თუ არ მოკვდი,
ვერ ეყვარები..
თუ მოკვდი,
ფეხებზე გკიდია,
რომ უყვარხარ..
ფეხებზე, რომლებსაც ვეღარ გრძნობ
და ცოტა უფრო ჭკვიანი ტიპი,
რომელიც კუბოს ფეხების მხარეს დაუდგება,
მსუბუქიაო,
ბევრზე გულწრფელი მაინც არის
თავის თავთან მაინც..

კატები მიყვარს მეთქი,
არ ცრუობენ,
შენც იცი,
რომ ერთი ჯამი რძის გამო უყვარხარ,
კატამაც იცის,
რომ შენთვის ერთი ჯამი რძე არაფერია
მის სიყვარულთან..

წვიმა მიყვარს,
არანაირი რომანტიკა
ან დამალული ცრემლები,
უბრალოდ ჰაერია და
ვსუნთქავ..
ვგრძნობ ფეხები, როგორ მისველდება,
ფეხებს ვგრძნობ და
ცოცხალი ვარ მეთქი..

ჯიბე კი არა
გულცარიელი უნდა ვეყო ახლა ცხოვრებას..