ახლიდან დავიწყოთ, თუ გინდა,
გზები ძალიან ავრიეთ...
სიშორე, მხოლოდღა გულს ღლიდა,
შენი ვარ, და განა ამიერ!?

დრო, ნაპირს ეძებს და ხმელეთი
ახლოა... ლოდინი ღლის თვალებს,
მივქარე - ჩქარობით - ეს ერთი,
მერე რომ გავჩერდი - მივქარე.

რამდენი შეცდომა დავუშვი...
აღარ მსურს კვლავ ასე გავლიო:
ვერც ბედი ვპოვე "ამურში",
ფორტუნაც არ მწყალობს - აპრიორ...

ახლიდან დავიწყოთ, თუ გინდა,
გზები ძალიან ავრიეთ...
სიშორე, მხოლოდღა გულს ღლიდა,
შენი ვარ, და განა ამიერ!?.