სასაცილოა ყველაფერი, ისიც, რომ გუშინ
შოკოლადები მივუტანე ქუჩის ბიჭუნას
და წინა ღამით შიმშილზე ვწერდი-

სულის და ხორცის შიმშილით მუშტი
შეეკრა მაგრად, მგონი ირწმუნა,
რომ ანგელოზი ვიყავი და ადიდა ღმერთი.

როცა მაძღარი მუცლით დაწვა გაცრეცილ ყუთზე
და მერე მშვიდად ჩაეძინა, ვინ იცის სიზმრად
იხილა რაღაც ზეციური, ანდაც უბრალოდ

გამთბარი სახლი და თუ კი ვუძლებ
ცხოვრებას, ვხვდები გაძლებად ღირდა
ვიღაცისათვის მომეტანა ერთი ღიმილი და ამ ღიმილით ღმერთი უკვდავყო.

თუნდაც, ასეთმა უსუსურმა, ვიღაც მოკვდავმა
მე ასე მჯერა, ღმერთს თუ ეძებ შენში მონახავ..