დიდი, ასე რომ შეგიძლია მეფლირტავო რაღა იყო და მეკეჭნავო შორიდან:)))

პილიგრიმი. 2014-07-14 21:54:13

59. კატასტროფაა, რომ 1) ავტორს ვუკონტროლებთ ბილწსიტყვაობას (ზოგადად); 2) ავტორი ხდება მკითხველზე დამოკიდებული (ზოგადად);

1.)დიახ,ნამდვილად ,,კატასტროფაა" მისის სმიტ,ავტორს ცენზურა არ უნდა სჭირდებოდეს,თვითონ უნდა იყოს საკუთარი ნაწარმოების ცენზორი;

2.)როცა ავტორმა ეს დაწერა.მკითხველიც ივარაუდა...ასე რომ,მკითხველსაც უნდა სცეს პატივი...
თუ არადა...შეინახოს ვორდის დოკუმენტებში;

ევა ბრაუნი. 2014-07-14 07:55:40

58.

ტაკ, ზაკონჩილა

დავიწყებ კითხვით:

ლომოურის ,,შემთხვევა" წაკითხული გაქვთ?

კარგია, რომ 1) მალევე ,,შეგვაჩვიეთ" გმირებს (მივიღეთ თუ არა, ეს სხვა თემაა); 2) წერთ ისე, როგორც მოყვებოდით პირადად; 3) საინტერესო ,,აგებულება" აქვს ნაწერს

ცუდია, რომ 1) არის ბევრი შეცდომა; 2) წერთ ისე, როგორც მოყვებოდით პირადად; 3) არის ისეთი ადგილები, რომლებიც შეიძლებოდა არ ყოფილიყო ( ,,იმნაირ სიტყვებს" არ ვგულისხმობ, რა თქმა უნდა)

არაუშავს, რომ 1) მხოლოდ წავიკითხე და საერთოდ ვერაფერი ვიგრძენი თქვენი გმირების; 2) მეჩვენება, რომ ავტორმა შეარჩია ისეთი თემა, რომელზეც კარგად (აქ სხვა სიტყვაც შეიძლებოდა) დაწერდა; 3) საერთოდ რა შუაშია, მაგრამ დამრჩა შეგრძნება, რომ იყო პათეტიკური ნაწერი

კატასტროფაა, რომ 1) ავტორს ვუკონტროლებთ ბილწსიტყვაობას (ზოგადად); 2) ავტორი ხდება მკითხველზე დამოკიდებული (ზოგადად); 3) ჯერ ვაქვეყნებთ და მერე ვხვეწთ (ზოგადად)

დავასრულებ კითხვით:

მსახიობი ხართ?

mrs.smith. 2014-07-14 00:53:28

57. ახლა გადავხედე კომენტარებს და... ავღელვებულვარ წუხელ...

აუცილებლად გავანახევრებ ბილწსიტყვაობებს როცა დავამუშავებ, თუმცა მთლად ამოღება არაფრის დიდებით არ შეიძლება.

მე სრულყოფილი მწერალი რომ არ ვარ თავად ყველაზე კარგად მომეხსენება, თუნდაც იმიტომ რომ მხოლოდ პრობლემებზე ვწერ და არასდროს მიმითითებია მათი გადაჭრის გზები... მარტივად რომ ვთქვათ, არ ვიცი და იმიტომ...

მაგრამ, ვინც ამბობს რომ ეს ლიტერატურა არ არის, ნამდვილად ცდება და ამაში საბოლოო ვერსიის გამოქვეყნებისას დარწმუნდება ალბათ. მე ცდას ნამდვილად არ დავაკლებ!

მადლობა ყველას!

პილიგრიმი. 2014-07-13 20:52:40

56. ნეფერტარ, ადამიანი რომ წითელხელიან ნაწარმოებს ხსნის რას ელოდება იქ, ნეტავ?

მოდი ერთი წუთით ,,შეჩემას" ნაცვლად ,,ჰოი შე ნაძირალავ" ჩასვი, დედის გინების ნაცვლად ,,შენ არ გაიხარე" და ა.შ. რას დაემსგავსება? რაღაც დოზით შემცირებაზე მეც ვფიქრობდი, მაგრამ სასკოლო ლიტერატურის დაწერა აზრადაც არ მქონია, როცა წერას ვიწყებდი. ასე რომ ბოდიში სკოლის პედაგოგებს, მოსწავლეებს, ფაქიზი სმენის პატრონებს... სწორედ თქვენს გასაფრთხილებლად ჰქონდა ეითწლი ხელი ამ მოთხრობას...

პილიგრიმი. 2014-07-13 00:14:07

55. დეისაძესთან შედარებამ გამაღიზიანა სხვათაშორის:

თუ კომენტარის ავტორს ,,საიდუმლო სირობა" წაკითხული არ აქვს და ისე მადარებს ერეკლეს, აუცილებლად უნდა მომიხადოს ბოდიში!

და თუ წაკითხული აქვს ე.ი. ის ჩვეულებრივას ეტანება ,,გულისამრევ ლიტერატურას" და რით ვეღარ გაუარა ამ გულისრევებმა, ეგეც გაგვიმხილოს ბარემ:)))

პილიგრიმი. 2014-07-13 00:04:38

54.
საშინლად ამპარტავანი და არაბოიექტური ხარ პილიგრიმო... შეგახსენებ რომ შენ არ ხარ დედამიწის ჭიპი.

როგორ ფიქრობ, ამ ამბიციას უმაღლესი ნიჭიერების საფუძველი აქვს?

აურზაური თავფურცელზე მოხვედრას არ გამოუწვევია, იყო ეს ადრეც იყო თავფურცელზე და არც მაშინ გაკვირვებია ვინმეს.

ეს აურზაური ბილწსიტყვაობამ გამოიწვია. - ესაა სიმართლე.

ისე მელნისფერი თუ ირონიას ”დაუწევს” - და საკუთარი თავიდან დაიწყებს, - ურიგო არ იქნება.

წაიღე ეს მოთხრობა ბრძენთა სამეზობლოში და გატყავება მოითხოვე, - იქ გაიგებ ობიექტურ სიმართლეს, ნამდვილად

კარგი და მცოდნე კრიტიკოსია იქ... სწორ რჩევებსაც მიიღებ და რეკომენდაციებსაც.

მე ერთი თვის უკან უკვე გიშუამდგომლე მათთან.

ნეფერტარი. 2014-07-13 00:04:09

53. ისე ალალად რომ ვთქვა, გული დამწყდა რომ ეს აურზაური ამ მოთხრობის თავფურცელზე მოხვედრამ გამოიწვია და არა იმან, რომ ის ასეთი ,,გულისამრევად ნატურალისტურია"!

პილიგრიმი. 2014-07-12 23:41:08

52. არაფერი ვიცოდი იმის შესახებ რაც აქ ხდებოდა თურმე:))

რომელ ერთ კომენტარს ვუპასუხო ვეღარ გავიგე, თავბრუ დამეხვა)))

ილია, ჭაბუა, ჯავახიშვილი შემებრალნენ _ ჩემისთანა გულიუსამრევ ნატურალისტთან რომ ადარებენ ხოლმე:(((

ჩემთან, სოფელში ერთ მეზობელს თითქმის ყოველ წელიწადს რემონტი აქვს-ხოლმე და მაინც, თავადაც აღიარებს რომ ყველაზე ცუდ სახლში ცხოვრობს... იმიტომ რომ კედლები აქვს დამპალი და კოსმეტიკა ვერ შველის...

მადლობა ყველას!

(ამბის სინამდვილეზე კი მართლა ნუ შემედავებით _ თავად ვიცნობ ყველა პერსონაჟს)

პილიგრიმი. 2014-07-12 23:39:39

51. ნეტავ თქვენ ნაწერებს მიხედავდეთ.
გიორგი, ძალიან კარგი ხარ შენ :)
წარმატებები

მელნისფერი. 2014-07-12 21:13:40

50. გასაგებია, ქალბატონო ხათუნა,რომ ავტორმა რეალობა ამხილა..მაგრამ მაინცდა მაინც ,,ტყ" ,,ტყ" _ბგერების კომბინაცია და ყოველ მეორე წინადადებაში გენიტალიების სახელების წამოძახილი ნორმალურად მიგაჩნით? ამირეჯიბმა უზარაზარი რომანი დაწერა, მ.ლებანიძისთქმისა არ იყოს,მთელი ცხოვრება კითხვა-ძახილის ნიშნებით დაჩხვლიტა,იმან ჩაგვახედა რეალობაში თუ ჩაგვახედა_მაგრამ დათა თუთაშხიას ყველაზე სალანძღავი სიტყვა ,,მამაძაღლოს" არ ასცილებია.
მგონი ციტა სხვაობა კია ისე ამირეჯიბსა და პილიგრიმას შორის...საჭირო რომ ყოფილიყო ,რა,ჭაბუა ვერ მოახერხებდა თუ რა?!
აი,ამაზეა ლაპარაკი...

ევა ბრაუნი. 2014-07-12 20:49:37

49. ავტორს რომ არ მოსწონს ეს ყველაფერი, იმიტომ წერს, ქალბატონო ნონა.
აბა, რომელი ჭკუათმყოფელი დაუკრავს ტაშს ყველაფერ იმას, რაც ნაწარმოებში ხდება, მაგრამ ხომაა ეს რეალური? თუ ზღაპარია, გამოგონილი და შეთხზული მხოლოდ იმისთვის, რომ ვიღაცამ წაიკითხოს და გაერთოს?! ეს ჩვენი ცხოვრებაა, ბინძური, ბილწი და შემზარავი.
დიდი ტკივილი აქვს მწერალს გაცოცხლებული, იმ მიზნით, რომ დაგვანახოს, როგორ ვდგავარტ უფსკრულის წინ, საიდანაც ერთი ხელის გაწვდენაზეა სიკვდილი. ფიზიკურზე მეტად- სულიერი აღსასრული.
თვითონ გიორგიც გვეტყვის, ალბათ, ამის შესახებ.
ეტყობა, ჯერ ჩვენი აზრი აინტერესებდა.
წიგნში შეიტანს თუ არა ამ მოთხრობას, ეს მისი გადასაწყვეტია, თუმდა, ვეჭვობ, გამოაქვეყნოს.

ხათუნა777. 2014-07-09 21:53:37

48. "მიუხედავად დაუკრეფავში გადასვლისა და ტაბუირებული თემების მკითხველის თვალწინ ურცხვად აფრიალებისა, არანაირი აღშფოთება და სიძულვილი არ დამუფლებია მოთხრობის პერსონაჟთა მიმართ. პირიქით, მათში ჩვენ მიერ გამეტებული, მიგდებული და ბედის ანაბარად მიტოვებული შვილები ამოვიცანი"

ხათუნა...როგორ გეთანხმებით...იგივე განცდა მქონდა...:-*

ჭა. 2014-07-09 21:31:19

47.

ქალბატონო ხათუნა,აქ ნაწამოების თემა,იდეა და მისი ავტორისეული გადაწყვეტა კი არავის დაუწუნებია,პირიქით,აღინიშნა,რომ ავტორი ნიჭიერია,აქვს მწერლის ალღო და მახვილი თვალი_მაგრამ ის უხამსი ჟარგონი,ბილწსიტყვაობა,ენობრივი ნორმების უგულვებელყოფა იქნა გაკრიტიკებული.მართალია,ცენზურა არ არსებობს,მაგრამ ნამდვილ მწერალს ცენზორი არც უნდა სჭირდებოდეს_ჯერ საკუთარ თავს უნდ სცეს პატივი და მერე_მკითხველს.მე ვფიქრობ, ამით მოთხრობა ერთი ორად მოიგებდა.გარდა ამისა სასტიკად არ მომეწონა ის ეპიზოდი,სადაც ლიმონას შარდს ასმევენ და საკუთარ დაზე საზიზღრობას რომ ელაპარაკებიან_ის ახსნა,რასაც ავტორი გვთავაზობს,არაა ფსიქოლოგიურად დამაჯერებელი.
თუ მე ვცდები,კი ბატონო,ნებისმიერ ცნობილ და პროფესიონალ კრიტიკოსს შეაფასებინეთ.თუ იტყვიან,რომ შედევრიაო_პირველი მე დავუკრავ ტაშს.სულ არ ვიცნობ ავტორს,და არც რამე პირადი ჯიბრი მამოძრავებს.

ნემეზიდა ნემე. 2014-07-09 21:16:24

46.

მე ადრევე მოგახსენეთ, რომ მხოლოდ ტექსტის კარგად წაკითხის შემდეგ დავბრუნდებოდი ამ გვერდზე.
მინდა გითხრათ, რომ მიუხედავად სკაბრეზული თხრობისა, მიუხედავად დაუკრეფავში გადასვლისა და ტაბუირებული თემების მკითხველის თვალწინ ურცხვად აფრიალებისა, არანაირი აღშფოთება და სიძულვილი არ დამუფლებია მოთხრობის პერსონაჟთა მიმართ. პირიქით, მათში ჩვენ მიერ გამეტებული, მიგდებული და ბედის ანაბარად მიტოვებული შვილები ამოვიცანი.
შემძრა ავტორის ვეებერთელა ტკივილმაც და აქედან გამომდინარე სურვილმა- წაეშალა არსებული სიმახინჯე, საკუთარი და სხვათა უმწეობა, უსასოობა, დაბნეულობა...
სამყარო, რომელსაც მოთხრობაში ვეცნობით, ჩვენი რეალობის იდენტურია, მისი ტყუპისცალი.
აქ ყველა მდაბალი აზრი, გრძნობა, ფიქრი იმპულსურად გადაეცემა ერთი ადამიანიდან მეორეს და ამისთვის თვალის თვალში გაყრაც კი საკმარისია.
ტრაგიკულია პილიგრიმის პერსონაჟთა ხვედრი. მათი თანმდევი შიში, შიმშილი, მარტოსულობა, უიმედობა ნაბიჯ-ნაბიჯ გადადის აგრესიაში, ზიზღსა და სიძულვილში.
სხეულის პიედესტალზე წამოჭიმვა აშკარად ანგრევს სულს, მაგრამ ამაზე ფიქრით არავინ იტკიებს თავს.
ხაზგასმით უნდა აღინიშნოს უფუნქციოდ დარჩენილი სიტყვა ,,მშობელი'', რისი თავი და თავი ,,უფლების'' გაბატონებაა ,,მოვალეობაზე''!
და ,,მგლებით'' სავსე ქუჩა (როგორც ეს მას სჩვევია) უტოპიურად აბედნიერებს მის უბეს ჩაფრენილთ თუ შეფარებულთ, რომელთაც ყველანი რაინდობას სთხოვენ ისე, რომ ერთხელაც არ უჩვენებენ ამის მაგალითს... არც ერთი წამით არ უჩნდებათ სურვილი, დალაშქრონ მათი სულის ფსკერი, ვინიცობაა, ტკივილების შლამში ჩაფლული ,,ობოლი მარგალიტის'' მოსაპოვებლად.
ჩვენ მხოლოდ გარეგნული მშვენიერება გვატყვევებს, ცრუ დახვეწილობა, გაზეპირებული ფსევდო მანერები... კულტურა...
ბექა ქურხულის შემოქმედება მახსენდება, ავტორის სიტყვები:,,საქართველო ყოველთვის იარსებებს- განათებული, შეღებილი, გამჭვირვალე, პოლიციის განყოფილებებით, სარფის საბაჟოებით, სასტუმროებით, ფანტანებით, ,,მოტოველოთი''... ისევ დამარცხდება და ისევ იზეიმებს, მაგრამ ეს სხვა საქართველო იქნება... ის საქართველო კი, სადაც მე დავიბადე და გავიზარდე- ლაღი, ნიჭიერი, რომანტიკული, გულუბრყვილო, ლამაზი, სულელი და თავგანწირული, კეთილი და თავზეხელაღებული საქართველო თავის უკანასკნელ ომში მოკვდა...''.
მოთხრობაში მეტყველება ხშირად ჰიპერბოლურია. სტილი- დოკუმენტალისტური, თუმცა ვფიქრობ, გამოგონილ ამბავთან გვაქვს საქმე. ამასთანავე, გამოხატულია მუდმივი ძიების სურვილი, ირონიაც და თვითირონიაც.
და რაც მთავარია, ავტორს სურს მთელი სიგრძე-სიგანით წარმოაჩინოს სულიერი კრიზისი. ეს კარგად ჩანს მოთხრობის ფინალში, როცა ერთ-ერთი პერსონაჟი თავს ღვთისგან შერისხულ უნაყოფო ხედ აღიქვამს... როცა ტკივილებს ანდამატივით იზიდავს და არც კი იცის, სადამდე ეყოფა ძალა მათ საზიდად.
შეფარვითაა გაჟღერებული არდასახელებული, არგამხელილი უფლის დიდი მონატრება.
სურვილი იმისა, რომ ბნელი ნათელმა უნდა შეცვალოს.
აუცილებლად უნდა შეცვალოს!
მხოლოდ ასე გაიკვლევს უძღები შვილი გზას ზე-ცისკენ!
ასე დავინახე ეს ყველაფერი.
სუბიექტურობისთვის ნუ განმსჯით. :)

მე ადრევე მოგახსენეთ, რომ მხოლოდ ტექსტის კარგად წაკითხის შემდეგ დავბრუნდებოდი ამ გვერდზე.
მინდა გითხრათ, რომ მიუხედავად სკაბრეზული თხრობისა, მიუხედავად დაუკრეფავში გადასვლისა და ტაბუირებული თემების მკითხველის თვალწინ ურცხვად აფრიალებისა, არანაირი აღშფოთება და სიძულვილი არ დამუფლებია მოთხრობის პერსონაჟთა მიმართ. პირიქით, მათში ჩვენ მიერ გამეტებული, მიგდებული და ბედის ანაბარად მიტოვებული შვილები ამოვიცანი.
შემძრა ავტორის ვეებერთელა ტკივილმაც და აქედან გამომდინარე სურვილმა- წაეშალა არსებული სიმახინჯე, საკუთარი და სხვათა უმწეობა, უსასოობა, დაბნეულობა...
სამყარო, რომელსაც მოთხრობაში ვეცნობით, ჩვენი რეალობის იდენტურია, მისი ტყუპისცალი.
აქ ყველა მდაბალი აზრი, გრძნობა, ფიქრი იმპულსურად გადაეცემა ერთი ადამიანიდან მეორეს და ამისთვის თვალის თვალში გაყრაც კი საკმარისია.
ტრაგიკულია პილიგრიმის პერსონაჟთა ხვედრი. მათი თანმდევი შიში, შიმშილი, მარტოსულობა, უიმედობა ნაბიჯ-ნაბიჯ გადადის აგრესიაში, ზიზღსა და სიძულვილში.
სხეულის პიედესტალზე წამოჭიმვა აშკარად ანგრევს სულს, მაგრამ ამაზე ფიქრით არავინ იტკიებს თავს.
ხაზგასმით უნდა აღინიშნოს უფუნქციოდ დარჩენილი სიტყვა ,,მშობელი``, რისი თავი და თავი ,,უფლების`` გაბატონებაა ,,მოვალეობაზე``!
და ,,მგლებით`` სავსე ქუჩა (როგორც ეს მას სჩვევია) უტოპიურად აბედნიერებს მის უბეს ჩაფრენილთ თუ შეფარებულთ, რომელთაც ყველანი რაინდობას სთხოვენ ისე, რომ ერთხელაც არ უჩვენებენ ამის მაგალითს... არც ერთი წამით არ უჩნდებათ სურვილი, დალაშქრონ მათი სულის ფსკერი, ვინიცობაა, ტკივილების შლამში ჩაფლული ,,ობოლი მარგალიტის`` მოსაპოვებლად.
ჩვენ მხოლოდ გარეგნული მშვენიერება გვატყვევებს, ცრუ დახვეწილობა, გაზეპირებული ფსევდო მანერები... კულტურა...
ბექა ქურხულის შემოქმედება მახსენდება, ავტორის სიტყვები:,,საქართველო ყოველთვის იარსებებს- განათებული, შეღებილი, გამჭვირვალე, პოლიციის განყოფილებებით, სარფის საბაჟოებით, სასტუმროებით, ფანტანებით, ,,მოტოველოთი``... ისევ დამარცხდება და ისევ იზეიმებს, მაგრამ ეს სხვა საქართველო იქნება... ის საქართველო კი, სადაც მე დავიბადე და გავიზარდე- ლაღი, ნიჭიერი, რომანტიკული, გულუბრყვილო, ლამაზი, სულელი და თავგანწირული, კეთილი და თავზეხელაღებული საქართველო თავის უკანასკნელ ომში მოკვდა...``.
მოთხრობაში მეტყველება ხშირად ჰიპერბოლურია. სტილი- დოკუმენტალისტური, თუმცა ვფიქრობ, გამოგონილ ამბავთან გვაქვს საქმე. ამასთანავე, გამოხატულია მუდმივი ძიების სურვილი, ირონიაც და თვითირონიაც.
და რაც მთავარია, ავტორს სურს მთელი სიგრძე-სიგანით წარმოაჩინოს სულიერი კრიზისი. ეს კარგად ჩანს მოთხრობის ფინალში, როცა ერთ-ერთი პერსონაჟი თავს ღვთისგან შერისხულ უნაყოფო ხედ აღიქვამს... როცა ტკივილებს ანდამატივით იზიდავს და არც კი იცის, სადამდე ეყოფა ძალა მათ საზიდად.
შეფარვითაა გაჟღერებული არდასახელებული, არგამხელილი უფლის დიდი მონატრება.
სურვილი იმისა, რომ ბნელი ნათელმა უნდა შეცვალოს.
აუცილებლად უნდა შეცვალოს!
მხოლოდ ასე გაიკვლევს უძღები შვილი გზას ზე-ცისკენ!
ასე დავინახე ეს ყველაფერი.
სუბიექტურობისთვის ნუ განმსჯით. :)

ხათუნა777. 2014-07-09 19:58:32

45.

აშკარაა რომ ნიჭიერ ავტორთან გვაქვს საქმე, რომელსაც შეუძლია შექმნას ღირებული ლიტერატურული ნაწარმოები, თუმცა მოცემულ შემთხვევაში ეპატაჟის მიზანიც აშკარაა. ავტორი არაა შეზღუდული თავისი სათქმელი გამოხატოს ნებისმიერი ფორმით, მას ვერავინ დაუწესებს სტანდარტებს რა უნდა წეროს და როგორ. თუმცა დავეთანხმები ქვემოთ გამოთქმულ აზრს და ვიტყვი, რომ ნაწარმოების ლიტერატურული ღირებულება (ზოგადად) უფრო დიდი იქნება თუ მასში არ იქნება სკანდალური გამოხტომები, რაც ბილწსიტყვაობით ვლინდება. ბილწსიტყვაობა მკითხველისთვის გადაგდებული სატყუარაა ამ შემთხვავაში, რომლითაც ის მიიზიდება, მაგრამ ილახება საზოგადოებაში დამკვიდრებული მორალურ-ზნეობრივი ნორმები, რაც არ ღირს ამად. არ მგონია მსგავსი ხერხით ავტორმა ნაწარმოების პრობლემის მოგვარების გზას მიაგნოს ან დაფასება მოიპოვოს მკითხველში. ეროტიული სცენები მსუბუქი ფორმით ხშირ შემთხვევაში უხდება ლიტერატურას, მაგრამ ჭარბად დამაბინძურებელია. ამ შემთხვევაში ამ უკანასკნელს აქვს ადგილი. ამიტომ რჩევის სახით ვეტყვი ავტორს-ნუ დატოვებს ასე და გაასუფთავოს ნაწერი, ვფიქრობ უკეთესად წარმოჩინდება ამით მისი შესაძლებლობები.

თ-ბ. 2014-07-09 03:07:01

44.

არ საჭიროებს ბევრ და დიდ სჯა-ბაასს ის საკითხი, რომ ლიტერატურულად ღირებული ნამუშევრის შექმნის სურვილი, უნარი და შესაძლებლობა თუ გვაქვს გონებრივი - მოვერიდებით არაფრისმომცემ ბილწისტყვაობას ("მანიფესტი"-ს მსგავს გროტესკულ პროტესტებს არ ვგულისხმობ, თუმცა, მისი ავტორი მხოლოდ ამ ლექსით არ დარჩენილა პოეზიაში, უფრო სწორად, ამ ლექსით-საერთოდ არ დარჩრენილა. ისევე როგორც, გიო საჯაიას ის ერთი ამოჩემებული "მეჯართე" - არაა გიოს არც პირველი და არც უკანასკნელი ლექსი და არაა ის ლექსი, რითაც ქართული ლიტერატურული წრე მას დაიმახსოვრებს.)
ხათო, სიხარულო, სწორად ვურჩიოთ, აჯობებს. ჩემგან დასაცავი არაფერი სჭირს ახლა ამ ავტორს. პირიქით, ნაწერის გაუკეთესების სურვილი მათქმევინებს იმას, რაც ვთქვი. ქ-ნო ნანა, თქვენც იგივეს გეუბნებით და ვიცი, არც ერთ თქვენგანთან ამის ზედმეტი ახსნა და მტკიცება არ მჭირდება.
არა მგონია, ამ გონებრივი გაქანების მქონე ავტორს ნაწერის ისე დაწმენდა და დალაგება გაუჭირდეს, როგორც საჭირო იქნება სიტუაციისა და რეალობის საუკეთესოდ გამოსახატად და ნაკლებად იყოს მდარე და უხამსი გამონათქვამი. ყველაზე მთავარი ისაა, რომ თავად ავტორმა იცის ასე რომაა და სწორედ ამის გათვალისწინებით და ამიტომ წავიდა ამ გზით კონკრეტულად ამ ნამუშევარში.
ხათ, ვთვათ, მხოლოდ ერთ ამონარიდს გადავავლე თვალი და იმ ერთ ამონარიდშიც კი იმდენ უხეშ და ლიტერატურისთვის შეუფერებელ გამონათქვამს გადავაწყდი, რომ კითხვის გაგრძელება აღარ მომინდა, მართლაც; როგორ ვიფიქრო? მე ვარ ჩამორჩენილი და შეგუნებელი? მე არ მესმის ლიტერატურის? იყოს ეგრე. ვარ. და იმას ვინც ვარ, მაინც სჯერა რომ ასეთ ტექსტებს არ "დაიტოვებს" ლიტერატურა...მომკალი ახლა თუ გინდა.

ხათ, შენ რომ ეს ნორმალურ ამბად მიგაჩნდეს, ან თქვენ, ქ-ნო ნანა, ან დანარჩენებს, ვინც ავტორს ამ ფორმას უწონებს - იგივენაირი ფორმით დაწერდით თქვენც. რა? ნაკლებად ნიჭიერები ხართ?

თუ წიგნის გამოცემას აპირებს ეს ავტორი - ამ ნაწერის შეტანას არ ვურჩევდი, გულწრფელად.

წარმატებები.

ნათია პაპიძე. 2014-07-09 01:27:08

43. დავიწყოთ იქიდან, რომ ჩვენ ცუდი მკითხველები ვართ.
დარწმუნებული ვარ, კომენტართაგან ყველა ზედაპირულია, ან ტექსტის რაღაც ამონარიდის კრიტიკაა მხოლოდ.
ერთი თვალის გადავლებით არ ხდება ნაწარმოების აღქმა, თუმცა რამდენჯერმე წაკითხვამაც შეიძლება ვერ ჩაგვახედოს ავტორის სამყაროში.
მიუღებელი ფრაზები და გამოთქმები კი, გინდა– არ გინდა, ჩვენი რეალობის, ჩვენი ყოველდღიურობის ცოცხალი დასტურია. არა მგონია, ამაზე ვინმე შემომედაოს.
რაც შეეხება გემოვნებას, მასზე არსებული სტერეოტიპი არასდროს დაიმსხვრევა,
ჩვენ ხომ ვიწრო სამზერიდან ვაფასებთ ყველაფერს, რაც კი ჩვენი თვალთახედვის არეაში ხვდება.
ჩემს შეხედულებას ამ ნაწერზე, გულდასმით წაკითხვის შემდეგ ვიტყვი.
ავტორს წარმატებებს ვუსურვებ.

ხათუნა777. 2014-07-08 22:11:45

42. აი ასეთმა არამკითხე ხალხმა შემაძულა აქ შემოსვლაც და წერაც.
მოგიკითხე პილიგრიმ :)

მარტოსული ზორო. 2014-07-08 21:48:17

41.

მოდი დავიწყებ იქედან რომ ნაწარმოები არ წამიკითხავს, მხოლოდ თვალი გადავავლე აქაიქ, და მწერლის ენა დაახლოებით მივხვდი, სამაგიეროდ წავიკითხე ბოლო ათამდე კომენტარი და ერთი საოცრება დავაფიქსირე: 37-ე კომენტარის ავტორს რომ ნონა ეთანხმება რაღაცაში. :D :D

ახლა სერიოზულად. ავტორს შეუძლია ნაწარმოებში პერსონაჟს ათქმევინოს ნებისმიერი სიბილწე, ან დაალაპარაკოს კუთხური თუ ჟარგონული ენით, მაგრამ თუ ეს ბილწსიტყვაობა დიდი დოზითაა და ნაწარმოებს ლაითმოტივად გასდევს, მაშინ ეს ავტორის ან უნიჭობაზე მეტყველებს, რომელიც ცდილობს ეპატაჟური სვლით მიიზიდოს მკითხველი, ან ავტორის სიზარმაცის ნიშანია, რომელსაც ეზარება ბილწსიტყვაობის გარეშე შექმნას ეროტიზმი და მოკლე გზით მიდის მიზნისაკე, მაგრამ ეს გზა დროებითია და თუ ოდესმე ავტორს დიდების კვარცხლბეკზე აიყვანს, შემდეგ აუცილებლად გადაჩეხავს ხრამში.

რაც შეეხება ბავშვების წაკითხვა არ წაკითხვას, დღევანდელმა ბავშვმა ოღონდ წიგნი აიღოს ხელში ან ინტერნეტში რამეს წასაკითხად შემოვიდეს და ამ ნაწერით ახალს ნამდვილად ვერაფერს გაიგებს. სამწუხაროდ :(

ჯაფარა77. 2014-07-08 21:14:39

40.

პატივცემულო ნ-ი-კ-ი!
,,დეკამერონიც" და ,,ათასერთი ღამეც" ადრეულ ბავშვობაში მაქვს წაკითხული_დაახლოებით მე-6,მე-7 კლასში.ნამდვილად არ დაუმალავთ ჩემს მშობლებს.არც მე დამიმალავს ჩემი შვილისთვის,მაგრამ რაც ეროტიკული სცენების აღწერიდან მახსოვს ესაა",,...და იმ ღამეს ისე მოასხდნენ მამაკაცები ქალებს,როგორც პართიული ულაყები მოასხდებიან ჭაკებს"(,,დეკამერონი") ხოლო ,,ათასერთ ღამეში"სექსუალური სცენები ასეა აღწერილი_,,დაწვა იმ ღამეს ქალთან და დაეუფლა მას".

თუ თქვენ სასქესო ორგანოების სახელების ხსენებას ყოველ მეორე წინადადებაში და ,,ტყ" ბგერების კომბინაციას თითქმის ყოველში- ნორმალურს უწოდებთ და კლასიკასთან აიგივებთ_მაშინ უკვე აღარ ვიცი რა ვთქვა...ეროტიკული სცენები გამსახურდიასაც აქვს აღწერილი,რობაქიძესაც,ჯავახიშვილს ხომ აქვს და აქვს,დუმბაძესაც,ფანჯიკიძესაც,ჭილაძესაც.... თითქმის ყველას_მაგრამ ეროტიკა სხვა რამეა და ყ და ტყ ბგერების წამდაწუმ განმეორება კი_ გულისამრევი ნატურალიზმი.

რა შუაშია წითელი ხელი_ეს არაა ლიტერატურა,ეს არის ეპატაჟის მცდელობა მკითხველის მისაზიდად...არა და,ამ ყველაფრისაგან რომ გაიწმინდოს ეს ნაწერი და ორთოგრაფიას,სტილისტიკას,გრამატიკის ელემენტარულ ნორმებს რომ მიექცეს ყურადღება_რა მშვენიერი მოთხრობა იქნებოდა.

პატივისცემით_ ნონა ფიფია

ნემეზიდა ნემე. 2014-07-08 20:49:52

39.

აქ მოყვანილმა კომენტარებმა განმაწყო რომ აუცილებლად უნდა წავიკითხო ეს ნაწარმოები
კომენტარებიდან გამომდინარე არ უნდა იყოს ცუდი და პირიქითაც კი

რაც შეეხება წითელ ხელს
ავტორს გამოყენებული აქვს სწორად და სწორედ იმისთვისაა რომ თუ ვინმეს უნდა რომ შვილი არ შემოუშვას, ან ვინმეს არ მოსწონს უცენზურობის შემცველი ნაწერები, უბრალოდ გვერდი აუარონ

რაც შეეხება ბავშვებს, რაკი ამ გვერდს კითხულობენ, ესე იგი ინტერნეტში არიან და რაკი ინტერნეტში არიან, უამრავ ისეთ რაღაცაზე მიუწვდებათ ხელი, რასთანაც შედარებით ეს ნაწერი ალბათ კომბლეს ზღაპარია
თუკი იქ არ შედის ბავშვი, რატომ შედის აქ, სადაც აწერია ნაწერი შეიცავს უ8ცენზურო ფრაზებსო?

იქნებ ისიც მითხრათ რომ სახლში არ გაქვთ ვთქვათ დეკამერონი თუ არა, ათასერთი ღამე მაინც
სადმე დამალულად ინახავთ იმ წიგნებს თუ რანაირად იცავთ ბავშვებს ამისგან?

მე პირადად ვთვლი, რომ წითელი ხელი სწორად არის გამოყენებული და თუ ვინმეს არ სიამოვნებს ამის წაკითხვა, მისი უფლებები დაცულია

წარმატებები ყველას

ნ-ი-კ-ი. 2014-07-08 19:53:48

38.

ვეთანხმები ნათია პაპიძეს,ნამდვილად ობიექტურად შეაფასა მოვლენა და მადლობა ამისთვის;
აქვე დავამატებ_არა თუ მხოლოდ ,,ურაკპარაკისათვის" ნაცნობი პილიგრიმი,არამედ საქართველოში საკმაოდ ცნობილი და პრემირებული ავტორების ,,ავყიაობაც'' არ მიმაჩნია ლიტერატურად_არც შამუგია,არც ბურჭულაძე,არც დეისაძე ჩემთვის მწერლები არ არიან;

რომ წერთ,ცხოვრებაა ასეთი და მწერალმა სწორედ ის აღწერა,ქუჩის ბიჭები ასე ლაპარაკობენო_ვინც ამას იტყვის,ლიტერატურისა არაფერი გაეგება და ვაი ილიას საქართველოს ასეთი ძალადლიტერატორების ხელში...მარკ ტვენმა მაწანწალა ბიჭების ცხოვრება აღწერა,დიკენსმა ოლევერ ტვისტში ლონდონის ჯურღმულებში გვატარა, ,გრინვუდმაც...დიუმამ_,,ქალი კამელიებით" ,ბალზაკმა _,,კურტიზანი ქალები"...და ასე,უსასრულოდ....და ამ ჭაობიდან ისინი სუფთად ამოვიდნენ,ადამიანთა ხასიათები და ფსიქოლოგიური პორტრეტები გახსნეს და ამისთვის სულაც არ დასჭირვებით არც ბილწი სცენები და არც ბილწი სიტყვები.როცა ავტორი იმდენად უძლურია,რომ ოსტატობა არ ჰყოფნის ცხოვრების დასახატავად და ეპატაჟს მიმართავს,რომ დაბალი დონის მკითხველი ამით მიიზიდოს_ეს ლიტერატურა კი არა-ნატურალიზმია და ამან დრო მოჭამა.
მაშინ,ვილაპარაკოთ ლიტერატურაში ქუჩის ბიჭებისა და პროსტიტუტკების ლექსიკით,ქურდების ჟარგონით...შემოვიღოთ ,,ქუჩის კილო,კილო შუაბაზრისა"...და ვაი,ქართულ ენას მაშინ ჩვენს ხელში;
...დაე ვწერო მე ჩემი ,,აკადემიური ქართულით"(როგორც წამომაყვედრეს)_თუ ასე მიგაჩნიათ,დიდი მადლობა,მიხარია!

იმედი მაქვს ავტორი გაგებით მოეკიდება ამ შენიშვნებს და შემდეგში გაითვალისწინებს.

პილიგრიმ,გავა დრო და უკეთ დაწერ.აი,მაშინ გაიხსენე ერთი უბრალო მასწავლებელი ქალი და მისი რჩევა_ ის,რაც უზნეოა,რაც ქუჩურია,რაც მდაბალია,რაც ვულგარულია_არასდროს შემორჩება ლიტერატურის ისტორიას,გადარჩება ის,რაც ღირებულია და მაღალზნეობრივი.

ვეთანხმები ნათია პაპიძეს,ნამდვილად ობიექტურად შეაფასა მოვლენა და მადლობა ამისთვის;
აქვე დავამატებ_არა თუ მხოლოდ ,,ურაკპარაკისათვის" ნაცნობი პილიგრიმი,არამედ საქართველოში საკმაოდ ცნობილი და პრემირებული ავტორების ,,ავყიაობაც`` არ მიმაჩნია ლიტერატურად_არც შამუგია,არც ბურჭულაძე,არც დეისაძე ჩემთვის მწერლები არ არიან;

რომ წერთ,ცხოვრებაა ასეთი და მწერალმა სწორედ ის აღწერა,ქუჩის ბიჭები ასე ლაპარაკობენო_ვინც ამას იტყვის,ლიტერატურისა არაფერი გაეგება და ვაი ილიას საქართველოს ასეთი ძალადლიტერატორების ხელში...მარკ ტვენმა მაწანწალა ბიჭების ცხოვრება აღწერა,დიკენსმა ოლევერ ტვისტში ლონდონის ჯურღმულებში გვატარა, ,გრინვუდმაც...დიუმამ_,,ქალი კამელიებით" ,ბალზაკმა _,,კურტიზანი ქალები"...და ასე,უსასრულოდ....და ამ ჭაობიდან ისინი სუფთად ამოვიდნენ,ადამიანთა ხასიათები და ფსიქოლოგიური პორტრეტები გახსნეს და ამისთვის სულაც არ დასჭირვებით არც ბილწი სცენები და არც ბილწი სიტყვები.როცა ავტორი იმდენად უძლურია,რომ ოსტატობა არ ჰყოფნის ცხოვრების დასახატავად და ეპატაჟს მიმართავს,რომ დაბალი დონის მკითხველი ამით მიიზიდოს_ეს ლიტერატურა კი არა-ნატურალიზმია და ამან დრო მოჭამა.
მაშინ,ვილაპარაკოთ ლიტერატურაში ქუჩის ბიჭებისა და პროსტიტუტკების ლექსიკით,ქურდების ჟარგონით...შემოვიღოთ ,,ქუჩის კილო,კილო შუაბაზრისა"...და ვაი,ქართულ ენას მაშინ ჩვენს ხელში;
...დაე ვწერო მე ჩემი ,,აკადემიური ქართულით"(როგორც წამომაყვედრეს)_თუ ასე მიგაჩნიათ,დიდი მადლობა,მიხარია!

იმედი მაქვს ავტორი გაგებით მოეკიდება ამ შენიშვნებს და შემდეგში გაითვალისწინებს.

პილიგრიმ,გავა დრო და უკეთ დაწერ.აი,მაშინ გაიხსენე ერთი უბრალო მასწავლებელი ქალი და მისი რჩევა_ ის,რაც უზნეოა,რაც ქუჩურია,რაც მდაბალია,რაც ვულგარულია_არასდროს შემორჩება ლიტერატურის ისტორიას,გადარჩება ის,რაც ღირებულია და მაღალზნეობრივი.

ნემეზიდა ნემე. 2014-07-08 19:32:14

37. ეს ლიტერატურა არ არის. კონკრეტულად ამ ნამუშევარზე ვამბობ.

თუმცა, იგრძნობა რომ ავტორს წერა შეუძლია.

თავად ავტორისგან მაინტერესებს, ათი წლის შემდეგ - რად და როგორ დაინახავს ამ ნაწერს. რამდენად იქნება წასაკითხი?

ვფიქრობ, იგრძნობა აქ იმის პოტენციალი, რომ არ შექმნას ამ გვერდის ავტორმა მხოლოდ ისეთი ნამუშევრები, რომლემიც იაფფასიან ეპატაჟს უფრო დაემსგავსება, ვიდრე ლიტერატურული ღირებულების მქონე ნამუშევარს.

იმ ყველაფერს რომ თავი დავანებოთ - ტექსტი გაუმართავი რომაა და რომ იზარმაცა ამ მხრივ ავტორმა.

ნათია პაპიძე. 2014-07-08 18:34:26

36. :)) კი, თხაც ადამიანივით კიკინებს...` როცა მის განცდებს ადამიანურად შეხედავენ...

მე არსად, არასდროს არ მითქვამს, რომ ჩემი ნაწერები დიდ რამეს წარმოადგენენ,
თუმცა ზოგიერთ, პრეტენზიულ ავტორებთან შედარებით , ალბათ წარმოადგენენ კიდეც...:)

იმედია აღარ გამომეხმაურებით, ნამდვილად არ მიყვარს პოლემიკა...:)
ჩემს აზრს კი, ყველგან და ყოველთვის დავაფიქსირებ...

ჭა. 2014-07-08 18:30:37

35. ოოო,ჭა,მაპატიეთ,ვერ შეგამჩნიეთ და ამიტომ შემოვბრუნდი ახლა_ეს მე ვწერ აკადემიური ქართულით და ხელოვნურად, არა? რას იზამ,ვისაც რა შეუძლია იმას აკეთებს_მე ადამიანებზე ვწერ და ადამიანური ქართულით,ზოგის ნაწერიდან კი ადამიანი და თხა ერთნაირად კიკინებს,ერთნაირად განიცდის,ერთნაირად გრძნობს...და ამას ,,დიდ პროზას" ეძახიან. ამაზე უარესი პილიგრამს ნამდვილად არაფერი გაუკეთებია,თუმცა ვულგარულად კი დაწერა , თხა კი _აკადემურად კიკინებდა....=D

მშვიდობით,იმედია აღარ მოგვიწევს პოლემიკა.

ნემეზიდა ნემე. 2014-07-08 17:32:15

34.

თავფურცელი პანაცეა არ არის, რომ ვინმეს უწამლოს. :)))

დევი. 2014-07-08 17:29:17

33. "ბუდულა_თქვენგან მიკვირს,პედაგოგი ქალბატონი ბრძანდებით....ამას რომ იწონებთ :("

არა ქალბატონო ნემეზიდა, ნამდვილად არ ვიწონებ და გიორგის ყოველთვის მხოლოდ ამ ბილწსიტყვაობას ვუწუნებდი.

მაგრამ ,ნაწარმოები რეალურ ცხოვრებას ასახავს და ამას ვერ გავექცევით.
მასზე უკეთ ეს არავინ იცის:(

მარი მემანიშვილი. 2014-07-08 17:28:09

32.

თავფურცელს ყველა კითხულობს,ბავშვიც და დიდიც,ეს საიტის სახეა...

ლუტეცია_არა მგონია დიდებისთვისაც სასიამოვნო იყოს ასეთი უმსგავსობის წაკითხვა.

ბუდულა_თქვენგან მიკვირს,პედაგოგი ქალბატონი ბრძანდებით....ამას რომ იწონებთ :(

თეო_ახალგაზრდა გოგო ხარ,მგონი არც შენთვის უნდა იყოს ამის წაკითხვა მისაღები...

ნეფერტარ_შედარებით ობიექტურად მსჯელობთ (და არა მარტო ამ კონკრეტულ შემთხვევაში,საერთოდ...)

და ბოლოს,ავტორო პილიგრიმ_ არ ვიცი ვინა ხართ,არც თქვენი ასაკი ვიცი,არც ვინაობა...უბრალოდ,ამ ნაწერმა თქვენი სახე იცით როგორ დამანახა? ძალიან ნიჭიერი ხართ,ეს გეტყობათ,გაქვთ მწერლის ალღო და მახვილი თვალი,აქ რასაც წერთ,აქტუალური თემაა,ცხოვრებისეული...მაგრამ ის ფორმა,რა ფორმითაც ამას გამოხატავთ_სიმახინჯეა;
მე გირჩევთ_შეეშვით ამ ეპატაჟურ_სკანდალურ რაღაცეებს და ნორმალურად წერეთ,ნუ შეგშურდებათ ბილწსიტყვაობითა და ,,საბას" პრემიით გაზულუქებულთა ,,პოპულარობა"...დარწმუნებული ვარ,დადგება დრო,და როცა ეს ყველაფერი გაიცხრილება,ეს რასაც ახლა წერთ,თქვენს მწერლურ ბიოგრაფიას შავ ლაქად დააჩნდება და შეგრცხვებათ..ვინ იცის,იქნებ მეორე ამირეჯიბი ან ჭილაძე იმალება თქვენში?!
და თუ რამეს მიაღწიეთ ოდესმე,იცოდეთ,ამ ნაწერისა შეგრცხვებათ.

აბა, კარგად იყავით.
იქ,სადაც ეს ნაწერი დიდებული ჰგონიათ,ჩემი ადგილი არ არის.
წარმატებები სუყველას.

ნემეზიდა ნემე. 2014-07-08 17:21:18

31. მაშინ აქვე ვთქვათ: საიტზე მეორედაა თავფურცელზე გასული ოთარ რურუას "ფარცქვალა"
არც ოთარის მიმართ და არც ფარცქვალას მიმართ პრეტენზია არ მაქვს...უბრალოდ მეორედაა და..უხერხულია.

თორემ , პილიგრიმის ამბავი , შეიძლება ითქვას, განსხვავებულია.უბრალოდ , ადამიანმა ახლა ერთად მოუყარა თავი და
თან ქულებით არაა გასული. მგონი, ჟიურის წევრების ქულებითაა, თუ არ მეშლება.
კიდევ მესამე და ყველაზე მეტად უხერხული: ამ პოსტის ავტორი რჩეული ავტორია და ხომ ვერ მეტყვით, მისი რომელი ნაწერია მთავარზე????როგორც ვიცით, ავტორი "რჩეული ავტორი " მხოლოდ მაშინაა, თუ მისი ნაწერია მთავარზე...
ასე რომ, პატივცემულო ადმინისტრაციავ, პროგრამაში უზუსტობებია :
(თუ ეს ყველაფერი ჩემი "ჰაკერი" შვილის ბრალი არაა::DDD)

მარი მემანიშვილი. 2014-07-08 17:16:09

30. კი მომწონს და აუცილებლად წავაკითხებ ჩემ შვოლებსაც...:)
ქუჩის ცხოვრება აქვს აღწერილი ავტორს აქ და ქუჩის ბიჭები ყვებიან ამბებს,
რა გინდოდათ აბა, აკადემიური ქართულით უნდა ელაპარაკათ?...
ყოფილიყო ხელოვნური და ზნეობრივი, ასე ჯობდა?...
სიმართლე რომ ვთქვა, კითხვისას არც მომხვედრია თვალში ის "ბილწსიტყვაობა"...:) რომელიც კომენტარებში აღნიშნეს...და ეს ავტორის დამსახურებაა სწორედაც, იმდენად ბუნებრივად ზის ნაწერში და იმდენად მორგებულია რომ არც კი შემინიშნავს თითქმის...:)
უბრალოდ ბევრი კორექტურა, თორემ როგორც ლიტერატურა ძალიანაც იმსახურებს
თავფურცელს და ერთი წუთითაც არ მცხვენია ამის აღიარება...:-*

ჭა. 2014-07-08 17:14:25

29.
ჰო მართლა ეს ნაწერი ადრე ცალკ-ცალკე იდებოდა, და სწორედ ამ ნაწერის ერთი თავით "მაღლის ნაამბობით" გახდა რჩეული ავტორი და ლიტერატორი პოლიგრიმი.

მე არ მგონია სამართლიანი, რომ ერთი და იგივე ნაწარმოებით ორჯერ გავიდეს ვინმე თავფურცელზე, ისევე როგორც ორჯერ არ უნდა დაისაჯოს ვინმე ერთი და იგივე დანაშაულისთვის.

ნაწერს და ავტორს არაფერს ვერჩი, - თავად იცის ეს. ისიც იცის რომ ეს კომენტარი სამართლიანია.

ნეფერტარი. 2014-07-08 16:59:12

28. აუცილებელია ბავშვებმა წაიკითხონ? ავტორმა სადმე აღნიშნა, რომ ეს საბავშვო ლიტერატურაა? არ მესმის ეს "თქვენს შვილებს წააკითხეთ თუ კაია" პათოსი.
საბავშვო ლიტერატურა უამრავი არსებობს და ის წავაკითხოთ ბავშვებს, ეს ზრდასრულებმა წავიკითხოთ, ან არ, როგორც გვენებოს. :)

ლუტეცია. 2014-07-08 16:55:51

27. ნაწარმოები რომ აქტუალურ თემაზეა და ავტორის ნიჭიც ჩანსა,ეს პირველ კომენტარშიც აღვნიშნე,მაგრამ უფრო ევფონიურად არ შეიძლებოდა ამის თქმა? ყველაფერს ხომ აქვს საზღვარი? როცა ეს ნაწარმოები დაიდო,ხომ არ გამიპროტესტებია,მაგრამ როცა მკითხველი საიტზე შემოდის პირველ რიგში თავფურცელი ჩანს.
რაც გინდათ წერეთ,რაც გინდათ იკითხეთ_ჩემთვის პირადად ეს მიუღებელია,აი ეს აღვნიშნე მე.
და ...მიკვირს იმ ადამიანებისა,ვისაც ეს მოსწონს.თქვენს შვილებს წააკითხეთ თუ მოგწონთ, ,,ვეფხისტყაოსანი" მაინც არაა მოდაში;
სულ კარგად ბრძანდებოდეთ.ჩემი სათქმელი ვთქვი.
პასუხზე ნუ შეწუხდებით.

ნემეზიდა ნემე. 2014-07-08 16:49:29

26.
მე მხოლოდ "მაღლის ნაამბობი" მომეწონა ამ ნაწარმოებში.
ადრე ცალკ-ცაკლე თავებად იდებოდა ეს მოთხრობა და ყველაზე მაღალი რეიტინგი ზუსტად "მაღლის ნაამბობს"
ჰქონდა - 88 ქულა.

IMHO - ფინალი მთლიანად შესაცვლელია, არმენის ლექსი ძალიან კარგია, - მაგრამ აქ საერთოდ ზედმეტია. ამდენ გინებიან ნაწერს, მაღალი პოეზია ვერ მოვუხდინე. არ წავიდა "დიდი ლიმონას" პონტი აქ... :) იქნებ იმიტომ რომ "იქ " უშვერი სიტყვები მინიმალურია და აქცენტი ფსიქოტიპებზე გაცილებით მეტია.

ნეფერტარი. 2014-07-08 16:43:30

25. პილიგრიმის "ბიჭი მატარებლიდან" კარგი რომაა, ამაზე არავინ დაობს, ხალხო!
მე იმდენად კარგად მახსოვს, როცა გიორგი ამას წერდა, შემიძლია ვთქვა, რომ მონაწილეობაც კი მაქვს მიღებული, რაღაც ფორმით, მის შექმნაში(იმედია, გიორგი ამას არ უარყოფს.)

წარმატებები მას !

ბუდულა. 2014-07-08 16:36:49

24.
ეს ურაკპარაკი ბრწყინვალე ნიმუშია დემოკრატიის. :)

საბჭოთა ეპოქაში და კარგა 2000 წლამდე ამ ბედნიერებას - საჯაროდ გეწერათ თქვენი ლექსები მოთხრობები, კარგები, ცუდები საზოზღრები თუ საშინელებები - წარმოუდგენელი იყო. ეგრევე გაგამწესებდნენ უშიშროების სპეციზოლატორში. მამაჩემმა მითხრა, რომ ხაბეიშვილს საკმაოდ კარგი ლექსები და მოთხრობები ჰქონდა, მაგრამ 20 წლის შემდეგაც ვერ ბედავდა მის გამოქვეყნებას და "უჯრის პატიმრებს" ეძახდა.

აქ საშუალება გაქვთ წეროთ რაზეც გინდათ და როგორც გინდათ. დააფასეთ ის, რაც გაქვთ.
აქ ორი კაცი მაინც კითხულობს თქვენს ნაწერებს. გიხაროდეთ ყველა კომენტარი, კარგი თუ ცუდი, რადგან დრო დახარჯეს და წაიკითხეს თქვენი ნაწერი.

ნეფერტარი. 2014-07-08 16:29:58

23. ამ პროზას უხეში ბილწსიტყვაობის გარა, უამრავი დადებითი მახრე აქვს, ასე რომ მხოლოდ ცუდს ნუ დაინახავთ, კარგს ჩაეჭიდეთ. პატივისცემით..........

სანზონელი. 2014-07-08 16:27:29

22.

ასეთი ვრცელი პროზა ერთი ამოსუნთქვით ჩავიკითხე,....ეს არის მწარე რეალობა და არ სჭირდება ამ პროზას სიტყვების შელამაზება. როგორც არის ისე უნდა იყოს ზუსტად...., ეს არის უდიდესი ტკივილის მატარებელი პროზა, იმ ადამიანების შესახებ, რომელთაც უმამობა აერთიანებთ. ცხოვრების სისასტიკე. როგორი დაუნდობელია და თითოეულ მათგანს როგორ დასცინის ბედი, იმისდა მიუხედავად პერსონაჟი განათლებულია თუ არა. ძლიერია თუ არა. მოხერხებულია თუ არა,პატიოსანია თუ არა, ცხოვრება ყველას თანაბრად ტკენს. ეს ტკივილი არასრულყოფილი ოჯახიდან მოდის და სულში იბუდებს მთელი ცხოვრების მანძილზე.,,,, ეს პროზა არის არასრულფასოვან ოჯახს შეწირული შვილების ცხოვრების შესახებ. მე ძალიან მომეწონა, ასეთი შიშველი და შეულამაზებელი რეალობის ასე კარგად მოტანა მკითხველამდე, ოთხი მთავარი პესონაჟი, ოთხი მამის გარშე გაზრდილი, ოთხი ერთი და იგივე ტკივილი, ოთხი ბედისმაძიებელი ადამიანის მწარე და სასტიკი რეალობა..............................5

სანზონელი. 2014-07-08 16:25:06

21. "ავთანდილ ჯენთლმენო როგორც მივხვდი პატარა ბიჭი ხარ შენ და სხვის მაგივრად სირცხვილს, საკუთარ საქციელზე პასუხისმგებლობა ისწავლო ჯობია, აჯობებს ასე, რომ ხედავ წიტელხელიან მოთხრობას რატომ კითხულობ????"

ახლა ნამდვილად არ გავჩუმდები, ბატონებო! ერთი საყვარელი და კარგი ბავშვი გვყავს ამ საიტზე და იმდენს ნუ იზამთ,
გააქციოთ ბავშვი აქედან!
თუ რამე არ მოგწონთ, მიუთითეთ ნორმალურად.
წითელხელიანს რა, რაიმე ბოქლომი ადევს და არ წაიკითხავს თუ როგორაა საქმე?
თქვენც ხომ წაიკითხავდით, ბატონო ჰარირამა, როცა მის ასაკში იქნებოდით?

კიდევ ვიმეორებ, უხერხულია, თოთხმეტი წლის ბავშვს მასე მიმართოთ ...
შვილები და შვილიშვილები მაინც ხომ გყავთ? გაიხსენეთ ისინი!

ბუდულა. 2014-07-08 16:24:41

20. რა თვითგვემაა ეს, თავფურცელით უკმაყოფილო ადამიანებისა, გულს რომ იხეთქავენ ნერვიულობით, ვერ ვხვდები. თქვენს სახეს ხომ არ შეურაცხყოფს, კი ლანძღავთ ამ ურაკპარაკს, მაგრამ რატომღაც ვერ ელევით. თითქოს თავფურცელი იყოს ის ერთადერთი ჭუჭრუტანა, საიდანაც მზის სხივი აღწევს. თუ ვინმეს რამის სწავლა უნდა, ჯერ ის წაიკითხოს რაც დაბეჭდილი და აღიარებულია, თუ ეყოფა სიცოცხლე და მერე აქეთაც შემოიხედოს.
რევერანსები არ სჭირდება ამ ცხოვრებას, თვითონ არავის ინდობს და რატომ უნდა ალამაზებდეს ავტორი, თუ ამის სურვილი თვითონვე არ აქვს?
ამ ავტორთან არ იგრძნობა ეპატაჟი და ამიტომაც ჩემთვის მიასაღებია.

დევი. 2014-07-08 16:10:38

19. მცირე ასაკიანთა საყურადღებოდ, ხელი ადევს წითელი ამ მოთხრობას ჩატვალა ავტორმა რომ წირდება ეს ხელი ამ მოთხრობას, და ეხლა შესვლელსი ვერ დადგებოდა და პირადობებს ვერ შეამოწმებდა.
ავთანდილ ჯენთლმენო როგორც მივხვდი პატარა ბიჭი ხარ შენ და სხვის მაგივრად სირცხვილს, საკუთარ საქციელზე პასუხისმგებლობა ისწავლო ჯობია, აჯობებს ასე, რომ ხედავ წიტელხელიან მოთხრობას რატომ კითხულობ????

ჰარირამა. 2014-07-08 15:44:06

18. პირდაპირ ვიტყვი-ისეთი საშინელებაა ვეღარ გავაგრძელე კითხვა და მივანებე თავი,სირცხვილი ურაკს!!!ძალიან მაინტერესებს თქვენმა შვილებმა რომ წაიკითხონ ეს ნაწარმოები რ აზრის იქნებიან.ჩემმა მშობელმა ასეთი ნაწარმოები დაწერაო იამაყებენ?საზიზღრობაა.საშინელება.და ცნობისთვის,აქ მცირე ასაკის ხალხიც ვართ და არაა მართებული ასეთი ნაწარმოებების დადება.უბრალოდ სირცხვილია.მე მრცხვენია თქვენს მაგივრად.

მომიტევეთ პირდაპირობისთვის.

ავთანდილ-ჯენტლმენი//. 2014-07-08 14:39:12

17.

ეს ტექსტი რომ დაიდო,მაშინ წავიკითხე და კომენტარი არ დავწერე.იმდენად შემაწუხა ამ გულისამრევმა ნატურალიზმმა და ქართული ენის ასე დამცირებამ...ამდენი უზნეო სიტყვა ,,ვეფხისტყაოსნიდან" დღემდე არ დაწერილა ქართულ ენაზე.მაგრამ,მე უბრალოდ გვერდი ავუარე ამ ყველაფერს_ქართული ენის ასე დამცირებასაც კი,რადგან პატივი ვეცი იმ მკითხველებს,ვინც ეს მოიწონა.არც ვაპირებდი ამაზე რამის თქმას,რომ არა...ჩემი გაოცება,როცა ეს ,,ბილწსიტყვაობის თაიგული" საიტის რედკოლეგიის რეკომენდაციით თავფურცელზე მოხვდა.ესაა ნამდვილი მარაზმი,სრული ამ სიტყვის მნიშვნელობით.ესაა ჩვენი ლიტერატურული ტრადიციების ფეხქვეშ გათელვა,ქართული მრავალსაუკუნოვანი ენის შეურაცხყოფა...
ვაღირებ,ავტორი ნიჭიერი ჩანს და ძალიან საჭირო თემაზე და დღევანდელობის პრობლემაზე წერს...მაგრამ ასე?! ამგვარი სიტყვებით?
არ მითხრათ ახლა,სტილიზაციის გამოა აუცილებელიო...დავით კლდიაშვილიც სტილიცაზიის გამო ალაპარაკებდა თავის პერსონაჟებს იმერულ დიალექტზე,მაგრამ ის და ეს ერთია?!
ერთი შეკითხვა მექნება იმათთან,ეს ნაწერი რომ მოსწონთ_ამას თქვენს შვილებს წააკითხებდით? აქ ხომ სკოლის მოსწავლეებიც შემოდიან? უფრო მეტიც_14 წლის ავტორებიც გვყავს...არა მგონია ავთო ძიმისტარაშვილმა ეს წაიკითხოს და მოეწონოს,რატომ ვამახინჯებთ ასე ბავშვების აზროვნებას?!
მე ერთ რამეში დავრწმუნდი_როცა მსგავსი ტექსტები საიტის მეტრად ითვლება,იქ მართლა არ ღირს,არ თუ რამის დადება,არამედ უბრალოდ,სტუმრის სტატუსითაც კი შემოსვლა,
მეტყვით_შენ ვინა ხარ ასეთიო...
მე ქართველი ვარ პირველ რიგში,მერე_ფილოლოგი,მერე_მასწავლებელი.
აი,ესა ვარ ...და მე არ მინდა ამგვარი უმსგავსობები საიტის სახე იყოს.
კი ბატონო,თუ სურვილი აქვს-დადოს,ყველა საქონელს ჰყავს თავისი მუშტარი_მაგრამ ამის თავფურცელზე გატანა საშინელებაა,სატირალია!
ეს ჩემი აზრია,თუ თქვენ სხვაგვარად ფიქრობთ_ღმერთმა მშვიდობა მოგცეთ!

ნემეზიდა ნემე. 2014-07-08 13:57:48

16.

სიუჟეტური ქარგა მომეწონა. ჯერ ავტორი ყვება და შემდეგ პერსონაჟები საკუთარ თავზე ყვებიან.
ვფიქრობ, ამ ნაწარმოებში კულმინაცია, იქ არის, სადაც მკითხველი აღმოაჩენს, რომ ნიასთან არცერთი არ წოლილა. ამის შემდეგ მკითხველის ემოცია ძირს ეშვება. ეფექტური ფინალის ეფექტი იკარგება და მკითხველი ახალს არაფერს არ იგებს. ავტორს მიაჩნია, რომ დიდი მნიშვნელობა უნდა მიენიჭოს ქილერას მიერ ლიმონას ცემის მოტივს და გვიჩვენოს ამ ქმედების ფსიქოლოგია. მე მას პირობითად „ბულკის ფსიქოლოგიას დავარქმევდი“ ,ეს კარგია მაგრამ საფინალო ეფექტად არ გამოდგება. ნიას მონაყოლის შემდეგ სჯობდა წერტილი დასმულიყო.
კიდევ ერთი: დასაწყისი დინამიურია, შემდეგ დინამიურობა კლებულობს და არის ადგილები, სადაც თხრობა მოსაწყენი ხდება. საწყისი დინამიურობა რომ შენარჩუნებულიყო, პრწყინვალე იქნებოდა.
ჯამში შთაბეჭდილებას ახდენს. დამუშავების შემდეგ, თუ საწყის დინამიურობას მოერგება დანარჩენი პრწყინვალე იქნება.

მეუდაბნოვე. 2014-06-27 22:11:10

15. ყოველ შემთხვევაში იმდენად მაინც, რამდენის საშუალებასაც ვირტუალური ნაცნობობა გვაძლევს, დედოფალო:)))

პილიგრიმი. 2014-06-18 15:16:28

14. რედაქტირება რომ სჭირდება გასაგებია. კარგი მოთხრობაა, საინტერესოდ გდმოცემული. ავტირს თითქოს დაკითხვაზე ჰყავს პერსონაჟები. ისინი ცოცხლდებიან, საუბრობენ და თავის ისტორიას ყვებიან. ყვებიან საკმაოდ მტკივნეულ თემაზე, ოჯახის, მამის როლზე.
მომეწონა, წარმატებები.:)

ზღაპრადმოსული. 2014-06-18 01:28:07

13. არმენ არუთინოვი შენი მეგობარია?

ნეფერტარი. 2014-06-18 00:34:05

12. მაშინაც მომეწონა. ახლაც მომწონს და დაკორექტირებული უფრო მომეწონება. )

ნათია ჯაფარიძე. 2014-06-17 23:55:36

11.

უკვე მერამდენედ გადავიკითხე კომენტარები...

ალალად გეტყვით, ორი-სამზე მეტი თუ დამხვდებოდა ვერაფრით წარმოვიდგენდი...

თავმდაბლობას არ დავიწყებ და მეც ვიტყვი, რომ ეს მოთხრობა საუკეთესოა რაც ოდესმე დამიწერია, თუმცა მეორე მოთხრობა იყო ჩემთვის და ახლა რომ გადავიკითხე, შემძრა ხარვეზების რაოდენობამ...

უზომოდ ბედნიერი ვარ თქვენი კომენტარების შინაარსით, უზომოდ!!!

ქალბატონ თანანას ვეტყვი, რომ სხვაგვარად ვერ შევძელი ამ მოთხრობის დასრულება, უბრალოდ ეს გმირები ერთად ვეღარ შევკრიბე ზნეობრივ სასამართლოზე, სხვაგვარად... ამიტომაც გადავიყვანე ბოლო თავი დრამატურგიაში...

ნეფერტარ, ნაწყვეტი ბოლო თავიდან:

ნიას ხმა: რა სევდიანი და ლამაზი ლექსია, იკა, შენ დაწერე სიხარულო?

მაღალის ხმა: არა, არმენ არუთინოვის ლექსია, ძვირფ!

ნიას ხმა: ეგ ვინ არის? პირველად მესმის!

მაღალის ხმა: ჩვენი მხიარული ავტორის მეგობარია ერთი...

მგონი ბევრი ვილაპარაკე ახლა მე და წავალ აწი, უზომოდ გახარებულიც და ცოტა სევდიანიც... მადლობა ყველას!

პილიგრიმი. 2014-06-17 21:15:07

10. ხელმეორედ გადაკითხვას გპირდებით, თუ მე-7 კომენტარს დაუჯერებთ.

ადრე ნაწილ-ნაწილ წავიკითხე და მომეწონა! +++++

ნინა გორდაძე. 2014-06-17 18:46:59

9. ვიფიქრე, უკვე გააშალაშინა მეთქი და წასაკითხად მოვემზადე :))

იქნება დააყენო საშველი შე დალოცვილო და საბოლოო ვერსია დაბეჭდო :)) ველოდები, ხომ იცი? :))

ქალბატონ თანანას ძალიან კარგად აქვს დაჭერილი ნაწარმოების ღირსებები და თუ ნაკლოვანებებსაც აღმოფხვრავ, ჯონათანს დავესესხები-

" წიგნებისმოძულე თაობაც, სიამოვნებით წაიკითხავს." :)))

სიკეთე ყველას!

დავით კვიტატიანი. 2014-06-17 14:56:14

8. გიორგი, ლექსის ავტორი არმენ არუთინოვი რომაა, არ გინდა სადმე მიუთითო ? ეს აუცილებელია.

ნეფერტარი. 2014-06-17 11:37:41

7. ჰო...ფორუმში...რატიანთან გასარჩევ- გასატყავებლად რომ უნდა
შემოიტანო, ეს ერთხელ უკვე გირჩიე ...ამით ბევრს მოიგებს შენი მოთხრობები...

ჭა. 2014-06-17 11:03:30

6. კარბად მახსოვს ეს და მომწონს რათქმაუნდა, მიუხედავად ბევრი ხარვეზისა...:)
სულაც ამ მოთხრობით გაგიცანი მგონი ავტორო...:-*

მართლაც ძალიან კარგი რამე გამოვა საფუძვლიან რედაქტირებას თუ გაუკეთებ...

მაგალითისთვის ისე ...ზედაპირულად გეტყვი...:-*
მამასთან დაკავშირებით, ბევრი რამაა მგონი ჩასასწორებელი...უფრო დამაჯერებელი უნდა იყოს ავტორი მანდ ...-მეორე ცოლთან რომ ბავშვი ეყოლა, სრულიად ზედმეტია ეგ ...კიდევ შამპანურით შერიგებას რომ სთხოვს...ეგაც...და კიდევ..კარგად უნდა გადახედვა...

ბევრი შეცდომაა გაპარული, მაგრამ სამაგიეროდ ისეთი ხიბლი აქვს თხრობა, რაც ჩემი აზრით ძალიან იშვიათია...:-*
5

ჭა. 2014-06-17 11:01:22

5. ყველა წაკითხული მაქვს და არაერთხელ, იდო აქ ეს ნაწილ ნაწილ. ყველა კარგია სერიოზულად. მიშა რატიანს უნდა აჩვენო.
ბომბია. მაგრამ მე მაღლის ნაამბობი მიყვარს, - სიურეალისტურობის გამო.

კიდევ ბრავა და კიდევ 5 ქულა.

ნეფერტარი. 2014-06-17 09:42:12

თავიდან ბოლომდე წავიკითხე, პილიგრიმ, ჯობდა, ნაწილ-ნაწილ დაგედო, თუმცა, შესაძოა ემოციური ფონი განელებულიყო...
მიუხედავად იმისა, რომ კარგა გვარიანად გასარედაქტირებელია, საოცარი განცდა დამიტოვა, სამივე ირაკლი ზუსტად დავინახე, განვიცადე მათი ცხოვრება, მეტკინა მათი დასახიჩრებული სულები, "თბილი ნათების ნაცვლად სანთებელებით განათებული ცხოვრების გზა", უმამოდ გაზრდილი ბიჭები, ნაძირალა ან პასუხისმგებლობას გაქცეული მამები, სასტიკი სამყარო, უგულო ხალხი, მარიაჟა საზოგადოება, რომელსაც სულ ცალ ფეხზე ჰკიდია ობოლიც, მათხოვარიც და მისი ულუკმაპურობაც...
დედის მიმართ ბიჭის თანაგრძნობის პასაჟიც, უკაცოდ გაზრდის პრობლემები, მამინაცვლის უგულობაც - ძალიან დამაჯერებელი და ზუსტი იყო, თითქოს ფილმს ვუყურებდი, თითქოს ალუზიაც გაჩნდა "ერთხელ, ამერიკაში" -ამ ფილმისა, ოღონდ, ეს არ იყო მიბაძვა...
კარგად გაქვს დაჭერილი გაქუჩისბიჭების და დანაშაულის ჩადენის მიზეზ-შედეგობრივი კავშირი...
დრო, ეპოქა და ადამიანები თავისი ადამიანურ-არაადამიანური თვისებებით კარგად გაქვს ნაჩვენები!!!
მხოლოდ,ცოტა გაწელილი მეჩვენა ფინალი, ჩრდილების დიალოგმა და ბოლოში თხრობის ჟანრის შეცვლამ ცოტა ამომაგდო...

შენგან მართლა კარგი მწერალი დადგება და ეს ნაწარმოები კარგი რედაქტორისა და გამომცემლის ხელში შესაძლოა, ბესთსელერადაც იქცეს!!!
აქაც დაემთხვა ჩემი და ჯონათანის აზრი, სულ ერთი ფრთის მოსმით მასწრებს ჩემი ჭკვიანი და გულთმისანი "თოლია"...

თანანა. 2014-06-17 04:24:04

3. ერთად დადება სჯობდა დანაწერვრებას.

გაგ.ედო. 2014-06-17 02:47:02

2.
ამხელა მოცულობის ტექსტის ასე, ერთიანად წამკითხველი, საეჭვოა, აქ რომ ვინმე გამოჩნდეს, გადამკითხველებიც (ანუ ჩემნაირებიც ) კი გაჭირდება :)

არადა, მართლაც მიუხედავად უამრავი ხარვეზისა, კარგი მოთხრობაა ეს და კარგი რედაქტორის ხელში შეიძლება ისეთ პოპულარულ წიგნადაც კი იქცეს, წიგნებისმოძულე თაობაც რომ სიამოვნებით წაიკითხავს.

jonatan livingstoni. 2014-06-17 01:18:03

1. ეს ნაწარმოები, მიუხედავად მისი უამრავი ხრავეზისა(რომელთა გასწორების საშუალება ახლა სამწუხაროდ არ მეძლევა), ყველაზე მეტად მიყვარს ჩემს მოთხრობებში. ახლა აღარავინ წაიკითხავს ამას ალბათ, მაგრამ იდოს ასე, სრულად. იქნებ შემთხვევით შემოეხეტოს ვინმე და რაიმე ღირებული რჩევა შემომაწოდოს, საბოლოო ვერსიის შემუშავების წინ:))

პილიგრიმი. 2014-06-16 16:49:42